༨. ཨེ་ཀ་པ་སཱ་ད་ནི་ཡ་ཏྠེ་ར་ཨ་པ་དཱ་ནཾ
༥༥. ‘‘ནཱ་ར་དོ ཨི་ཏི མེ ནཱ་མཾ [ནཱ་ར་དོ ཨི་ཏི ནཱ་མེ་ན (སྱཱ. ཀ.) ཨུ་པ་རི ཏེ་ཝཱི་ས་ཏི་མ་ཝ་གྒེ པ་ན ཚ་ཊྛཱ་པ་དཱ་ནེ ‘‘མེ ནཱ་མཾ‘‘ཨི་ཙྩེ་ཝ དི་སྶ་ཏི], ཀེ་ས་ཝོ ཨི་ཏི མཾ ཝི་དཱུ;
ཀུ་ས་ལཱ་ཀུ་ས་ལཾ ཨེ་སཾ, ཨ་ག་མཾ བུ་དྡྷ་ས་ནྟི་ཀཾ.
༥༦. ‘‘མེ་ཏྟ་ཙི་ཏྟོ ཀཱ་རུ་ཎི་ཀོ, ཨ་ཏྠ་ད་སྶཱི མ་ཧཱ་མུ་ནི;
ཨ་སྶཱ་ས་ཡ་ནྟོ ས་ཏྟེ སོ, དྷ་མྨཾ དེ་སེ་ཏི ཙ་ཀྑུ་མཱ.
༥༧. ‘‘ས་ཀཾ ཙི་ཏྟཾ པ་སཱ་དེ་ཏྭཱ, སི་རེ ཀ་ཏྭཱ་ན ཨ་ཉྫ་ལིཾ;
ས་ཏྠཱ་རཾ ཨ་བྷི་ཝཱ་དེ་ཏྭཱ, པ་ཀྐཱ་མིཾ པཱ་ཙི་ནཱ་མུ་ཁོ.
༥༨. ‘‘ས་ཏྟ་ར་སེ ཀ་པྤ་ས་ཏེ, རཱ་ཛཱ ཨཱ་སི མ་ཧཱི་པ་ཏི;
ཨ་མི་ཏྟ་ཏཱ་པ་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༥༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་པ་སཱ་ད་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་པ་སཱ་ད་ནི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.