༢. སུ་མ་ངྒ་ལ་ཏྠེ་ར་ཨ་པ་དཱ་ནཾ
༡༡. ‘‘ཨ་ཏྠ་ད་སྶཱི ཛི་ན་ཝ་རོ, ལོ་ཀ་ཛེ་ཊྛོ ན་རཱ་ས་བྷོ;
ཝི་ཧཱ་རཱ ཨ་བྷི་ནི་ཀྑ་མྨ, ཏ་ལཱ༹་ཀཾ ཨུ་པ་ས་ངྐ་མི.
༡༢. ‘‘ནྷ་ཏྭཱ པི་ཏྭཱ ཙ ས་མྦུ་དྡྷོ, ཨུ་ཏྟ་རི་ཏྭེ་ཀ་ཙཱི་ཝ་རོ;
ཨ་ཊྛཱ་སི བྷ་ག་ཝཱ ཏ་ཏྠ, ཝི་ལོ་ཀེ་ནྟོ དི་སོ་དི་སཾ.
༡༣. ‘‘བྷ་ཝ་ནེ ཨུ་པ་ཝི་ཊྛོ་ཧཾ, ཨ་དྡ་སཾ ལོ་ཀ་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, ཨ་པྥོ་ཊེ་སིཾ ཨ་ཧཾ ཏ་དཱ.
༡༤. ‘‘ས་ཏ་རཾ་སིཾ་ཝ ཛོ་ཏ་ནྟཾ, པ་བྷཱ་ས་ནྟཾ་ཝ ཀ་ཉྩ་ནཾ [ཨི་མི་ནཱ པཱ་ད་དྭ་ཡེ་ན པུ་རི་མ་པཱ་ད་དྭ་ཡ་སྶ པུ་ར་ཏོ བྷ་ཝི་ཏ་བྦཾ];
ན་ཙྩ་གཱི་ཏེ པ་ཡུ་ཏྟོ་ཧཾ, པ་ཉྩ་ངྒ་ཏཱུ་རི་ཡ་མྷི ཙ.
༡༥. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
ས་བྦེ ས་ཏྟེ ཨ་བྷི་བྷོ་མི, ཝི་པུ་ལོ ཧོ་ཏི མེ ཡ་སོ [ཨ་ཡ་ཉྩ གཱ་ཐཱ པ་རི་གྒ་ཧེ་ཏི་གཱ་ཐཱ་ཡ ཨ་ན་ནྟ་ར་མེ་ཝ ཋཱ་ཏུཾ ཡུ་ཏྟཱ].
༡༦. ‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;
ཨ་ཏྟཱ་ནཾ ཏོ་ས་ཡི་ཏྭཱ་ན, པ་རེ ཏོ་སེ་སི ཏྭཾ མུ་ནི.
༡༧. ‘‘པ་རི་གྒ་ཧེ [པ་རི་གྒ་ཡ྄ཧ (སཱི.), པ་རི་གྒ་ཧི་ཏྭཱ (སྱཱ.), པ་རི་གྒ་ཧེ་ན (ཀ.)] ནི་སཱི་དི་ཏྭཱ, ཧཱ་སཾ ཀ་ཏྭཱ་ན སུ་བྦ་ཏེ;
ཨུ་པ་ཊྛ་ཧི་ཏྭཱ ས་མྦུ་དྡྷཾ, ཏུ་སི་ཏཾ ཨུ་པ་པ་ཛྫ་ཧཾ.
༡༨. ‘‘སོ་ལ༹་སེ་ཏོ ཀ་པྤ་ས་ཏེ, དྭི་ན་ཝ་ཨེ་ཀ་ཙི་ནྟི་ཏཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་མ་ངྒ་ལོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་མ་ངྒ་ལ་ཏྠེ་ར་སྶཱ་པ་དཱ་ནཾ དུ་ཏི་ཡཾ.