༨. ཀ་ཎྜུ་པ་ཊི་ཙྪཱ་དི་སི་ཀྑཱ་པ་ད་ཝ་ཎྞ་ནཱ

༥༣༧. ཨ་ཊྛ་མེ – ཀ་ཎྜུ་པ་ཊི་ཙྪཱ་དི ཨ་ནུ་ཉྙཱ་ཏཱ ཧོ་ཏཱིཏི ཀ་ཏྠ ཨ་ནུ་ཉྙཱ་ཏཱ? ཙཱི་ཝ་ར་ཀྑ་ནྡྷ་ཀེ བེ་ལ་ཊྛ་སཱི་ས་ཝ་ཏྠུ་སྨིཾ. ཝུ་ཏྟ་ཉྷི ཏ་ཏྠ – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཡ་སྶ ཀ་ཎྜུ ཝཱ པི་ལ༹་ཀཱ ཝཱ ཨ་སྶཱ་ཝོ ཝཱ ཐུ་ལླ་ཀ་ཙྪུ ཝཱ ཨཱ་བཱ་དྷོ ཏ་སྶ ཀ་ཎྜུ་པ་ཊི་ཙྪཱ་དི’’ནྟི (མ་ཧཱ་ཝ. ༣༥༤).

༥༣༩. ཡ་སྶ ཨ་དྷོ་ནཱ་བྷི ཨུ་བྦྷ་ཛཱ་ཎུ་མ་ཎྜ་ལནྟི ཡ་སྶ བྷི་ཀྑུ་ནོ ནཱ་བྷི་ཡཱ ཧེ་ཊྛཱ ཛཱ་ཎུ་མ་ཎྜ་ལཱ་ནཾ ཨུ་པ་རི. ཀ་ཎྜཱུཏི ཀ་ཙྪུ. པི་ལ༹་ཀཱཏི ལོ་ཧི་ཏ་ཏུ་ཎྜི་ཀཱ སུ་ཁུ་མ་པི་ལ༹་ཀཱ. ཨ་སྶཱ་ཝོཏི ཨ་རི་ས་བྷ་ག་ནྡ་ར་མ་དྷུ་མེ་ཧཱ་དཱི་ནཾ ཝ་སེ་ན ཨ་སུ་ཙི་པ་གྒྷ་ར་ཎ་ཀཾ. ཐུ་ལླ་ཀ་ཙྪུ ཝཱ ཨཱ་བཱ་དྷོཏི མ་ཧཱ་པི་ལ༹་ཀཱ་བཱ་དྷོ ཝུ་ཙྩ་ཏི. སེ་ས་མེ་ཏྠ ཨུ་ཏྟཱ་ན་མེ་ཝ. ཚ་ས་མུ་ཊྛཱ་ནཾ.

ཀ་ཎྜུ་པ་ཊི་ཙྪཱ་དི་སི་ཀྑཱ་པ་དཾ ཨ་ཊྛ་མཾ.