༤. ག་ནྡྷོ་ད་ཀི་ཡ་ཏྠེ་ར་ཨ་པ་དཱ་ནཾ

༣༥. ‘‘ནི་ས་ཛྫ པཱ་སཱ་ད་ཝ་རེ, ཝི་པ་སྶིཾ ཨ་དྡ་སཾ ཛི་ནཾ;

ཀ་ཀུ་དྷཾ ཝི་ལ་ས་ནྟཾ་ཝ, ས་བྦ་ཉྙུཾ ཏ་མ་ནཱ་ས་ཀཾ [ས་བྦ་ཉྙུ་ཏྟ་མ་ནཱ་ཡ་ཀཾ (སྱཱ.), ས་བྦ་ཉྙུ་ཏ་མ་ནཱ་ས་ཝཾ (ཀ.)].

༣༦. ‘‘པཱ་སཱ་ད་སྶཱ་ཝི་དཱུ་རེ ཙ, ག་ཙྪ་ཏི ལོ་ཀ་ནཱ་ཡ་ཀོ;

པ་བྷཱ ནི་དྡྷཱ་ཝ་ཏེ ཏ་སྶ, ཡ་ཐཱ ཙ ས་ཏ་རཾ་སི་ནོ.

༣༧. ‘‘ག་ནྡྷོ་ད་ཀ་ཉྩ པ་གྒ་ཡ྄ཧ, བུ་དྡྷ་སེ་ཊྛཾ ས་མོ་ཀི་རིཾ;

ཏེ་ན ཙི་ཏྟ་པྤ་སཱ་དེ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.

༣༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ག་ནྡྷོ་ད་ཀ་མཱ་ཀི་རིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༣༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, སུ་ག་ནྡྷོ ནཱ་མ ཁ་ཏྟི་ཡོ;

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ག་ནྡྷོ་ད་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ག་ནྡྷོ་ད་ཀི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.