༨. ནཱ་ག་པུ་པྥི་ཡ་ཏྠེ་ར་ཨ་པ་དཱ་ནཾ
༣༩. ‘‘སུ་ཝ་ཙྪོ ནཱ་མ ནཱ་མེ་ན, བྲཱ་ཧྨ་ཎོ མ་ནྟ་པཱ་ར་གཱུ;
པུ་ར་ཀྑ་ཏོ ས་སི་སྶེ་ཧི, ཝ་ས་ཏེ པ་བྦ་ཏ་ནྟ་རེ.
༤༠. ‘‘པ་དུ་མུ་ཏྟ་རོ ནཱ་མ ཛི་ནོ, ཨཱ་ཧུ་ཏཱི་ནཾ པ་ཊི་གྒ་ཧོ;
མ་མུ་དྡྷ་རི་ཏུ་ཀཱ་མོ སོ, ཨཱ་ག་ཙྪི མ་མ ས་ནྟི་ཀཾ.
༤༡. ‘‘ཝེ་ཧཱ་ས་མྷི ཙ་ངྐ་མ་ཏི, དྷཱུ་པཱ་ཡ་ཏི ཛ་ལ་ཏེ ཏ་ཐཱ;
ཧཱ་སཾ མ་མཾ ཝི་དི་ཏྭཱ་ན, པ་ཀྐཱ་མི པཱ་ཙི་ནཱ་མུ་ཁོ.
༤༢. ‘‘ཏ་ཉྩ ཨ་ཙྪ་རི་ཡཾ དི་སྭཱ, ཨ་བྦྷུ་ཏཾ ལོ་མ་ཧཾ་ས་ནཾ;
ནཱ་ག་པུ་པྥཾ ག་ཧེ་ཏྭཱ་ན, ག་ཏ་མ་གྒ་མྷི ཨོ་ཀི་རིཾ.
༤༣. ‘‘ས་ཏ་ས་ཧ་སྶི་ཏོ ཀ་པྤེ, ཡཾ པུ་པྥཾ ཨོ་ཀི་རིཾ ཨ་ཧཾ;
ཏེ་ན ཙི་ཏྟ་པྤ་སཱ་དེ་ན, དུ་གྒ་ཏིཾ ནུ་པ་པ་ཛྫ་ཧཾ.
༤༤. ‘‘ཨེ་ཀ་ཏྟིཾ་སེ ཀ་པྤ་ས་ཏེ [ཨེ་ཀ་ཏིཾ་སེ ཨི་ཏོ ཀ་མྨེ (སྱཱ.)], རཱ་ཛཱ ཨཱ་སི མ་ཧཱ་ར་ཧོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནཱ་ག་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནཱ་ག་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.