༢. སུ་ད་སྶ་ན་ཏྠེ་ར་ཨ་པ་དཱ་ནཾ
༡༠. ‘‘ཝི་ན་ཏཱ ན་དི་ཡཱ [ཝི་ཏྠ་ཏཱ་ཡ ན་དི་ཡཱ (སྱཱ.)] ཏཱི་རེ, པི་ལ་ཀྑུ [པི་ལ་ཀྑོ (སཱི. ཐེ་ར་གཱ་ཐཱ ཨ་ཊྛ.)] ཕ་ལི་ཏོ ཨ་ཧུ;
ཏཱ་ཧཾ རུ་ཀྑཾ ག་ཝེ་ས་ནྟོ, ཨ་དྡ་སཾ ལོ་ཀ་ནཱ་ཡ་ཀཾ.
༡༡. ‘‘ཀེ་ཏ་ཀཾ པུ་པྥི་ཏཾ དི་སྭཱ, ཝ་ཎྚེ ཚེ་ཏྭཱ་ན་ཧཾ ཏ་དཱ;
བུ་དྡྷ་སྶ ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.
༡༢. ‘‘ཡེ་ན ཉཱ་ཎེ་ན པ་ཏྟོ་སི, ཨ་ཙྩུ་ཏཾ ཨ་མ་ཏཾ པ་དཾ;
ཏཾ ཉཱ་ཎཾ ཨ་བྷི་པཱུ་ཛེ་མི, བུ་དྡྷ་སེ་ཊྛ མ་ཧཱ་མུ་ནི.
༡༣. ‘‘ཉཱ་ཎ་མྷི པཱུ་ཛཾ ཀ་ཏྭཱ་ན, པི་ལ་ཀྑུ་མ་དྡ་སཾ ཨ་ཧཾ;
པ་ཊི་ལ་དྡྷོ་མྷི ཏཾ པ་ཉྙཾ [ཏཾ ས་ཉྙཾ (སྱཱ.), ཏཾ པུ་ཉྙཾ (ཀ.)], ཉཱ་ཎ་པཱུ་ཛཱ་ཡི་དཾ ཕ་ལཾ.
༡༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་པཱུ་ཛཱ་ཡི་དཾ ཕ་ལཾ.
༡༥. ‘‘ཨི་ཏོ ཏེ་ར་ས་ཀ་པྤ་མྷི, དྭཱ་ད་སཱ་སུཾ ཕ་ལུ་གྒ་ཏཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་པྥ་ལཱ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ད་སྶ་ནོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ད་སྶ་ན་ཏྠེ་ར་སྶཱ་པ་དཱ་ནཾ དུ་ཏི་ཡཾ.