༨. མ་ཧཱ་སཱི་ཧ་ནཱ་ད་སུ་ཏྟཾ

ཨ་ཙེ་ལ་ཀ་སྶ་པ་ཝ་ཏྠུ

༣༨༡. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཨུ་རུ་ཉྙཱ་ཡཾ [ཨུ་ཛུ་ཉྙཱ་ཡཾ (སཱི. སྱཱ. ཀཾ. པཱི.)] ཝི་ཧ་ར་ཏི ཀ་ཎྞ་ཀ་ཏྠ་ལེ མི་ག་དཱ་ཡེ. ཨ་ཐ ཁོ ཨ་ཙེ་ལོ ཀ་སྶ་པོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏོ ཁོ ཨ་ཙེ་ལོ ཀ་སྶ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘སུ་ཏཾ མེ་ཏཾ, བྷོ གོ་ཏ་མ – ‘ས་མ་ཎོ གོ་ཏ་མོ ས་བྦཾ ཏ་པཾ ག་ར་ཧ་ཏི, ས་བྦཾ ཏ་པ་སྶིཾ ལཱུ་ཁཱ་ཛཱི་ཝིཾ ཨེ་ཀཾ་སེ་ན ཨུ་པ་ཀྐོ་ས་ཏི ཨུ་པ་ཝ་ད་ཏཱི’ཏི. ཡེ ཏེ, བྷོ གོ་ཏ་མ, ཨེ་ཝ་མཱ་ཧཾ་སུ – ‘ས་མ་ཎོ གོ་ཏ་མོ ས་བྦཾ ཏ་པཾ ག་ར་ཧ་ཏི, ས་བྦཾ ཏ་པ་སྶིཾ ལཱུ་ཁཱ་ཛཱི་ཝིཾ ཨེ་ཀཾ་སེ་ན ཨུ་པ་ཀྐོ་ས་ཏི ཨུ་པ་ཝ་ད་ཏཱི’ཏི, ཀ་ཙྩི ཏེ བྷོ་ཏོ གོ་ཏ་མ་སྶ ཝུ་ཏྟ་ཝཱ་དི་ནོ, ན ཙ བྷ་ཝ་ནྟཾ གོ་ཏ་མཾ ཨ་བྷཱུ་ཏེ་ན ཨ་བྦྷཱ་ཙི་ཀྑ་ནྟི, དྷ་མྨ་སྶ ཙཱ་ནུ་དྷ་མྨཾ བྱཱ་ཀ་རོ་ནྟི, ན ཙ ཀོ་ཙི ས་ཧ་དྷ་མྨི་ཀོ ཝཱ་དཱ་ནུ་ཝཱ་དོ གཱ་ར་ཡ྄ཧཾ ཋཱ་ནཾ ཨཱ་ག་ཙྪ་ཏི? ཨ་ན་བྦྷ་ཀྑཱ་ཏུ་ཀཱ་མཱ ཧི མ་ཡཾ བྷ་ཝ་ནྟཾ གོ་ཏ་མ’’ནྟི.

༣༨༢. ‘‘ཡེ ཏེ, ཀ་སྶ་པ, ཨེ་ཝ་མཱ་ཧཾ་སུ – ‘ས་མ་ཎོ གོ་ཏ་མོ ས་བྦཾ ཏ་པཾ ག་ར་ཧ་ཏི, ས་བྦཾ ཏ་པ་སྶིཾ ལཱུ་ཁཱ་ཛཱི་ཝིཾ ཨེ་ཀཾ་སེ་ན ཨུ་པ་ཀྐོ་ས་ཏི ཨུ་པ་ཝ་ད་ཏཱི’ཏི, ན མེ ཏེ ཝུ་ཏྟ་ཝཱ་དི་ནོ, ཨ་བྦྷཱ་ཙི་ཀྑ་ནྟི ཙ པ་ན མཾ ཏེ ཨ་ས་ཏཱ ཨ་བྷཱུ་ཏེ་ན. ཨི་དྷཱ་ཧཾ, ཀ་སྶ་པ, ཨེ་ཀ་ཙྩཾ ཏ་པ་སྶིཾ ལཱུ་ཁཱ་ཛཱི་ཝིཾ པ་སྶཱ་མི དི་བྦེ་ན ཙ་ཀྑུ་ནཱ ཝི་སུ་དྡྷེ་ན ཨ་ཏི་ཀྐ་ནྟ་མཱ་ནུ་ས་ཀེ་ན ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ནྣཾ. ཨི་དྷ པ་ནཱ་ཧཾ, ཀ་སྶ་པ, ཨེ་ཀ་ཙྩཾ ཏ་པ་སྶིཾ ལཱུ་ཁཱ་ཛཱི་ཝིཾ པ་སྶཱ་མི དི་བྦེ་ན ཙ་ཀྑུ་ནཱ ཝི་སུ་དྡྷེ་ན ཨ་ཏི་ཀྐ་ནྟ་མཱ་ནུ་ས་ཀེ་ན ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ནྣཾ.

༣༨༣. ‘‘ཨི་དྷཱ་ཧཾ, ཀ་སྶ་པ, ཨེ་ཀ་ཙྩཾ ཏ་པ་སྶིཾ ཨ་པྤ་དུ་ཀྑ་ཝི་ཧཱ་རིཾ པ་སྶཱ་མི དི་བྦེ་ན ཙ་ཀྑུ་ནཱ ཝི་སུ་དྡྷེ་ན ཨ་ཏི་ཀྐ་ནྟ་མཱ་ནུ་ས་ཀེ་ན ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ནྣཾ. ཨི་དྷ པ་ནཱ་ཧཾ, ཀ་སྶ་པ, ཨེ་ཀ་ཙྩཾ ཏ་པ་སྶིཾ ཨ་པྤ་དུ་ཀྑ་ཝི་ཧཱ་རིཾ པ་སྶཱ་མི དི་བྦེ་ན ཙ་ཀྑུ་ནཱ ཝི་སུ་དྡྷེ་ན ཨ་ཏི་ཀྐ་ནྟ་མཱ་ནུ་ས་ཀེ་ན ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ནྣཾ. ཡོ་ཧཾ, ཀ་སྶ་པ, ཨི་མེ་སཾ ཏ་པ་སྶཱི་ནཾ ཨེ་ཝཾ ཨཱ་ག་ཏི་ཉྩ ག་ཏི་ཉྩ ཙུ་ཏི་ཉྩ ཨུ་པ་པ་ཏྟི་ཉྩ ཡ་ཐཱ་བྷཱུ་ཏཾ པ་ཛཱ་ནཱ་མི, སོ་ཧཾ ཀིཾ ས་བྦཾ ཏ་པཾ ག་ར་ཧི་སྶཱ་མི, ས་བྦཾ ཝཱ ཏ་པ་སྶིཾ ལཱུ་ཁཱ་ཛཱི་ཝིཾ ཨེ་ཀཾ་སེ་ན ཨུ་པ་ཀྐོ་སི་སྶཱ་མི ཨུ་པ་ཝ་དི་སྶཱ་མི?

༣༨༤. ‘‘ས་ནྟི, ཀ་སྶ་པ, ཨེ་ཀེ ས་མ་ཎ་བྲཱ་ཧྨ་ཎཱ པ་ཎྜི་ཏཱ ནི་པུ་ཎཱ ཀ་ཏ་པ་ར་པྤ་ཝཱ་དཱ ཝཱ་ལ་ཝེ་དྷི་རཱུ་པཱ. ཏེ བྷི་ནྡ་ནྟཱ མ་ཉྙེ ཙ་ར་ནྟི པ་ཉྙཱ་ག་ཏེ་ན དི་ཊྛི་ག་ཏཱ་ནི. ཏེ་ཧི་པི མེ ས་དྡྷིཾ ཨེ་ཀ་ཙྩེ་སུ ཋཱ་ནེ་སུ ས་མེ་ཏི, ཨེ་ཀ་ཙྩེ་སུ ཋཱ་ནེ་སུ ན ས་མེ་ཏི. ཡཾ ཏེ ཨེ་ཀ་ཙྩཾ ཝ་ད་ནྟི ‘སཱ་དྷཱུ’ཏི, མ་ཡ་མྤི ཏཾ ཨེ་ཀ་ཙྩཾ ཝ་དེ་མ ‘སཱ་དྷཱུ’ཏི. ཡཾ ཏེ ཨེ་ཀ་ཙྩཾ ཝ་ད་ནྟི ‘ན སཱ་དྷཱུ’ཏི, མ་ཡ་མྤི ཏཾ ཨེ་ཀ་ཙྩཾ ཝ་དེ་མ ‘ན སཱ་དྷཱུ’ཏི. ཡཾ ཏེ ཨེ་ཀ་ཙྩཾ ཝ་ད་ནྟི ‘སཱ་དྷཱུ’ཏི, མ་ཡཾ ཏཾ ཨེ་ཀ་ཙྩཾ ཝ་དེ་མ ‘ན སཱ་དྷཱུ’ཏི. ཡཾ ཏེ ཨེ་ཀ་ཙྩཾ ཝ་ད་ནྟི ‘ན སཱ་དྷཱུ’ཏི, མ་ཡཾ ཏཾ ཨེ་ཀ་ཙྩཾ ཝ་དེ་མ ‘སཱ་དྷཱུ’ཏི.

