༧. ནི་སཱི་ད་ན་སི་ཀྑཱ་པ་ད་ཝ་ཎྞ་ནཱ

༥༣༡-༤. ས་ཏྟ་མེ – ནི་སཱི་ད་ནཾ ཨ་ནུ་ཉྙཱ་ཏཾ ཧོ་ཏཱིཏི ཀ་ཏྠ ཨ་ནུ་ཉྙཱ་ཏཾ? ཙཱི་ཝ་ར་ཀྑ་ནྡྷ་ཀེ པ་ཎཱི་ཏ་བྷོ་ཛ་ན་ཝ་ཏྠུ་སྨིཾ. ཝུ་ཏྟ་ཉྷི ཏ་ཏྠ – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཀཱ་ཡ་གུ་ཏྟི་ཡཱ ཙཱི་ཝ་ར་གུ་ཏྟི་ཡཱ སེ་ནཱ་ས་ན་གུ་ཏྟི་ཡཱ ནི་སཱི་ད་ན’’ནྟི (མ་ཧཱ་ཝ. ༣༥༣). སེ་ཡྻ་ཐཱ་པི པུ་རཱ་ཎཱ་སི་ཀོ་ཊྛོཏི ཡ་ཐཱ ནཱ་མ པུ་རཱ་ཎ་ཙ་མྨ་ཀཱ་རོ་ཏི ཨ་ཏྠོ. ཡ་ཐཱ ཧི ཙ་མྨ་ཀཱ་རོ ཙ་མྨཾ ཝི་ཏྠ་ཏཾ ཀ་རི་སྶཱ་མཱི་ཏི ཨི་ཏོ ཙི་ཏོ ཙ ས་མ་ཉྪ་ཏི, ཀ་ཌྜྷ་ཏི; ཨེ་ཝཾ སོ་པི ཏཾ ནི་སཱི་ད་ནཾ. ཏེ་ན ཏཾ བྷ་ག་ཝཱ ཨེ་ཝ་མཱ་ཧ – ‘‘ནི་སཱི་ད་ནཾ ནཱ་མ ས་ད་སཾ ཝུ་ཙྩ་ཏཱི’’ཏི ས་ནྠ་ཏ་ས་དི་སཾ ས་ནྠ་རི་ཏྭཱ ཨེ་ཀ་སྨིཾ ཨ་ནྟེ སུ་ག་ཏ་ཝི་ད་ཏྠི་ཡཱ ཝི་ད་ཏྠི་མ་ཏྟེ པ་དེ་སེ དྭཱི་སུ ཋཱ་ནེ་སུ ཕཱ་ལེ་ཏྭཱ ཏི་སྶོ ད་སཱ ཀ་རི་ཡ་ནྟི, ཏཱ་ཧི ད་སཱ་ཧི ས་ད་སཾ ནཱ་མ ཝུ་ཙྩ་ཏི. སེ་ས་མེ་ཏྠ ཨུ་ཏྟཱ་ན་མེ་ཝ. ཚ་ས་མུ་ཊྛཱ་ནཾ.

ནི་སཱི་ད་ན་སི་ཀྑཱ་པ་དཾ ས་ཏྟ་མཾ.