༣. ཨ་ཌྜྷ་ཙེ་ལ༹་ཀ་ཏྠེ་ར་ཨ་པ་དཱ་ནཾ
༡༤. ‘‘ཏི་སྶ་སྶཱ་ཧཾ བྷ་ག་ཝ་ཏོ, ཨུ་པ་ཌྜྷ་དུ་སྶ་མ་དཱ་ས་ཧཾ;
པ་ར་མ་ཀཱ་པ་ཉྙ་པ་ཏྟོ་མྷི [པ་ར་མ་ཀཱ་རུ་ཉྙ་པ་ཏྟོ་མྷི (སྱཱ. ཀ.)], དུ་གྒ་ཏེ་ན [དུ་གྒ་ནྡྷེ་ན (སཱི.)] ས་མ་པྤི་ཏོ.
༡༥. ‘‘ཨུ་པ་ཌྜྷ་དུ་སྶཾ ད་ཏྭཱ་ན, ཀ་པྤཾ ས་གྒ་མྷི མོ་ད་ཧཾ;
ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཀཱ་རི་ཏཾ མ་ཡཱ.
༡༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དུ་སྶ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དུ་སྶ་དཱ་ན་སྶི་དཾ ཕ་ལཾ.
༡༧. ‘‘ཨེ་ཀཱུ་ན་པ་ཉྙཱ་ས་ཀ་པྤ་མྷི [ཨེ་ཀ་པ་ཉྙཱ་ས་ཀ་པྤ་མྷི (སྱཱ.)], རཱ་ཛཱ་ནོ ཙ་ཀྐ་ཝ་ཏྟི་ནོ;
ས་མ་ནྟ་ཙྪ་ད་ནཱ ནཱ་མ, བཱ་ཏྟིཾ་སཱ་སུཾ [ཁ་ཏྟི་ཡཱ་སུཾ (སྱཱ. ཀ.)] ཛ་ནཱ་དྷི་པཱ.
༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཌྜྷ་ཙེ་ལ༹་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཌྜྷ་ཙེ་ལ༹་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.