༢. ཨུ་ཡྻོ་ཛ་ན་སི་ཀྑཱ་པ་ད་ཝ་ཎྞ་ནཱ

༢༧༤. དུ་ཏི་ཡ་སི་ཀྑཱ་པ་དེ – པ་ཊི་ཀྐ་མ་ནེ་པཱིཏི ཨཱ་ས་ན་སཱ་ལཱ་ཡ་མྤི. བྷ་ཏྟ་ཝི་སྶ་གྒནྟི བྷ་ཏྟ་ཀི་ཙྩཾ. ན ས་མྦྷཱ་ཝེ་སཱིཏི ན པཱ་པུ་ཎི.

༢༧༦. ཨ་ནཱ་ཙཱ་རནྟི ཝུ་ཏྟཱ་ཝ་སེ་སཾ ཀཱ་ཡ་ཝ་ཙཱི་དྭཱ་ར་ཝཱི་ཏི་ཀྐ་མཾ. ད་སྶ་ནཱུ་པ་ཙཱ་རཾ ཝཱ ས་ཝ་ནཱུ་པ་ཙཱ་རཾ ཝཱ ཝི་ཛ་ཧ་ནྟ་སྶཱཏི ཨེ་ཏྠ ཡ་དི ཋི་ཏོ ཝཱ ནི་སི་ནྣོ ཝཱ ཨུ་ཡྻོ་ཛེ་ཏི; ཡོ ཨུ་ཡྻོ་ཛི་ཏོ, སོ ཝི་ཛ་ཧ་ཏི, ཏ་སྶ ཙ ཨཱ་པ་ཏྟི ནཱ་མ ན་ཏྠི. ཏ་སྨིཾ པ་ན ཝི་ཛ་ཧ་ནྟེ་པི ཨ་ཏྠ་ཏོ ཨི་ཏ་རེ་ན ཝི་ཛ་ཧི་ཏ་མེ་ཝ ཧོ་ཏི. ཏ་སྨཱ ཡོ ཨུ་ཡྻོ་ཛེ་ཏི, ཏ་སྶེ་ཝཱ་ཡཾ ཨཱ་པ་ཏྟི. ཏ་ཏྠ ས་ཙེ ཨུ་པ་ཙཱ་ར་བྦྷ་ནྟ་རེ ཨེ་ཀོ པཱ་དོ ཧོ་ཏི, དུ་ཀྐ་ཊཾ. སཱི་མཱ་ཏི་ཀྐ་མེ པཱ་ཙི་ཏྟི་ཡཾ. ཨེ་ཏྠ ཙ ད་སྶ་ནཱུ་པ་ཙཱ་ར་སྶ ཨ་བྦྷོ་ཀཱ་སེ དྭཱ་ད་ས་ཧ་ཏྠ་པྤ་མཱ་ཎཾ, ཏ་ཐཱ ས་ཝ་ནཱུ་པ་ཙཱ་ར་སྶ. ས་ཙེ པ་ན ཨ་ནྟ་རཱ ཀུ་ཊྚ་དྭཱ་ར་པཱ་ཀཱ་རཱ་ད་ཡོ ཧོ་ནྟི, ཏེ་ཧི ཨ་ནྟ་རི་ཏ་བྷཱ་ཝོ ད་སྶ་ནཱུ་པ་ཙཱ་རཱ་ཏི་ཀྐ་མོ, ཏ་སྶ ཝ་སེ་ན ཨཱ་པ་ཏྟི ཝེ་དི་ཏ་བྦཱ. ན ཨ་ཉྙོ ཀོ་ཙི པ་ཙྩ་ཡོ ཧོ་ཏཱིཏི ཋ་པེ་ཏྭཱ ཝུ་ཏྟ་པྤ་ཀཱ་ར་མ་ནཱ་ཙཱ་རཾ ཨ་ཉྙཾ ཀི་ཉྩི ཀཱ་ར་ཎཾ ན ཧོ་ཏི.

༢༧༧. ཀ་ལི་སཱ་ས་ནཾ ཨཱ་རོ་པེ་ཏཱིཏི ‘‘ཀ་ལཱི’’ཏི ཀོ་དྷོ; ཏ་སྶ སཱ་ས་ནཾ ཨཱ་རོ་པེ་ཏི; ཀོ་དྷ་སྶ ཨཱ་ཎཾ ཨཱ་རོ་པེ་ཏི; ཀོ་དྷ་ཝ་སེ་ན ཋཱ་ན་ནི་ས་ཛྫཱ་དཱི་སུ དོ་སཾ ད་སྶེ་ཏྭཱ ‘‘པ་སྶ་ཐ བྷོ ཨི་མ་སྶ ཋཱ་ནཾ, ནི་ས་ཛྫཾ ཨཱ་ལོ་ཀི་ཏཾ ཝི་ལོ་ཀི་ཏཾ ཁཱ་ཎུ་ཀོ ཝི་ཡ ཏི་ཊྛ་ཏི, སུ་ན་ཁོ ཝི་ཡ ནི་སཱི་ད་ཏི, མ་ཀྐ་ཊོ ཝི་ཡ ཨི་ཏོ ཙི་ཏོ ཙ ཝི་ལོ་ཀེ་ཏཱི’’ཏི ཨེ་ཝཾ ཨ་མ་ནཱ་པ་ཝ་ཙ་ནཾ ཝ་ད་ཏི ‘‘ཨ་པྤེ་ཝ ནཱ་མ ཨི་མི་ནཱ་པི ཨུ་བྦཱ་ལ༹ྷོ པ་ཀྐ་མེ་ཡྻཱ’’ཏི. སེ་སཾ ཨུ་ཏྟཱ་ན་མེ་ཝ.

ཏི་ས་མུ་ཊྛཱ་ནཾ – ཀཱ་ཡ་ཙི་ཏྟ་ཏོ ཝཱ་ཙཱ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, ལོ་ཀ་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཨ་ཀུ་ས་ལ་ཙི་ཏྟཾ, ཏི་ཝེ་ད་ན་ནྟི.

ཨུ་ཡྻོ་ཛ་ན་སི་ཀྑཱ་པ་དཾ དུ་ཏི་ཡཾ.