‘‘ཡཾ མ་ཡཾ ཨེ་ཀ་ཙྩཾ ཝ་དེ་མ ‘སཱ་དྷཱུ’ཏི, པ་རེ་པི ཏཾ ཨེ་ཀ་ཙྩཾ ཝ་ད་ནྟི ‘སཱ་དྷཱུ’ཏི. ཡཾ མ་ཡཾ ཨེ་ཀ་ཙྩཾ ཝ་དེ་མ ‘ན སཱ་དྷཱུ’ཏི, པ་རེ་པི ཏཾ ཨེ་ཀ་ཙྩཾ ཝ་ད་ནྟི ‘ན སཱ་དྷཱུ’ཏི. ཡཾ མ་ཡཾ ཨེ་ཀ་ཙྩཾ ཝ་དེ་མ ‘ན སཱ་དྷཱུ’ཏི, པ་རེ ཏཾ ཨེ་ཀ་ཙྩཾ ཝ་ད་ནྟི ‘སཱ་དྷཱུ’ཏི. ཡཾ མ་ཡཾ ཨེ་ཀ་ཙྩཾ ཝ་དེ་མ ‘སཱ་དྷཱུ’ཏི, པ་རེ ཏཾ ཨེ་ཀ་ཙྩཾ ཝ་ད་ནྟི ‘ན སཱ་དྷཱུ’ཏི.

ས་མ་ནུ་ཡུ་ཉྫཱ་པ་ན་ཀ་ཐཱ

༣༨༥. ‘‘ཏྱཱ་ཧཾ ཨུ་པ་ས་ངྐ་མི་ཏྭཱ ཨེ་ཝཾ ཝ་དཱ་མི – ཡེ་སུ ནོ, ཨཱ་ཝུ་སོ, ཋཱ་ནེ་སུ ན ས་མེ་ཏི, ཏི་ཊྛ་ནྟུ ཏཱ་ནི ཋཱ་ནཱ་ནི. ཡེ་སུ ཋཱ་ནེ་སུ ས་མེ་ཏི, ཏ་ཏྠ ཝི་ཉྙཱུ ས་མ་ནུ་ཡུ་ཉྫ་ནྟཾ ས་མ་ནུ་གཱ་ཧ་ནྟཾ ས་མ་ནུ་བྷཱ་ས་ནྟཾ ས་ཏྠཱ་རཱ ཝཱ ས་ཏྠཱ་རཾ ས་ངྒྷེ་ན ཝཱ ས་ངྒྷཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཨ་ཀུ་ས་ལཱ ཨ་ཀུ་ས་ལ་ས་ངྑཱ་ཏཱ, སཱ་ཝ་ཛྫཱ སཱ་ཝ་ཛྫ་ས་ངྑཱ་ཏཱ, ཨ་སེ་ཝི་ཏ་བྦཱ ཨ་སེ་ཝི་ཏ་བྦ་ས་ངྑཱ་ཏཱ, ན ཨ་ལ་མ་རི་ཡཱ ན ཨ་ལ་མ་རི་ཡ་ས་ངྑཱ་ཏཱ, ཀ་ཎྷཱ ཀ་ཎྷ་ས་ངྑཱ་ཏཱ. ཀོ ཨི་མེ དྷ་མྨེ ཨ་ན་ཝ་སེ་སཾ པ་ཧཱ་ཡ ཝ་ཏྟ་ཏི, ས་མ་ཎོ ཝཱ གོ་ཏ་མོ, པ་རེ ཝཱ པ་ན བྷོ་ནྟོ ག་ཎཱ་ཙ་རི་ཡཱ’ཏི?

༣༨༦. ‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨེ་ཝཾ ཝ་དེ་ཡྻུཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཨ་ཀུ་ས་ལཱ ཨ་ཀུ་ས་ལ་ས་ངྑཱ་ཏཱ, སཱ་ཝ་ཛྫཱ སཱ་ཝ་ཛྫ་ས་ངྑཱ་ཏཱ, ཨ་སེ་ཝི་ཏ་བྦཱ ཨ་སེ་ཝི་ཏ་བྦ་ས་ངྑཱ་ཏཱ, ན ཨ་ལ་མ་རི་ཡཱ ན ཨ་ལ་མ་རི་ཡ་ས་ངྑཱ་ཏཱ, ཀ་ཎྷཱ ཀ་ཎྷ་ས་ངྑཱ་ཏཱ. ས་མ་ཎོ གོ་ཏ་མོ ཨི་མེ དྷ་མྨེ ཨ་ན་ཝ་སེ་སཾ པ་ཧཱ་ཡ ཝ་ཏྟ་ཏི, ཡཾ ཝཱ པ་ན བྷོ་ནྟོ པ་རེ ག་ཎཱ་ཙ་རི་ཡཱ’ཏི. ཨི་ཏི་ཧ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨ་མྷེ་ཝ ཏ་ཏྠ ཡེ་བྷུ་ཡྻེ་ན པ་སཾ་སེ་ཡྻུཾ.

༣༨༧. ‘‘ཨ་པ་ར་མྤི ནོ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཾ ས་མ་ནུ་གཱ་ཧ་ནྟཾ ས་མ་ནུ་བྷཱ་ས་ནྟཾ ས་ཏྠཱ་རཱ ཝཱ ས་ཏྠཱ་རཾ ས་ངྒྷེ་ན ཝཱ ས་ངྒྷཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཀུ་ས་ལཱ ཀུ་ས་ལ་ས་ངྑཱ་ཏཱ, ཨ་ན་ཝ་ཛྫཱ ཨ་ན་ཝ་ཛྫ་ས་ངྑཱ་ཏཱ, སེ་ཝི་ཏ་བྦཱ སེ་ཝི་ཏ་བྦ་ས་ངྑཱ་ཏཱ, ཨ་ལ་མ་རི་ཡཱ ཨ་ལ་མ་རི་ཡ་ས་ངྑཱ་ཏཱ, སུ་ཀྐཱ སུ་ཀྐ་ས་ངྑཱ་ཏཱ. ཀོ ཨི་མེ དྷ་མྨེ ཨ་ན་ཝ་སེ་སཾ ས་མཱ་དཱ་ཡ ཝ་ཏྟ་ཏི, ས་མ་ཎོ ཝཱ གོ་ཏ་མོ, པ་རེ ཝཱ པ་ན བྷོ་ནྟོ ག་ཎཱ་ཙ་རི་ཡཱ’ ཏི?

༣༨༨. ‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨེ་ཝཾ ཝ་དེ་ཡྻུཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཀུ་ས་ལཱ ཀུ་ས་ལ་ས་ངྑཱ་ཏཱ, ཨ་ན་ཝ་ཛྫཱ ཨ་ན་ཝ་ཛྫ་ས་ངྑཱ་ཏཱ, སེ་ཝི་ཏ་བྦཱ སེ་ཝི་ཏ་བྦ་ས་ངྑཱ་ཏཱ, ཨ་ལ་མ་རི་ཡཱ ཨ་ལ་མ་རི་ཡ་ས་ངྑཱ་ཏཱ, སུ་ཀྐཱ སུ་ཀྐ་ས་ངྑཱ་ཏཱ. ས་མ་ཎོ གོ་ཏ་མོ ཨི་མེ དྷ་མྨེ ཨ་ན་ཝ་སེ་སཾ ས་མཱ་དཱ་ཡ ཝ་ཏྟ་ཏི, ཡཾ ཝཱ པ་ན བྷོ་ནྟོ པ་རེ ག་ཎཱ་ཙ་རི་ཡཱ’ཏི. ཨི་ཏི་ཧ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨ་མྷེ་ཝ ཏ་ཏྠ ཡེ་བྷུ་ཡྻེ་ན པ་སཾ་སེ་ཡྻུཾ.

༣༨༩. ‘‘ཨ་པ་ར་མྤི ནོ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཾ ས་མ་ནུ་གཱ་ཧ་ནྟཾ ས་མ་ནུ་བྷཱ་ས་ནྟཾ ས་ཏྠཱ་རཱ ཝཱ ས་ཏྠཱ་རཾ ས་ངྒྷེ་ན ཝཱ ས་ངྒྷཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཨ་ཀུ་ས་ལཱ ཨ་ཀུ་ས་ལ་ས་ངྑཱ་ཏཱ, སཱ་ཝ་ཛྫཱ སཱ་ཝ་ཛྫ་ས་ངྑཱ་ཏཱ, ཨ་སེ་ཝི་ཏ་བྦཱ ཨ་སེ་ཝི་ཏ་བྦ་ས་ངྑཱ་ཏཱ, ན ཨ་ལ་མ་རི་ཡཱ ན ཨ་ལ་མ་རི་ཡ་ས་ངྑཱ་ཏཱ, ཀ་ཎྷཱ ཀ་ཎྷ་ས་ངྑཱ་ཏཱ. ཀོ ཨི་མེ དྷ་མྨེ ཨ་ན་ཝ་སེ་སཾ པ་ཧཱ་ཡ ཝ་ཏྟ་ཏི, གོ་ཏ་མ་སཱ་ཝ་ཀ་ས་ངྒྷོ ཝཱ, པ་རེ ཝཱ པ་ན བྷོ་ནྟོ ག་ཎཱ་ཙ་རི་ཡ་སཱ་ཝ་ཀ་ས་ངྒྷཱ’ཏི?

