༡༡. དུ་ཏི་ཡ་ས་ངྒྷ་བྷེ་ད་སི་ཀྑཱ་པ་ད་ཝ་ཎྞ་ནཱ

༤༡༧-༨. ཏེ་ན ས་མ་ཡེ་ན བུ་དྡྷོ བྷ་ག་ཝཱཏི དུ་ཏི་ཡ་ས་ངྒྷ་བྷེ་ད་སི་ཀྑཱ་པ་དཾ. ཏ་ཏྠ ཨ་ནུ་ཝ་ཏྟ་ཀཱཏི ཏ་སྶ དི་ཊྛི་ཁ་ནྟི་རུ་ཙི་གྒ་ཧ་ཎེ་ན ཨ་ནུ་པ་ཊི་པ་ཛྫ་ན་ཀཱ. ཝ་གྒཾ ཨ་སཱ་མ་གྒི་པ་ཀྑི་ཡ་ཝ་ཙ་ནཾ ཝ་ད་ནྟཱི་ཏི ཝ་གྒ་ཝཱ་ད་ཀཱ. པ་ད་བྷཱ་ཛ་ནེ པ་ན ‘‘ཏ་སྶ ཝ་ཎྞཱ་ཡ པ་ཀྑཱ་ཡ ཋི་ཏཱ ཧོ་ནྟཱི’’ཏི ཝུ་ཏྟཾ, ཏ་སྶ ས་ངྒྷ་བྷེ་དཱ་ཡ པ་ར་ཀྐ་མ་ནྟ་སྶ ཝ་ཎྞ་ཏྠཱ་ཡ ཙ པ་ཀྑ་ཝུ་ཌྜྷི་ཨ་ཏྠཱ་ཡ ཙ ཋི་ཏཱ་ཏི ཨ་ཏྠོ. ཡེ ཧི ཝ་གྒ་ཝཱ་ད་ཀཱ, ཏེ ནི་ཡ་མེ་ན ཨཱི་དི་སཱ ཧོ་ནྟི, ཏ་སྨཱ ཨེ་ཝཾ ཝུ་ཏྟཾ. ཡ་སྨཱ པ་ན ཏི་ཎྞཾ ཨུ་དྡྷཾ ཀ་མྨཱ་ར་ཧཱ ན ཧོ་ནྟི, ན ཧི ས་ངྒྷོ ས་ངྒྷ་སྶ ཀ་མྨཾ ཀ་རོ་ཏི, ཏ་སྨཱ ཨེ་ཀོ ཝཱ དྭེ ཝཱ ཏ་ཡོ ཝཱ་ཏི ཝུ་ཏྟཾ.

ཛཱ་ནཱ་ཏི ནོཏི ཨ་མྷཱ་ཀཾ ཚ་ནྡཱ་དཱི་ནི ཛཱ་ནཱ་ཏི. བྷཱ་ས་ཏཱིཏི ‘‘ཨེ་ཝཾ ཀ་རོ་མཱ’’ཏི ཨ་མྷེ་ཧི ས་དྡྷིཾ བྷཱ་ས་ཏི. ཨ་མྷཱ་ཀ་མྤེ་ཏཾ ཁ་མ་ཏཱིཏི ཡཾ སོ ཀ་རོ་ཏི, ཨེ་ཏཾ ཨ་མྷཱ་ཀ་མྤི རུ་ཙྩ་ཏི.

ས་མེ་ཏཱ་ཡ་སྨ་ནྟཱ་ནཾ ས་ངྒྷེ་ནཱཏི ཨཱ་ཡ་སྨ་ནྟཱ་ནཾ ཙི་ཏྟཾ ས་ངྒྷེ་ན ས་དྡྷིཾ ས་མེ་ཏུ ས་མཱ་ག་ཙྪ་ཏུ, ཨེ་ཀཱི་བྷཱ་ཝཾ ཡཱ་ཏཱུ་ཏི ཝུ་ཏྟཾ ཧོ་ཏི. སེ་ས་མེ་ཏྠ པ་ཋ་མ་སི་ཀྑཱ་པ་དེ ཝུ་ཏྟ་ན་ཡ་ཏྟཱ ཨུ་ཏྟཱ་ན་ཏྠ་ཏྟཱ ཙ པཱ་ཀ་ཊ་མེ་ཝ.

ས་མུ་ཊྛཱ་ནཱ་དཱི་ནི་པི པ་ཋ་མ་སི་ཀྑཱ་པ་ད་ས་དི་སཱ་ནེ་ཝཱ་ཏི.

དུ་ཏི་ཡ་ས་ངྒྷ་བྷེ་ད་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.