༣. དྭེ་བྷཱ་ག་སི་ཀྑཱ་པ་ད་ཝ་ཎྞ་ནཱ

༥༥༢. ཏེ་ན ས་མ་ཡེ་ནཱཏི དྭེ་བྷཱ་ག་སི་ཀྑཱ་པ་དཾ. ཏ་ཏྠ ཨ་ནྟེ ཨཱ་དི་ཡི་ཏྭཱཏི ས་ནྠ་ཏ་སྶ ཨ་ནྟེ ཨ་ནུ་ཝཱ་ཏཾ ཝི་ཡ ད་སྶེ་ཏྭཱ ཨོ་དཱ་ཏཾ ཨ་ལླི་ཡཱ་པེ་ཏྭཱ.

དྭེ བྷཱ་གཱཏི དྭེ ཀོ་ཊྛཱ་སཱ. ཨཱ་དཱ་ཏ་བྦཱཏི ག་ཧེ་ཏ་བྦཱ. གོ་ཙ་རི་ཡཱ་ནནྟི ཀ་པི་ལ་ཝ་ཎྞཱ་ནཾ. དྭེ ཏུ་ལཱ ཨཱ་དཱ་ཏ་བྦཱཏི ཙ་ཏཱུ་ཧི ཏུ་ལཱ་ཧི ཀཱ་རེ་ཏུ་ཀཱ་མཾ ས་ནྡྷཱ་ཡ ཝུ་ཏྟཾ. ཨ་ཏྠ་ཏོ པ་ན ཡ་ཏྟ་ཀེ་ཧི ཨེ་ལ༹་ཀ་ལོ་མེ་ཧི ཀཱ་ཏུ་ཀཱ་མོ ཧོ་ཏི, ཏེ་སུ དྭེ ཀོ་ཊྛཱ་སཱ ཀཱ་ལ༹་ཀཱ་ནཾ ཨེ་ཀོ ཨོ་དཱ་ཏཱ་ནཾ, ཨེ་ཀོ གོ་ཙ་རི་ཡཱ་ན་ནྟི ཨི་ད་མེ་ཝ ད་སྶི་ཏཾ ཧོ་ཏཱི་ཏི ཝེ་དི་ཏ་བྦཾ. སེ་སཾ ཨུ་ཏྟཱ་ན་ཏྠ་མེ་ཝ.

ས་མུ་ཊྛཱ་ནཱ་དཱི་ནི་པི ཀོ་སི་ཡ་སི་ཀྑཱ་པ་ད་ས་དི་སཱ་ནེ་ཝ. ཀེ་ཝ་ལཾ ཨི་དཾ ཨཱ་དཱ་ཡ ཨ་ནཱ་དཱ་ཡ ཙ ཀ་ར་ཎ་ཏོ ཀི་རི་ཡཱ་ཀི་རི་ཡཾ ཝེ་དི་ཏ་བྦ་ནྟི.

དྭེ་བྷཱ་ག་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.