༣༩༠. ‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨེ་ཝཾ ཝ་དེ་ཡྻུཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཨ་ཀུ་ས་ལཱ ཨ་ཀུ་ས་ལ་ས་ངྑཱ་ཏཱ, སཱ་ཝ་ཛྫཱ སཱ་ཝ་ཛྫ་ས་ངྑཱ་ཏཱ, ཨ་སེ་ཝི་ཏ་བྦཱ ཨ་སེ་ཝི་ཏ་བྦ་ས་ངྑཱ་ཏཱ, ན ཨ་ལ་མ་རི་ཡཱ ན ཨ་ལ་མ་རི་ཡ་ས་ངྑཱ་ཏཱ, ཀ་ཎྷཱ ཀ་ཎྷ་ས་ངྑཱ་ཏཱ. གོ་ཏ་མ་སཱ་ཝ་ཀ་ས་ངྒྷོ ཨི་མེ དྷ་མྨེ ཨ་ན་ཝ་སེ་སཾ པ་ཧཱ་ཡ ཝ་ཏྟ་ཏི, ཡཾ ཝཱ པ་ན བྷོ་ནྟོ པ་རེ ག་ཎཱ་ཙ་རི་ཡ་སཱ་ཝ་ཀ་ས་ངྒྷཱ’ཏི. ཨི་ཏི་ཧ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨ་མྷེ་ཝ ཏ་ཏྠ ཡེ་བྷུ་ཡྻེ་ན པ་སཾ་སེ་ཡྻུཾ.

༣༩༡. ‘‘ཨ་པ་ར་མྤི ནོ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཾ ས་མ་ནུ་གཱ་ཧ་ནྟཾ ས་མ་ནུ་བྷཱ་ས་ནྟཾ ས་ཏྠཱ་རཱ ཝཱ ས་ཏྠཱ་རཾ ས་ངྒྷེ་ན ཝཱ ས་ངྒྷཾ. ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཀུ་ས་ལཱ ཀུ་ས་ལ་ས་ངྑཱ་ཏཱ, ཨ་ན་ཝ་ཛྫཱ ཨ་ན་ཝ་ཛྫ་ས་ངྑཱ་ཏཱ, སེ་ཝི་ཏ་བྦཱ སེ་ཝི་ཏ་བྦ་ས་ངྑཱ་ཏཱ, ཨ་ལ་མ་རི་ཡཱ ཨ་ལ་མ་རི་ཡ་ས་ངྑཱ་ཏཱ, སུ་ཀྐཱ སུ་ཀྐ་ས་ངྑཱ་ཏཱ. ཀོ ཨི་མེ དྷ་མྨེ ཨ་ན་ཝ་སེ་སཾ ས་མཱ་དཱ་ཡ ཝ་ཏྟ་ཏི, གོ་ཏ་མ་སཱ་ཝ་ཀ་ས་ངྒྷོ ཝཱ, པ་རེ ཝཱ པ་ན བྷོ་ནྟོ ག་ཎཱ་ཙ་རི་ཡ་སཱ་ཝ་ཀ་ས་ངྒྷཱ’ཏི?

༣༩༢. ‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨེ་ཝཾ ཝ་དེ་ཡྻུཾ – ‘ཡེ ཨི་མེ་སཾ བྷ་ཝ་ཏཾ དྷ་མྨཱ ཀུ་ས་ལཱ ཀུ་ས་ལ་ས་ངྑཱ་ཏཱ, ཨ་ན་ཝ་ཛྫཱ ཨ་ན་ཝ་ཛྫ་ས་ངྑཱ་ཏཱ, སེ་ཝི་ཏ་བྦཱ སེ་ཝི་ཏ་བྦ་ས་ངྑཱ་ཏཱ, ཨ་ལ་མ་རི་ཡཱ ཨ་ལ་མ་རི་ཡ་ས་ངྑཱ་ཏཱ, སུ་ཀྐཱ སུ་ཀྐ་ས་ངྑཱ་ཏཱ. གོ་ཏ་མ་སཱ་ཝ་ཀ་ས་ངྒྷོ ཨི་མེ དྷ་མྨེ ཨ་ན་ཝ་སེ་སཾ ས་མཱ་དཱ་ཡ ཝ་ཏྟ་ཏི, ཡཾ ཝཱ པ་ན བྷོ་ནྟོ པ་རེ ག་ཎཱ་ཙ་རི་ཡ་སཱ་ཝ་ཀ་ས་ངྒྷཱ’ཏི. ཨི་ཏི་ཧ, ཀ་སྶ་པ, ཝི་ཉྙཱུ ས་མ་ནུ་ཡུ་ཉྫ་ནྟཱ ས་མ་ནུ་གཱ་ཧ་ནྟཱ ས་མ་ནུ་བྷཱ་ས་ནྟཱ ཨ་མྷེ་ཝ ཏ་ཏྠ ཡེ་བྷུ་ཡྻེ་ན པ་སཾ་སེ་ཡྻུཾ.

ཨ་རི་ཡོ ཨ་ཊྛ་ངྒི་ཀོ མ་གྒོ

༣༩༣. ‘‘ཨ་ཏྠི, ཀ་སྶ་པ, མ་གྒོ ཨ་ཏྠི པ་ཊི་པ་དཱ, ཡ་ཐཱ་པ་ཊི་པ་ནྣོ སཱ་མཾ་ཡེ་ཝ ཉ་སྶ་ཏི སཱ་མཾ ད་ཀྑ་ཏི [ད་ཀྑི་ཏི (སཱི.)] – ‘ས་མ་ཎོ་ཝ གོ་ཏ་མོ ཀཱ་ལ་ཝཱ་དཱི བྷཱུ་ཏ་ཝཱ་དཱི ཨ་ཏྠ་ཝཱ་དཱི དྷ་མྨ་ཝཱ་དཱི ཝི་ན་ཡ་ཝཱ་དཱི’ཏི. ཀ་ཏ་མོ ཙ, ཀ་སྶ་པ, མ་གྒོ, ཀ་ཏ་མཱ ཙ པ་ཊི་པ་དཱ, ཡ་ཐཱ་པ་ཊི་པ་ནྣོ སཱ་མཾ་ཡེ་ཝ ཉ་སྶ་ཏི སཱ་མཾ ད་ཀྑ་ཏི – ‘ས་མ་ཎོ་ཝ གོ་ཏ་མོ ཀཱ་ལ་ཝཱ་དཱི བྷཱུ་ཏ་ཝཱ་དཱི ཨ་ཏྠ་ཝཱ་དཱི དྷ་མྨ་ཝཱ་དཱི ཝི་ན་ཡ་ཝཱ་དཱི’ཏི? ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ. སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཀ་སྶ་པ, མ་གྒོ, ཨ་ཡཾ པ་ཊི་པ་དཱ, ཡ་ཐཱ་པ་ཊི་པ་ནྣོ སཱ་མཾ་ཡེ་ཝ ཉ་སྶ་ཏི སཱ་མཾ ད་ཀྑ་ཏི ‘ས་མ་ཎོ་ཝ གོ་ཏ་མོ ཀཱ་ལ་ཝཱ་དཱི བྷཱུ་ཏ་ཝཱ་དཱི ཨ་ཏྠ་ཝཱ་དཱི དྷ་མྨ་ཝཱ་དཱི ཝི་ན་ཡ་ཝཱ་དཱི’’’ཏི.

ཏ་པོ་པ་ཀྐ་མ་ཀ་ཐཱ

༣༩༤. ཨེ་ཝཾ ཝུ་ཏྟེ, ཨ་ཙེ་ལོ ཀ་སྶ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨི་མེ་པི ཁོ, ཨཱ་ཝུ་སོ གོ་ཏ་མ, ཏ་པོ་པ་ཀྐ་མཱ ཨེ་ཏེ་སཾ ས་མ་ཎ་བྲཱ་ཧྨ་ཎཱ་ནཾ སཱ་མ་ཉྙ་ས་ངྑཱ་ཏཱ ཙ བྲ་ཧྨ་ཉྙ་ས་ངྑཱ་ཏཱ ཙ. ཨ་ཙེ་ལ་ཀོ ཧོ་ཏི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ, ན ཨེ་ཧི་བྷ་དྡ་ནྟི་ཀོ, ན ཏི་ཊྛ་བྷ་དྡ་ནྟི་ཀོ, ནཱ་བྷི་ཧ་ཊཾ, ན ཨུ་དྡི་སྶ་ཀ་ཏཾ, ན ནི་མ་ནྟ་ནཾ སཱ་དི་ཡ་ཏི. སོ ན ཀུ་མྦྷི་མུ་ཁཱ པ་ཊི་གྒ་ཎྷཱ་ཏི, ན ཀ་ལོ༹་པི་མུ་ཁཱ པ་ཊི་གྒ་ཎྷཱ་ཏི, ན ཨེ་ལ༹་ཀ་མ་ནྟ་རཾ, ན ད་ཎྜ་མ་ནྟ་རཾ, ན མུ་ས་ལ་མ་ནྟ་རཾ, ན དྭི་ནྣཾ བྷུ་ཉྫ་མཱ་ནཱ་ནཾ, ན ག་བྦྷི་ནི་ཡཱ, ན པཱ་ཡ་མཱ་ནཱ་ཡ, ན པུ་རི་ས་ནྟ་ར་ག་ཏཱ་ཡ, ན ས་ངྐི་ཏྟཱི་སུ, ན ཡ་ཏྠ སཱ ཨུ་པ་ཊྛི་ཏོ ཧོ་ཏི, ན ཡ་ཏྠ མ་ཀྑི་ཀཱ ས་ཎྜ་ས་ཎྜ་ཙཱ་རི་ནཱི, ན མ་ཙྪཾ, ན མཾ་སཾ, ན སུ་རཾ, ན མེ་ར་ཡཾ, ན ཐུ་སོ་ད་ཀཾ པི་ཝ་ཏི. སོ ཨེ་ཀཱ་གཱ་རི་ཀོ ཝཱ ཧོ་ཏི ཨེ་ཀཱ་ལོ་པི་ཀོ, དྭཱ་གཱ་རི་ཀོ ཝཱ ཧོ་ཏི དྭཱ་ལོ་པི་ཀོ…པེ… ས་ཏྟཱ་གཱ་རི་ཀོ ཝཱ ཧོ་ཏི ས་ཏྟཱ་ལོ་པི་ཀོ; ཨེ་ཀི་སྶཱ་པི ད་ཏྟི་ཡཱ ཡཱ་པེ་ཏི, དྭཱི་ཧི་པི ད་ཏྟཱི་ཧི ཡཱ་པེ་ཏི… ས་ཏྟ་ཧི་པི ད་ཏྟཱི་ཧི ཡཱ་པེ་ཏི; ཨེ་ཀཱ་ཧི་ཀ་མྤི ཨཱ་ཧཱ་རཾ ཨཱ་ཧཱ་རེ་ཏི, དྭཱི་ཧི་ཀ་མྤི ཨཱ་ཧཱ་རཾ ཨཱ་ཧཱ་རེ་ཏི… ས་ཏྟཱ་ཧི་ཀ་མྤི ཨཱ་ཧཱ་རཾ ཨཱ་ཧཱ་རེ་ཏི. ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི.

