༡. བྷི་ཀྑ་དཱ་ཡ་ཀ་ཏྠེ་ར་ཨ་པ་དཱ་ནཾ

༡. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;

པ་ཝ་རཱ [པ་ཝ་ནཱ (སྱཱ.)] ཨ་བྷི་ནི་ཀྑ་ནྟཾ, ཝ་ནཱ ནི་བྦ་ན་མཱ་ག་ཏཾ [ཝཱ་ནཱ ནི་བྦཱ་ན་མཱ་ག་ཏཾ (སྱཱ.)].

༢. ‘‘ཀ་ཊ་ཙྪུ་བྷི་ཀྑཾ པཱ་དཱ་སིཾ, སི་དྡྷ་ཏྠ་སྶ མ་ཧེ་སི་ནོ;

པ་ཉྙཱ་ཡ ཨུ་པ་ས་ནྟ་སྶ, མ་ཧཱ་ཝཱི་ར་སྶ ཏཱ་དི་ནོ.

༣. ‘‘པ་དེ་ནཱ་ནུ་པ་དཱ་ཡ་ནྟཾ [པ་དེ་ནཱ་ནུ་པ་དཱ་ཡ་ནྟོ (སཱི. སྱཱ.)], ནི་བྦཱ་པེ་ནྟེ མ་ཧཱ་ཛ་ནཾ;

ཨུ་ལཱ༹་རཱ ཝི་ཏྟི མེ ཛཱ་ཏཱ, བུ་དྡྷེ ཨཱ་དི་ཙྩ་བ་ནྡྷུ་ནེ [ཝི་ཏྟི མེ པཱ་ཧུ་ནཱ ཏཱ་ཝ, བུ་དྡྷ་སྶཱ་དི་ཙྩ་བ་ནྡྷུ་ནོ (སྱཱ.)].

༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, བྷི་ཀྑཱ་དཱ་ན་སྶི་དཾ ཕ་ལཾ.

༥. ‘‘ས་ཏྟཱ་སཱི་ཏི་མྷི་ཏོ ཀ་པྤེ, མ་ཧཱ་རེ་ཎུ ས་ནཱ་མ་ཀཱ;

ས་ཏྟ་ར་ཏ་ན་ས་མྤ་ནྣཱ, ས་ཏྟེ་ཏེ ཙ་ཀྐ་ཝ་ཏྟི་ནོ.

༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ བྷི་ཀྑ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

བྷི་ཀྑ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.