༡. ས་ཉྩི་ཙྩ་པཱ་ཎ་སི་ཀྑཱ་པ་ད་ཝ་ཎྞ་ནཱ

༣༨༢. ས་པྤཱ་ཎ་ཀ་ཝ་གྒ་སྶ པ་ཋ་མ་སི་ཀྑཱ་པ་དེ – ཨི་སྶཱ་སོ ཧོ་ཏཱིཏི གི་ཧི་ཀཱ་ལེ དྷ་ནུ་གྒ་ཧཱ་ཙ་རི་ཡོ ཧོ་ཏི. ཛཱི་ཝི་ཏཱ ཝོ་རོ་པི་ཏཱཏི ཛཱི་ཝི་ཏཱ ཝི་ཡོ་ཛི་ཏཱ.

སི་ཀྑཱ་པ་དེ་པི ཝོ་རོ་པེ་ཡྻཱཏི ཝི་ཡོ་ཛེ་ཡྻ. ཡ་སྨཱ པ་ན ཝོ་ཧཱ་ར་མ་ཏྟ་མེ་ཝེ་ཏཾ; ན ཧེ་ཏྠ ཀི་ཉྩི ཝི་ཡོ་ཛི་ཏེ སཱི་སཱ་ལ་ངྐཱ་རེ སཱི་སཾ ཝི་ཡ ཛཱི་ཝི་ཏཱ ཝོ་རོ་པི་ཏེ པཱ་ཎེ་པི ཛཱི་ཝི་ཏཾ ནཱ་མ ཝི་སུཾ ཏི་ཊྛ་ཏི, ཨ་ཉྙ་ད་ཏྠུ ཨ་ནྟ་ར་དྷཱ་ན་མེ་ཝ ག་ཙྪ་ཏི, ཏ་སྨཱ ཏ་མ་ཏྠཾ ད་སྶེ་ཏུཾ པ་ད་བྷཱ་ཛ་ནེ ‘‘ཛཱི་ཝི་ཏི་ནྡྲི་ཡཾ ཨུ་པ་ཙྪི་ནྡ་ཏཱི’’ཏི་ཨཱ་དི ཝུ་ཏྟཾ. ཨི་མ་སྨི་ཉྩ སི་ཀྑཱ་པ་དེ ཏི་ར་ཙྪཱ་ན་ག་ཏོ་ཡེ་ཝ ‘‘པཱ་ཎོ’’ཏི ཝེ་དི་ཏ་བྦོ. ཏཾ ཁུ་དྡ་ཀ་མྤི མ་ཧ་ནྟ་མྤི མཱ་རེ་ནྟ་སྶ ཨཱ་པ་ཏྟི་ནཱ་ནཱ་ཀ་ར་ཎཾ ན་ཏྠི. མ་ཧ་ནྟེ པ་ན ཨུ་པ་ཀྐ་མ་མ་ཧ་ནྟ་ཏྟཱ ཨ་ཀུ་ས་ལ་མ་ཧ་ཏྟཾ ཧོ་ཏི. པཱ་ཎེ པཱ་ཎ་ས་ཉྙཱིཏི ཨ་ནྟ་མ་སོ མ་ཉྩ་པཱི་ཋཾ སོ་དྷེ་ནྟོ མ་ངྒུ་ལ་བཱི་ཛ་ཀེ་པི པཱ་ཎ་ས་ཉྙཱི ནི་ཀྐཱ་རུ་ཎི་ཀ་ཏཱ་ཡ ཏཾ བྷི་ནྡ་ནྟོ ཨ་པ་ནེ་ཏི, པཱ་ཙི་ཏྟི་ཡཾ. ཏ་སྨཱ ཨེ་ཝ་རཱུ་པེ་སུ ཋཱ་ནེ་སུ ཀཱ་རུ་ཉྙཾ ཨུ་པ་ཊྛ་པེ་ཏྭཱ ཨ་པྤ་མ་ཏྟེ་ན ཝ་ཏྟཾ ཀཱ་ཏ་བྦཾ. སེ་སཾ མ་ནུ་སྶ་ཝི་གྒ་ཧེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ ས་དྡྷིཾ ས་མུ་ཊྛཱ་ནཱ་དཱི་ཧཱི་ཏི.

ས་ཉྩི་ཙྩ་པཱ་ཎ་སི་ཀྑཱ་པ་དཾ པ་ཋ་མཾ.