༣༩༥. ‘‘ཨི་མེ་པི ཁོ, ཨཱ་ཝུ་སོ གོ་ཏ་མ, ཏ་པོ་པ་ཀྐ་མཱ ཨེ་ཏེ་སཾ ས་མ་ཎ་བྲཱ་ཧྨ་ཎཱ་ནཾ སཱ་མ་ཉྙ་ས་ངྑཱ་ཏཱ ཙ བྲ་ཧྨ་ཉྙ་ས་ངྑཱ་ཏཱ ཙ. སཱ་ཀ་བྷ་ཀྑོ ཝཱ ཧོ་ཏི, སཱ་མཱ་ཀ་བྷ་ཀྑོ ཝཱ ཧོ་ཏི, ནཱི་ཝཱ་ར་བྷ་ཀྑོ ཝཱ ཧོ་ཏི, ད་དྡུ་ལ་བྷ་ཀྑོ ཝཱ ཧོ་ཏི, ཧ་ཊ་བྷ་ཀྑོ ཝཱ ཧོ་ཏི, ཀ་ཎ་བྷ་ཀྑོ ཝཱ ཧོ་ཏི, ཨཱ་ཙཱ་མ་བྷ་ཀྑོ ཝཱ ཧོ་ཏི, པི་ཉྙཱ་ཀ་བྷ་ཀྑོ ཝཱ ཧོ་ཏི, ཏི་ཎ་བྷ་ཀྑོ ཝཱ ཧོ་ཏི, གོ་མ་ཡ་བྷ་ཀྑོ ཝཱ ཧོ་ཏི, ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་ཏི པ་ཝ་ཏྟ་ཕ་ལ་བྷོ་ཛཱི.

༣༩༦. ‘‘ཨི་མེ་པི ཁོ, ཨཱ་ཝུ་སོ གོ་ཏ་མ, ཏ་པོ་པ་ཀྐ་མཱ ཨེ་ཏེ་སཾ ས་མ་ཎ་བྲཱ་ཧྨ་ཎཱ་ནཾ སཱ་མ་ཉྙ་ས་ངྑཱ་ཏཱ ཙ བྲ་ཧྨ་ཉྙ་ས་ངྑཱ་ཏཱ ཙ. སཱ་ཎཱ་ནི་པི དྷཱ་རེ་ཏི, མ་སཱ་ཎཱ་ནི་པི དྷཱ་རེ་ཏི, ཚ་ཝ་དུ་སྶཱ་ནི་པི དྷཱ་རེ་ཏི, པཾ་སུ་ཀཱུ་ལཱ་ནི་པི དྷཱ་རེ་ཏི, ཏི་རཱི་ཊཱ་ནི་པི དྷཱ་རེ་ཏི, ཨ་ཛི་ན་མྤི དྷཱ་རེ་ཏི, ཨ་ཛི་ན་ཀྑི་པ་མྤི དྷཱ་རེ་ཏི, ཀུ་ས་ཙཱི་ར་མྤི དྷཱ་རེ་ཏི, ཝཱ་ཀ་ཙཱི་ར་མྤི དྷཱ་རེ་ཏི, ཕ་ལ་ཀ་ཙཱི་ར་མྤི དྷཱ་རེ་ཏི, ཀེ་ས་ཀ་མྦ་ལ་མྤི དྷཱ་རེ་ཏི, ཝཱ་ལ༹་ཀ་མྦ་ལ་མྤི དྷཱ་རེ་ཏི, ཨུ་ལཱུ་ཀ་པ་ཀྑི་ཀ་མྤི དྷཱ་རེ་ཏི, ཀེ་ས་མ་སྶུ་ལོ་ཙ་ཀོ་པི ཧོ་ཏི ཀེ་ས་མ་སྶུ་ལོ་ཙ་ནཱ་ནུ་ཡོ་ག་མ་ནུ་ཡུ་ཏྟོ, ཨུ་བྦྷ་ཊྛ་ཀོ་པི [ཨུ་བྦྷ་ཊྛི་ཀོ་པི (ཀ.)] ཧོ་ཏི ཨཱ་ས་ན་པ་ཊི་ཀྑི་ཏྟོ, ཨུ་ཀྐུ་ཊི་ཀོ་པི ཧོ་ཏི ཨུ་ཀྐུ་ཊི་ཀ་པྤ་དྷཱ་ན་མ་ནུ་ཡུ་ཏྟོ, ཀ་ཎྚ་ཀཱ་པ་སྶ་ཡི་ཀོ་པི ཧོ་ཏི ཀ་ཎྚ་ཀཱ་པ་སྶ་ཡེ སེ་ཡྻཾ ཀ་པྤེ་ཏི, ཕ་ལ་ཀ་སེ་ཡྻ་མྤི ཀ་པྤེ་ཏི, ཐ་ཎྜི་ལ་སེ་ཡྻ་མྤི ཀ་པྤེ་ཏི, ཨེ་ཀ་པ་སྶ་ཡི་ཀོ་པི ཧོ་ཏི ར་ཛོ་ཛ་ལླ་དྷ་རོ, ཨ་བྦྷོ་ཀཱ་སི་ཀོ་པི ཧོ་ཏི ཡ་ཐཱ་ས་ནྠ་ཏི་ཀོ, ཝེ་ཀ་ཊི་ཀོ་པི ཧོ་ཏི ཝི་ཀ་ཊ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ, ཨ་པཱ་ན་ཀོ་པི ཧོ་ཏི ཨ་པཱ་ན་ཀ་ཏྟ་མ་ནུ་ཡུ་ཏྟོ, སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏཱི’’ཏི.

ཏ་པོ་པ་ཀྐ་མ་ནི་ར་ཏྠ་ཀ་ཐཱ

༣༩༧. ‘‘ཨ་ཙེ་ལ་ཀོ ཙེ་པི, ཀ་སྶ་པ, ཧོ་ཏི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ…པེ… ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཏ་སྶ ཙཱ་ཡཾ སཱི་ལ་ས་མྤ་དཱ ཙི་ཏྟ་ས་མྤ་དཱ པ་ཉྙཱ་ས་མྤ་དཱ ཨ་བྷཱ་ཝི་ཏཱ ཧོ་ཏི ཨ་ས་ཙྪི་ཀ་ཏཱ. ཨ་ཐ ཁོ སོ ཨཱ་ར་ཀཱ་ཝ སཱ་མ་ཉྙཱ ཨཱ་ར་ཀཱ་ཝ བྲ་ཧྨ་ཉྙཱ. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པི.

‘‘སཱ་ཀ་བྷ་ཀྑོ ཙེ་པི, ཀ་སྶ་པ, ཧོ་ཏི, སཱ་མཱ་ཀ་བྷ་ཀྑོ…པེ… ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་ཏི པ་ཝ་ཏྟ་ཕ་ལ་བྷོ་ཛཱི. ཏ་སྶ ཙཱ་ཡཾ སཱི་ལ་ས་མྤ་དཱ ཙི་ཏྟ་ས་མྤ་དཱ པ་ཉྙཱ་ས་མྤ་དཱ ཨ་བྷཱ་ཝི་ཏཱ ཧོ་ཏི ཨ་ས་ཙྪི་ཀ་ཏཱ. ཨ་ཐ ཁོ སོ ཨཱ་ར་ཀཱ་ཝ སཱ་མ་ཉྙཱ ཨཱ་ར་ཀཱ་ཝ བྲ་ཧྨ་ཉྙཱ. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པི.

‘‘སཱ་ཎཱ་ནི ཙེ་པི, ཀ་སྶ་པ, དྷཱ་རེ་ཏི, མ་སཱ་ཎཱ་ནི་པི དྷཱ་རེ་ཏི…པེ… སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཏ་སྶ ཙཱ་ཡཾ སཱི་ལ་ས་མྤ་དཱ ཙི་ཏྟ་ས་མྤ་དཱ པ་ཉྙཱ་ས་མྤ་དཱ ཨ་བྷཱ་ཝི་ཏཱ ཧོ་ཏི ཨ་ས་ཙྪི་ཀ་ཏཱ. ཨ་ཐ ཁོ སོ ཨཱ་ར་ཀཱ་ཝ སཱ་མ་ཉྙཱ ཨཱ་ར་ཀཱ་ཝ བྲ་ཧྨ་ཉྙཱ. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པཱི’’ཏི.

