༡. ཨ་ཏི་ཚ་ཏྟི་ཡ་ཏྠེ་ར་ཨ་པ་དཱ་ནཾ
༡. ‘‘པ་རི་ནི་བྦུ་ཏེ བྷ་ག་ཝ་ཏི, ཨ་ཏྠ་ད་སྶཱི་ན་རུ་ཏྟ་མེ;
ཚ་ཏྟཱ་ཏི་ཚ་ཏྟཾ [ཚ་ཏྟཱ་དྷི་ཚ་ཏྟཾ (སཱི.)] ཀཱ་རེ་ཏྭཱ, ཐཱུ་པ་མྷི ཨ་བྷི་རོ་པ་ཡིཾ.
༢. ‘‘ཀཱ་ལེ་ན ཀཱ་ལ་མཱ་ག་ནྟྭཱ, ན་མ་སྶིཾ ལོ་ཀ་ནཱ་ཡ་ཀཾ [ས་ཏྠུ ཙེ་ཏི་ཡཾ (སཱི.)];
པུ་པྥ་ཙྪ་ད་ནཾ ཀ་ཏྭཱ་ན, ཚ་ཏྟ་མྷི ཨ་བྷི་རོ་པ་ཡིཾ.
༣. ‘‘ས་ཏྟ་ར་སེ ཀ་པྤ་ས་ཏེ, དེ་ཝ་ར་ཛྫ་མ་ཀཱ་ར་ཡིཾ;
མ་ནུ་སྶ་ཏྟཾ ན ག་ཙྪཱ་མི, ཐཱུ་པ་པཱུ་ཛཱ་ཡི་དཾ ཕ་ལཾ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཏི་ཚ་ཏྟི་ཡོ [ཨ་དྷི་ཚ་ཏྟི་ཡོ (སཱི. སྱཱ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཏི་ཚ་ཏྟི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.