༤-༥-༦. ཙ་ཏུ་ཏྠ་པ་ཉྩ་མ་ཚ་ཊྛ་སི་ཀྑཱ་པ་ད་ཝ་ཎྞ་ནཱ

༡༡༣༦. ཙ་ཏུ་ཏྠ་པ་ཉྩ་མ་ཚ་ཊྛེ་སུ ས་བྦཾ ཨུ་ཏྟཱ་ན་མེ་ཝ. ས་བྦཱ་ནི ཏི་ས་མུ་ཊྛཱ་ནཱ་ནི ཙ་ཏུ་ཏྠཾ ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི. པ་ཉྩ་མཾ ཀི་རི་ཡཱ་ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི. ཡ་ཉྩེ་ཏྠ ས་ངྒྷེ་ན པ་རི་ཙྪི་ནྡི་ཏ་བྦཱ་ཏི ཝུ་ཏྟཾ, ཏ་སྶ ཨུ་པ་པ་རི་ཀྑི་ཏ་བྦཱ་ཏི ཨ་ཏྠོ. ཚ་ཊྛཾ ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, ལོ་ཀ་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཨ་ཀུ་ས་ལ་ཙི་ཏྟཾ དུ་ཀྑ་ཝེ་ད་ན་ནྟི. ཡཾ པ་ནེ་ཏྠ ‘‘པ་རི་ཙྪི་ནྡི་ཏྭཱ’’ཏི ཝུ་ཏྟཾ, ཏ་སྶ ཨུ་པ་པ་རི་ཀྑི་ཏྭཱ་ཏི ཨ་ཏྠོ.

ཙ་ཏུ་ཏྠ་པ་ཉྩ་མ་ཚ་ཊྛ་སི་ཀྑཱ་པ་དཱ་ནི