༣༩༨. ཨེ་ཝཾ ཝུ་ཏྟེ, ཨ་ཙེ་ལོ ཀ་སྶ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘དུ་ཀྐ་རཾ, བྷོ གོ་ཏ་མ, སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’’ནྟི. ‘‘པ་ཀ་ཏི ཁོ ཨེ་སཱ, ཀ་སྶ་པ, ལོ་ཀ་སྨིཾ ‘དུ་ཀྐ་རཾ སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’ནྟི. ཨ་ཙེ་ལ་ཀོ ཙེ་པི, ཀ་སྶ་པ, ཧོ་ཏི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ…པེ… ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན སཱ་མ་ཉྙཾ ཝཱ ཨ་བྷ་ཝི་སྶ བྲ་ཧྨ་ཉྙཾ ཝཱ དུ་ཀྐ་རཾ སུ་དུ་ཀྐ་རཾ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཀྐ་རཾ སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’ནྟི.

‘‘ས་ཀྐཱ ཙ པ་ནེ་ཏཾ ཨ་བྷ་ཝི་སྶ ཀཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཧ་ནྡཱ་ཧཾ ཨ་ཙེ་ལ་ཀོ ཧོ་མི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ…པེ… ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་རཱ་མཱི’ཏི.

‘‘ཡ་སྨཱ ཙ ཁོ, ཀ་སྶ་པ, ཨ་ཉྙ་ཏྲེ་ཝ ཨི་མཱ་ཡ མ་ཏྟཱ་ཡ ཨ་ཉྙ་ཏྲ ཨི་མི་ནཱ ཏ་པོ་པ་ཀྐ་མེ་ན སཱ་མ་ཉྙཾ ཝཱ ཧོ་ཏི བྲ་ཧྨ་ཉྙཾ ཝཱ དུ་ཀྐ་རཾ སུ་དུ་ཀྐ་རཾ, ཏ་སྨཱ ཨེ་ཏཾ ཀ་ལླཾ ཝ་ཙ་ནཱ་ཡ – ‘དུ་ཀྐ་རཾ སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’ནྟི. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པི.

‘‘སཱ་ཀ་བྷ་ཀྑོ ཙེ་པི, ཀ་སྶ་པ, ཧོ་ཏི, སཱ་མཱ་ཀ་བྷ་ཀྑོ…པེ… ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་ཏི པ་ཝ་ཏྟ་ཕ་ལ་བྷོ་ཛཱི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན སཱ་མ་ཉྙཾ ཝཱ ཨ་བྷ་ཝི་སྶ བྲ་ཧྨ་ཉྙཾ ཝཱ དུ་ཀྐ་རཾ སུ་དུ་ཀྐ་རཾ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཀྐ་རཾ སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’ནྟི.

‘‘ས་ཀྐཱ ཙ པ་ནེ་ཏཾ ཨ་བྷ་ཝི་སྶ ཀཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཧ་ནྡཱ་ཧཾ སཱ་ཀ་བྷ་ཀྑོ ཝཱ ཧོ་མི, སཱ་མཱ་ཀ་བྷ་ཀྑོ ཝཱ…པེ… ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་མི པ་ཝ་ཏྟ་ཕ་ལ་བྷོ་ཛཱི’ཏི.

‘‘སཱ་ཎཱ་ནི ཙེ་པི, ཀ་སྶ་པ, དྷཱ་རེ་ཏི, མ་སཱ་ཎཱ་ནི་པི དྷཱ་རེ་ཏི…པེ… སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན སཱ་མ་ཉྙཾ ཝཱ ཨ་བྷ་ཝི་སྶ བྲ་ཧྨ་ཉྙཾ ཝཱ དུ་ཀྐ་རཾ སུ་དུ་ཀྐ་རཾ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཀྐ་རཾ སཱ་མ་ཉྙཾ དུ་ཀྐ་རཾ བྲ་ཧྨ་ཉྙ’ནྟི.

‘‘ས་ཀྐཱ ཙ པ་ནེ་ཏཾ ཨ་བྷ་ཝི་སྶ ཀཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཧ་ནྡཱ་ཧཾ སཱ་ཎཱ་ནི་པི དྷཱ་རེ་མི, མ་སཱ་ཎཱ་ནི་པི དྷཱ་རེ་མི…པེ… སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་རཱ་མཱི’ཏི.

༣༩༩. ཨེ་ཝཾ ཝུ་ཏྟེ, ཨ་ཙེ་ལོ ཀ་སྶ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘དུ་ཛྫཱ་ནོ, བྷོ གོ་ཏ་མ, ས་མ་ཎོ, དུ་ཛྫཱ་ནོ བྲཱ་ཧྨ་ཎོ’’ཏི. ‘‘པ་ཀ་ཏི ཁོ ཨེ་སཱ, ཀ་སྶ་པ, ལོ་ཀ་སྨིཾ ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི. ཨ་ཙེ་ལ་ཀོ ཙེ་པི, ཀ་སྶ་པ, ཧོ་ཏི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ…པེ… ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཨ་བྷ་ཝི་སྶ བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི.

‘‘ས་ཀྐཱ ཙ པ་ནེ་སོ ཨ་བྷ་ཝི་སྶ ཉཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཨ་ཡཾ ཨ་ཙེ་ལ་ཀོ ཧོ་ཏི, མུ་ཏྟཱ་ཙཱ་རོ, ཧ་ཏྠཱ་པ་ལེ་ཁ་ནོ…པེ… ཨི་ཏི ཨེ་ཝ་རཱུ་པཾ ཨ་དྡྷ་མཱ་སི་ཀ་མྤི པ་རི་ཡཱ་ཡ་བྷ་ཏྟ་བྷོ་ཛ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏཱི’ཏི.

‘‘ཡ་སྨཱ ཙ ཁོ, ཀ་སྶ་པ, ཨ་ཉྙ་ཏྲེ་ཝ ཨི་མཱ་ཡ མ་ཏྟཱ་ཡ ཨ་ཉྙ་ཏྲ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཧོ་ཏི བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ཏ་སྨཱ ཨེ་ཏཾ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི. ཡ་ཏོ ཁོ [ཡ་ཏོ ཙ ཁོ (ཀ.)], ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པི.

‘‘སཱ་ཀ་བྷ་ཀྑོ ཙེ་པི, ཀ་སྶ་པ, ཧོ་ཏི སཱ་མཱ་ཀ་བྷ་ཀྑོ…པེ… ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་ཏི པ་ཝ་ཏྟ་ཕ་ལ་བྷོ་ཛཱི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཨ་བྷ་ཝི་སྶ བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི.

‘‘ས་ཀྐཱ ཙ པ་ནེ་སོ ཨ་བྷ་ཝི་སྶ ཉཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཨ་ཡཾ སཱ་ཀ་བྷ་ཀྑོ ཝཱ ཧོ་ཏི སཱ་མཱ་ཀ་བྷ་ཀྑོ…པེ… ཝ་ན་མཱུ་ལ་ཕ་ལཱ་ཧཱ་རོ ཡཱ་པེ་ཏི པ་ཝ་ཏྟ་ཕ་ལ་བྷོ་ཛཱི’ཏི.

‘‘ཡ་སྨཱ ཙ ཁོ, ཀ་སྶ་པ, ཨ་ཉྙ་ཏྲེ་ཝ ཨི་མཱ་ཡ མ་ཏྟཱ་ཡ ཨ་ཉྙ་ཏྲ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཧོ་ཏི བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ཏ་སྨཱ ཨེ་ཏཾ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པི.

‘‘སཱ་ཎཱ་ནི ཙེ་པི, ཀ་སྶ་པ, དྷཱ་རེ་ཏི, མ་སཱ་ཎཱ་ནི་པི དྷཱ་རེ་ཏི…པེ… སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི. ཨི་མཱ་ཡ ཙ, ཀ་སྶ་པ, མ་ཏྟཱ་ཡ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཨ་བྷ་ཝི་སྶ བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ནེ་ཏཾ ཨ་བྷ་ཝི་སྶ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི.

‘‘ས་ཀྐཱ ཙ པ་ནེ་སོ ཨ་བྷ་ཝི་སྶ ཉཱ་ཏུཾ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ ཨ་ནྟ་མ་སོ ཀུ་མྦྷ་དཱ་སི་ཡཱ་པི – ‘ཨ་ཡཾ སཱ་ཎཱ་ནི་པི དྷཱ་རེ་ཏི, མ་སཱ་ཎཱ་ནི་པི དྷཱ་རེ་ཏི…པེ… སཱ་ཡ་ཏ་ཏི་ཡ་ཀ་མྤི ཨུ་ད་ཀོ་རོ་ཧ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏཱི’ཏི.

‘‘ཡ་སྨཱ ཙ ཁོ, ཀ་སྶ་པ, ཨ་ཉྙ་ཏྲེ་ཝ ཨི་མཱ་ཡ མ་ཏྟཱ་ཡ ཨ་ཉྙ་ཏྲ ཨི་མི་ནཱ ཏ་པོ་པ་ཀྐ་མེ་ན ས་མ་ཎོ ཝཱ ཧོ་ཏི བྲཱ་ཧྨ་ཎོ ཝཱ དུ་ཛྫཱ་ནོ སུ་དུ་ཛྫཱ་ནོ, ཏ་སྨཱ ཨེ་ཏཾ ཀ་ལླཾ ཝ་ཙ་ནཱ་ཡ – ‘དུ་ཛྫཱ་ནོ ས་མ་ཎོ དུ་ཛྫཱ་ནོ བྲཱ་ཧྨ་ཎོ’ཏི. ཡ་ཏོ ཁོ, ཀ་སྶ་པ, བྷི་ཀྑུ ཨ་ཝེ་རཾ ཨ་བྱཱ་པ་ཛྫཾ མེ་ཏྟ་ཙི་ཏྟཾ བྷཱ་ཝེ་ཏི, ཨཱ་ས་ཝཱ་ན་ཉྩ ཁ་ཡཱ ཨ་ནཱ་ས་ཝཾ ཙེ་ཏོ་ཝི་མུ་ཏྟིཾ པ་ཉྙཱ་ཝི་མུ་ཏྟིཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏི. ཨ་ཡཾ ཝུ་ཙྩ་ཏི, ཀ་སྶ་པ, བྷི་ཀྑུ ས་མ་ཎོ ཨི་ཏི་པི བྲཱ་ཧྨ་ཎོ ཨི་ཏི་པཱི’’ཏི.

སཱི་ལ་ས་མཱ་དྷི་པ་ཉྙཱ་ས་མྤ་དཱ

༤༠༠. ཨེ་ཝཾ ཝུ་ཏྟེ, ཨ་ཙེ་ལོ ཀ་སྶ་པོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀ་ཏ་མཱ པ་ན སཱ, བྷོ གོ་ཏ་མ, སཱི་ལ་ས་མྤ་དཱ, ཀ་ཏ་མཱ ཙི་ཏྟ་ས་མྤ་དཱ, ཀ་ཏ་མཱ པ་ཉྙཱ་ས་མྤ་དཱ’’ཏི? ‘‘ཨི་དྷ, ཀ་སྶ་པ, ཏ་ཐཱ་ག་ཏོ ལོ་ཀེ ཨུ་པྤ་ཛྫ་ཏི ཨ་ར་ཧཾ, ས་མྨཱ་ས་མྦུ་དྡྷོ…པེ… (ཡ་ཐཱ ༡༩༠-༡༩༣ ཨ་ནུ་ཙྪེ་དེ་སུ, ཨེ་ཝཾ ཝི་ཏྠཱ་རེ་ཏ་བྦཾ) བྷ་ཡ་ད་སྶཱ་ཝཱི ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ, ཀཱ་ཡ་ཀ་མྨ་ཝ་ཙཱི་ཀ་མྨེ་ན ས་མ་ནྣཱ་ག་ཏོ ཀུ་ས་ལེ་ན པ་རི་སུ་དྡྷཱ་ཛཱི་ཝོ སཱི་ལ་ས་མྤ་ནྣོ ཨི་ནྡྲི་ཡེ་སུ གུ་ཏྟ་དྭཱ་རོ ས་ཏི་ས་མྤ་ཛ་ཉྙེ་ན ས་མ་ནྣཱ་ག་ཏོ ས་ནྟུ་ཊྛོ.

༤༠༡. ‘‘ཀ་ཐ་ཉྩ, ཀ་སྶ་པ, བྷི་ཀྑུ སཱི་ལ་ས་མྤ་ནྣོ ཧོ་ཏི? ཨི་དྷ, ཀ་སྶ་པ, བྷི་ཀྑུ པཱ་ཎཱ་ཏི་པཱ་ཏཾ པ་ཧཱ་ཡ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི ནི་ཧི་ཏ་ད་ཎྜོ ནི་ཧི་ཏ་ས་ཏྠོ ལ་ཛྫཱི ད་ཡཱ་པ་ནྣོ, ས་བྦ་པཱ་ཎ་བྷཱུ་ཏ་ཧི་ཏཱ་ནུ་ཀ་མྤཱི ཝི་ཧ་ར་ཏི. ཨི་ད་མྤི་སྶ ཧོ་ཏི སཱི་ལ་ས་མྤ་དཱ་ཡ …པེ… (ཡ་ཐཱ ༡༩༤ ཡཱ་ཝ ༢༡༠ ཨ་ནུ་ཙྪེ་དེ་སུ)

‘‘ཡ་ཐཱ ཝཱ པ་ནེ་ཀེ བྷོ་ནྟོ ས་མ་ཎ་བྲཱ་ཧྨ་ཎཱ ས་དྡྷཱ་དེ་ཡྻཱ་ནི བྷོ་ཛ་ནཱ་ནི བྷུ་ཉྫི་ཏྭཱ ཏེ ཨེ་ཝ་རཱུ་པཱ་ཡ ཏི་ར་ཙྪཱ་ན་ཝི་ཛྫཱ་ཡ མི་ཙྪཱ་ཛཱི་ཝེ་ན ཛཱི་ཝི་ཏཾ ཀ་པྤེ་ནྟི. སེ་ཡྻ་ཐི་དཾ – ས་ནྟི་ཀ་མྨཾ པ་ཎི་དྷི་ཀ་མྨཾ…པེ… (ཡ་ཐཱ ༢༡༡ ཨ་ནུ་ཙྪེ་དེ) ཨོ་ས་དྷཱི་ནཾ པ་ཏི་མོ་ཀྑོ ཨི་ཏི ཝཱ ཨི་ཏི, ཨེ་ཝ་རཱུ་པཱ་ཡ ཏི་ར་ཙྪཱ་ན་ཝི་ཛྫཱ་ཡ མི་ཙྪཱ་ཛཱི་ཝཱ པ་ཊི་ཝི་ར་ཏོ ཧོ་ཏི. ཨི་ད་མྤི་སྶ ཧོ་ཏི སཱི་ལ་ས་མྤ་དཱ་ཡ.

‘‘ས ཁོ སོ [ཨ་ཡཾ ཁོ (ཀ.)], ཀ་སྶ་པ, བྷི་ཀྑུ ཨེ་ཝཾ སཱི་ལ་ས་མྤ་ནྣོ ན ཀུ་ཏོ་ཙི བྷ་ཡཾ ས་མ་ནུ་པ་སྶ་ཏི, ཡ་དི་དཾ སཱི་ལ་སཾ་ཝ་ར་ཏོ. སེ་ཡྻ་ཐཱ་པི, ཀ་སྶ་པ, རཱ་ཛཱ ཁ་ཏྟི་ཡོ མུ་དྡྷཱ་ཝ་སི་ཏྟོ ནི་ཧ་ཏ་པ་ཙྩཱ་མི་ཏྟོ ན ཀུ་ཏོ་ཙི བྷ་ཡཾ ས་མ་ནུ་པ་སྶ་ཏི, ཡ་དི་དཾ པ་ཙྩ་ཏྠི་ཀ་ཏོ. ཨེ་ཝ་མེ་ཝ ཁོ, ཀ་སྶ་པ, བྷི་ཀྑུ ཨེ་ཝཾ སཱི་ལ་ས་མྤ་ནྣོ ན ཀུ་ཏོ་ཙི བྷ་ཡཾ ས་མ་ནུ་པ་སྶ་ཏི, ཡ་དི་དཾ སཱི་ལ་སཾ་ཝ་ར་ཏོ. སོ ཨི་མི་ནཱ ཨ་རི་ཡེ་ན སཱི་ལ་ཀྑ་ནྡྷེ་ན ས་མ་ནྣཱ་ག་ཏོ ཨ་ཛ྄ཛྷ་ཏྟཾ ཨ་ན་ཝ་ཛྫ་སུ་ཁཾ པ་ཊི་སཾ་ཝེ་དེ་ཏི. ཨེ་ཝཾ ཁོ, ཀ་སྶ་པ, བྷི་ཀྑུ སཱི་ལ་ས་མྤ་ནྣོ ཧོ་ཏི. ཨ་ཡཾ ཁོ, ཀ་སྶ་པ, སཱི་ལ་ས་མྤ་དཱ…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་ད་མྤི་སྶ ཧོ་ཏི ཙི་ཏྟ་ས་མྤ་དཱ་ཡ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཨི་ད་མྤི་སྶ ཧོ་ཏི ཙི་ཏྟ་ས་མྤ་དཱ་ཡ. ཨ་ཡཾ ཁོ, ཀ་སྶ་པ, ཙི་ཏྟ་ས་མྤ་དཱ.

‘‘སོ ཨེ་ཝཾ ས་མཱ་ཧི་ཏེ ཙི་ཏྟེ…པེ… ཉཱ་ཎ་ད་སྶ་ནཱ་ཡ ཙི་ཏྟཾ ཨ་བྷི་ནཱི་ཧ་ར་ཏི ཨ་བྷི་ནི་ནྣཱ་མེ་ཏི…པེ… ཨི་ད་མྤི་སྶ ཧོ་ཏི པ་ཉྙཱ་ས་མྤ་དཱ་ཡ…པེ… ནཱ་པ་རཾ ཨི་ཏྠ་ཏྟཱ་ཡཱ་ཏི པ་ཛཱ་ནཱ་ཏི…པེ… ཨི་ད་མྤི་སྶ ཧོ་ཏི པ་ཉྙཱ་ས་མྤ་དཱ་ཡ. ཨ་ཡཾ ཁོ, ཀ་སྶ་པ, པ་ཉྙཱ་ས་མྤ་དཱ.

‘‘ཨི་མཱ་ཡ ཙ, ཀ་སྶ་པ, སཱི་ལ་ས་མྤ་དཱ་ཡ ཙི་ཏྟ་ས་མྤ་དཱ་ཡ པ་ཉྙཱ་ས་མྤ་དཱ་ཡ ཨ་ཉྙཱ སཱི་ལ་ས་མྤ་དཱ ཙི་ཏྟ་ས་མྤ་དཱ པ་ཉྙཱ་ས་མྤ་དཱ ཨུ་ཏྟ་རི་ཏ་རཱ ཝཱ པ་ཎཱི་ཏ་ཏ་རཱ ཝཱ ན་ཏྠི.

སཱི་ཧ་ནཱ་ད་ཀ་ཐཱ

༤༠༢. ‘‘ས་ནྟི, ཀ་སྶ་པ, ཨེ་ཀེ ས་མ་ཎ་བྲཱ་ཧྨ་ཎཱ སཱི་ལ་ཝཱ་དཱ. ཏེ ཨ་ནེ་ཀ་པ་རི་ཡཱ་ཡེ་ན སཱི་ལ་སྶ ཝ་ཎྞཾ བྷཱ་ས་ནྟི. ཡཱ་ཝ་ཏཱ, ཀ་སྶ་པ, ཨ་རི་ཡཾ པ་ར་མཾ སཱི་ལཾ, ནཱ་ཧཾ ཏ་ཏྠ ཨ་ཏྟ་ནོ ས་མ་ས་མཾ ས་མ་ནུ་པ་སྶཱ་མི, ཀུ་ཏོ བྷི་ཡྻོ! ཨ་ཐ ཁོ ཨ་ཧ་མེ་ཝ ཏ་ཏྠ བྷི་ཡྻོ, ཡ་དི་དཾ ཨ་དྷི་སཱི་ལཾ.

‘‘ས་ནྟི, ཀ་སྶ་པ, ཨེ་ཀེ ས་མ་ཎ་བྲཱ་ཧྨ་ཎཱ ཏ་པོ་ཛི་གུ་ཙྪཱ་ཝཱ་དཱ. ཏེ ཨ་ནེ་ཀ་པ་རི་ཡཱ་ཡེ་ན ཏ་པོ་ཛི་གུ་ཙྪཱ་ཡ ཝ་ཎྞཾ བྷཱ་ས་ནྟི. ཡཱ་ཝ་ཏཱ, ཀ་སྶ་པ, ཨ་རི་ཡཱ པ་ར་མཱ ཏ་པོ་ཛི་གུ་ཙྪཱ, ནཱ་ཧཾ ཏ་ཏྠ ཨ་ཏྟ་ནོ ས་མ་ས་མཾ ས་མ་ནུ་པ་སྶཱ་མི, ཀུ་ཏོ བྷི་ཡྻོ! ཨ་ཐ ཁོ ཨ་ཧ་མེ་ཝ ཏ་ཏྠ བྷི་ཡྻོ, ཡ་དི་དཾ ཨ་དྷི་ཛེ་གུ་ཙྪཾ.

‘‘ས་ནྟི, ཀ་སྶ་པ, ཨེ་ཀེ ས་མ་ཎ་བྲཱ་ཧྨ་ཎཱ པ་ཉྙཱ་ཝཱ་དཱ. ཏེ ཨ་ནེ་ཀ་པ་རི་ཡཱ་ཡེ་ན པ་ཉྙཱ་ཡ ཝ་ཎྞཾ བྷཱ་ས་ནྟི. ཡཱ་ཝ་ཏཱ, ཀ་སྶ་པ, ཨ་རི་ཡཱ པ་ར་མཱ པ་ཉྙཱ, ནཱ་ཧཾ ཏ་ཏྠ ཨ་ཏྟ་ནོ ས་མ་ས་མཾ ས་མ་ནུ་པ་སྶཱ་མི, ཀུ་ཏོ བྷི་ཡྻོ! ཨ་ཐ ཁོ ཨ་ཧ་མེ་ཝ ཏ་ཏྠ བྷི་ཡྻོ, ཡ་དི་དཾ ཨ་དྷི་པ་ཉྙཾ.

‘‘ས་ནྟི, ཀ་སྶ་པ, ཨེ་ཀེ ས་མ་ཎ་བྲཱ་ཧྨ་ཎཱ ཝི་མུ་ཏྟི་ཝཱ་དཱ. ཏེ ཨ་ནེ་ཀ་པ་རི་ཡཱ་ཡེ་ན ཝི་མུ་ཏྟི་ཡཱ ཝ་ཎྞཾ བྷཱ་ས་ནྟི. ཡཱ་ཝ་ཏཱ, ཀ་སྶ་པ, ཨ་རི་ཡཱ པ་ར་མཱ ཝི་མུ་ཏྟི, ནཱ་ཧཾ ཏ་ཏྠ ཨ་ཏྟ་ནོ ས་མ་ས་མཾ ས་མ་ནུ་པ་སྶཱ་མི, ཀུ་ཏོ བྷི་ཡྻོ! ཨ་ཐ ཁོ ཨ་ཧ་མེ་ཝ ཏ་ཏྠ བྷི་ཡྻོ, ཡ་དི་དཾ ཨ་དྷི་ཝི་མུ་ཏྟི.

༤༠༣. ‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཨ་ཉྙ་ཏི་ཏྠི་ཡཱ པ་རི་བྦཱ་ཛ་ཀཱ ཨེ་ཝཾ ཝ་དེ་ཡྻུཾ – ‘སཱི་ཧ་ནཱ་དཾ ཁོ ས་མ་ཎོ གོ་ཏ་མོ ན་ད་ཏི, ཏ་ཉྩ ཁོ སུ་ཉྙཱ་གཱ་རེ ན་ད་ཏི, ནོ པ་རི་སཱ་སཱུ’ཏི. ཏེ – ‘མཱ ཧེ་ཝ’ནྟི་སྶུ ཝ་ཙ་ནཱི་ཡཱ. ‘སཱི་ཧ་ནཱ་ད་ཉྩ ས་མ་ཎོ གོ་ཏ་མོ ན་ད་ཏི, པ་རི་སཱ་སུ ཙ ན་ད་ཏཱི’ཏི ཨེ་ཝ་མ་སྶུ, ཀ་སྶ་པ, ཝ་ཙ་ནཱི་ཡཱ.

‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཨ་ཉྙ་ཏི་ཏྠི་ཡཱ པ་རི་བྦཱ་ཛ་ཀཱ ཨེ་ཝཾ ཝ་དེ་ཡྻུཾ – ‘སཱི་ཧ་ནཱ་ད་ཉྩ ས་མ་ཎོ གོ་ཏ་མོ ན་ད་ཏི, པ་རི་སཱ་སུ ཙ ན་ད་ཏི, ནོ ཙ ཁོ ཝི་སཱ་ར་དོ ན་ད་ཏཱི’ཏི. ཏེ – ‘མཱ ཧེ་ཝ’ནྟི་སྶུ ཝ་ཙ་ནཱི་ཡཱ. ‘སཱི་ཧ་ནཱ་ད་ཉྩ ས་མ་ཎོ གོ་ཏ་མོ ན་ད་ཏི, པ་རི་སཱ་སུ ཙ ན་ད་ཏི, ཝི་སཱ་ར་དོ ཙ ན་ད་ཏཱི’’ཏི ཨེ་ཝ་མ་སྶུ, ཀ་སྶ་པ, ཝ་ཙ་ནཱི་ཡཱ.

‘‘ཋཱ་ནཾ ཁོ པ་ནེ་ཏཾ, ཀ་སྶ་པ, ཝི་ཛྫ་ཏི, ཡཾ ཨ་ཉྙ་ཏི་ཏྠི་ཡཱ པ་རི་བྦཱ་ཛ་ཀཱ ཨེ་ཝཾ ཝ་དེ་ཡྻུཾ – ‘སཱི་ཧ་ནཱ་ད་ཉྩ ས་མ་ཎོ གོ་ཏ་མོ ན་ད་ཏི, པ་རི་སཱ་སུ ཙ ན་ད་ཏི, ཝི་སཱ་ར་དོ ཙ ན་ད་ཏི, ནོ ཙ ཁོ ནཾ པ་ཉྷཾ པུ་ཙྪ་ནྟི…པེ… པ་ཉྷ་ཉྩ ནཾ པུ་ཙྪ་ནྟི; ནོ ཙ ཁོ ནེ་སཾ པ་ཉྷཾ པུ་ཊྛོ བྱཱ་ཀ་རོ་ཏི…པེ… པ་ཉྷ་ཉྩ ནེ་སཾ པུ་ཊྛོ བྱཱ་ཀ་རོ་ཏི; ནོ ཙ ཁོ པ་ཉྷ་སྶ ཝེ་ཡྻཱ་ཀ་ར་ཎེ་ན ཙི་ཏྟཾ ཨཱ་རཱ་དྷེ་ཏི…པེ… པ་ཉྷ་སྶ ཙ ཝེ་ཡྻཱ་ཀ་ར་ཎེ་ན ཙི་ཏྟཾ ཨཱ་རཱ་དྷེ་ཏི; ནོ ཙ ཁོ སོ་ཏ་བྦཾ མ་ཉྙ་ནྟི…པེ… སོ་ཏ་བྦ་ཉྩ་སྶ མ་ཉྙ་ནྟི; ནོ ཙ ཁོ སུ་ཏྭཱ པ་སཱི་ད་ནྟི…པེ… སུ་ཏྭཱ ཙ་སྶ པ་སཱི་ད་ནྟི; ནོ ཙ ཁོ པ་ས་ནྣཱ་ཀཱ་རཾ ཀ་རོ་ནྟི…པེ… པ་ས་ནྣཱ་ཀཱ་ར་ཉྩ ཀ་རོ་ནྟི; ནོ ཙ ཁོ ཏ་ཐ་ཏྟཱ་ཡ པ་ཊི་པ་ཛྫ་ནྟི…པེ… ཏ་ཐ་ཏྟཱ་ཡ ཙ པ་ཊི་པ་ཛྫ་ནྟི; ནོ ཙ ཁོ པ་ཊི་པ་ནྣཱ ཨཱ་རཱ་དྷེ་ནྟཱི’ཏི. ཏེ – ‘མཱ ཧེ་ཝ’ནྟི་སྶུ ཝ་ཙ་ནཱི་ཡཱ. ‘སཱི་ཧ་ནཱ་ད་ཉྩ ས་མ་ཎོ གོ་ཏ་མོ ན་ད་ཏི, པ་རི་སཱ་སུ ཙ ན་ད་ཏི, ཝི་སཱ་ར་དོ ཙ ན་ད་ཏི, པ་ཉྷ་ཉྩ ནཾ པུ་ཙྪ་ནྟི, པ་ཉྷ་ཉྩ ནེ་སཾ པུ་ཊྛོ བྱཱ་ཀ་རོ་ཏི, པ་ཉྷ་སྶ ཙ ཝེ་ཡྻཱ་ཀ་ར་ཎེ་ན ཙི་ཏྟཾ ཨཱ་རཱ་དྷེ་ཏི, སོ་ཏ་བྦ་ཉྩ་སྶ མ་ཉྙ་ནྟི, སུ་ཏྭཱ ཙ་སྶ པ་སཱི་ད་ནྟི, པ་ས་ནྣཱ་ཀཱ་ར་ཉྩ ཀ་རོ་ནྟི, ཏ་ཐ་ཏྟཱ་ཡ ཙ པ་ཊི་པ་ཛྫ་ནྟི, པ་ཊི་པ་ནྣཱ ཙ ཨཱ་རཱ་དྷེ་ནྟཱི’ཏི ཨེ་ཝ་མ་སྶུ, ཀ་སྶ་པ, ཝ་ཙ་ནཱི་ཡཱ.

ཏི་ཏྠི་ཡ་པ་རི་ཝཱ་ས་ཀ་ཐཱ

༤༠༤. ‘‘ཨེ་ཀ་མི་དཱ་ཧཾ, ཀ་སྶ་པ, ས་མ་ཡཾ རཱ་ཛ་ག་ཧེ ཝི་ཧ་རཱ་མི གི་ཛ྄ཛྷ་ཀཱུ་ཊེ པ་བྦ་ཏེ. ཏ་ཏྲ མཾ ཨ་ཉྙ་ཏ་རོ ཏ་པ་བྲ་ཧྨ་ཙཱ་རཱི ནི་གྲོ་དྷོ ནཱ་མ ཨ་དྷི་ཛེ་གུ་ཙྪེ པ་ཉྷཾ ཨ་པུ་ཙྪི. ཏ་སྶཱ་ཧཾ ཨ་དྷི་ཛེ་གུ་ཙྪེ པ་ཉྷཾ པུ་ཊྛོ བྱཱ་ཀཱ་སིཾ. བྱཱ་ཀ་ཏེ ཙ པ་ན མེ ཨ་ཏྟ་མ་ནོ ཨ་ཧོ་སི པ་རཾ ཝི་ཡ མ་ཏྟཱ་ཡཱ’’ཏི. ‘‘ཀོ ཧི, བྷ་ནྟེ, བྷ་ག་ཝ་ཏོ དྷ་མྨཾ སུ་ཏྭཱ ན ཨ་ཏྟ་མ་ནོ ཨ་སྶ པ་རཾ ཝི་ཡ མ་ཏྟཱ་ཡ? ཨ་ཧ་མྤི ཧི, བྷ་ནྟེ, བྷ་ག་ཝ་ཏོ དྷ་མྨཾ སུ་ཏྭཱ ཨ་ཏྟ་མ་ནོ པ་རཾ ཝི་ཡ མ་ཏྟཱ་ཡ. ཨ་བྷི་ཀྐ་ནྟཾ, བྷ་ནྟེ, ཨ་བྷི་ཀྐ་ནྟཾ, བྷ་ནྟེ. སེ་ཡྻ་ཐཱ་པི, བྷ་ནྟེ, ནི་ཀྐུ་ཛྫི་ཏཾ ཝཱ ཨུ་ཀྐུ་ཛྫེ་ཡྻ, པ་ཊི་ཙྪ་ནྣཾ ཝཱ ཝི་ཝ་རེ་ཡྻ, མཱུ་ལ༹ྷ་སྶ ཝཱ མ་གྒཾ ཨཱ་ཙི་ཀྑེ་ཡྻ, ཨ་ནྡྷ་ཀཱ་རེ ཝཱ ཏེ་ལ་པ་ཛྫོ་ཏཾ དྷཱ་རེ་ཡྻ – ‘ཙ་ཀྑུ་མ་ནྟོ རཱུ་པཱ་ནི ད་ཀྑ་ནྟཱི’ཏི; ཨེ་ཝ་མེ་ཝཾ བྷ་ག་ཝ་ཏཱ ཨ་ནེ་ཀ་པ་རི་ཡཱ་ཡེ་ན དྷ་མྨོ པ་ཀཱ་སི་ཏོ. ཨེ་སཱ་ཧཾ, བྷ་ནྟེ, བྷ་ག་ཝ་ནྟཾ ས་ར་ཎཾ ག་ཙྪཱ་མི, དྷ་མྨ་ཉྩ བྷི་ཀྑུ་ས་ངྒྷ་ཉྩ. ལ་བྷེ་ཡྻཱ་ཧཾ, བྷ་ནྟེ, བྷ་ག་ཝ་ཏོ ས་ནྟི་ཀེ པ་བྦ་ཛྫཾ, ལ་བྷེ་ཡྻཾ ཨུ་པ་ས་མྤ་ད’’ནྟི.

༤༠༥. ‘‘ཡོ ཁོ, ཀ་སྶ་པ, ཨ་ཉྙ་ཏི་ཏྠི་ཡ་པུ་བྦོ ཨི་མ་སྨིཾ དྷ་མྨ་ཝི་ན་ཡེ ཨཱ་ཀ་ངྑ་ཏི པ་བྦ་ཛྫཾ, ཨཱ་ཀ་ངྑ་ཏི ཨུ་པ་ས་མྤ་དཾ, སོ ཙ་ཏྟཱ་རོ མཱ་སེ པ་རི་ཝ་ས་ཏི, ཙ་ཏུ་ནྣཾ མཱ་སཱ་ནཾ ཨ་ཙྩ་ཡེ་ན ཨཱ་ར་དྡྷ་ཙི་ཏྟཱ བྷི་ཀྑཱུ པ་བྦཱ་ཛེ་ནྟི, ཨུ་པ་ས་མྤཱ་དེ་ནྟི བྷི་ཀྑུ་བྷཱ་ཝཱ་ཡ. ཨ་པི ཙ མེ་ཏྠ པུ་གྒ་ལ་ཝེ་མ་ཏྟ་ཏཱ ཝི་དི་ཏཱ’’ཏི. ‘‘ས་ཙེ, བྷ་ནྟེ, ཨ་ཉྙ་ཏི་ཏྠི་ཡ་པུ་བྦཱ ཨི་མ་སྨིཾ དྷ་མྨ་ཝི་ན་ཡེ ཨཱ་ཀ་ངྑ་ནྟི པ་བྦ་ཛྫཾ, ཨཱ་ཀ་ངྑ་ནྟི ཨུ་པ་ས་མྤ་དཾ, ཙ་ཏྟཱ་རོ མཱ་སེ པ་རི་ཝ་ས་ནྟི, ཙ་ཏུ་ནྣཾ མཱ་སཱ་ནཾ ཨ་ཙྩ་ཡེ་ན ཨཱ་ར་དྡྷ་ཙི་ཏྟཱ བྷི་ཀྑཱུ པ་བྦཱ་ཛེ་ནྟི, ཨུ་པ་ས་མྤཱ་དེ་ནྟི བྷི་ཀྑུ་བྷཱ་ཝཱ་ཡ. ཨ་ཧཾ ཙ་ཏྟཱ་རི ཝ་སྶཱ་ནི པ་རི་ཝ་སི་སྶཱ་མི, ཙ་ཏུ་ནྣཾ ཝ་སྶཱ་ནཾ ཨ་ཙྩ་ཡེ་ན ཨཱ་ར་དྡྷ་ཙི་ཏྟཱ བྷི་ཀྑཱུ པ་བྦཱ་ཛེ་ནྟུ, ཨུ་པ་ས་མྤཱ་དེ་ནྟུ བྷི་ཀྑུ་བྷཱ་ཝཱ་ཡཱ’’ཏི.

ཨ་ལ་ཏྠ ཁོ ཨ་ཙེ་ལོ ཀ་སྶ་པོ བྷ་ག་ཝ་ཏོ ས་ནྟི་ཀེ པ་བྦ་ཛྫཾ, ཨ་ལ་ཏྠ ཨུ་པ་ས་མྤ་དཾ. ཨ་ཙི་རཱུ་པ་ས་མྤ་ནྣོ ཁོ པ་ནཱ་ཡ་སྨཱ ཀ་སྶ་པོ ཨེ་ཀོ ཝཱུ་པ་ཀ་ཊྛོ ཨ་པྤ་མ་ཏྟོ ཨཱ་ཏཱ་པཱི པ་ཧི་ཏ་ཏྟོ ཝི་ཧ་ར་ནྟོ ན ཙི་ར་སྶེ་ཝ – ཡ་སྶ་ཏྠཱ་ཡ ཀུ་ལ་པུ་ཏྟཱ ས་མྨ་དེ་ཝ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛ་ནྟི, ཏ་ད་ནུ་ཏྟ་རཾ – བྲ་ཧྨ་ཙ་རི་ཡ་པ་རི་ཡོ་སཱ་ནཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧཱ་སི. ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ’ཏི – ཨ་བྦྷ་ཉྙཱ་སི. ཨ་ཉྙ་ཏ་རོ ཁོ པ་ནཱ་ཡ་སྨཱ ཀ་སྶ་པོ ཨ་ར་ཧ་ཏཾ ཨ་ཧོ་སཱི་ཏི.

མ་ཧཱ་སཱི་ཧ་ནཱ་ད་སུ་ཏྟཾ ནི་ཊྛི་ཏཾ ཨ་ཊྛ་མཾ.