༡. ཨ་ཙེ་ལ་ཀ་སི་ཀྑཱ་པ་ད་ཝ་ཎྞ་ནཱ

༢༦༩. ཨ་ཙེ་ལ་ཀ་ཝ་གྒ་སྶ ༩ པ་ཋ་མ་སི་ཀྑཱ་པ་དེ – པ་རི་ཝེ་ས་ནནྟི པ་རི་ཝི་ས་ན་ཊྛཱ་ནཾ. པ་རི་བྦཱ་ཛ་ཀ་ས་མཱ་པ་ནྣོཏི པ་བྦ་ཛྫཾ ས་མཱ་པ་ནྣོ. དེ་ཏི ཨཱ་པ་ཏྟི པཱ་ཙི་ཏྟི་ཡ་སྶཱཏི ས་མ་ཏི་ཏྟི་ཀཾ ཡཱ་གུ་པ་ཏྟཾ ཨེ་ཀ་པ་ཡོ་གེ་ན དེ་ཏི, ཨེ་ཀཾ པཱ་ཙི་ཏྟི་ཡཾ. ཨ་ཝ་ཙྪི་ནྡི་ཏྭཱ ཨ་ཝ་ཙྪི་ནྡི་ཏྭཱ དེ་ཏི, པ་ཡོ་གེ པ་ཡོ་གེ པཱ་ཙི་ཏྟི་ཡཾ. ཨེ་སེ་ཝ ན་ཡོ པཱུ་ཝ་བྷ་ཏྟཱ་དཱི་སུ. ཏི་ཏྠི་ཡེ ཨ་ཏི་ཏྠི་ཡ་ས་ཉྙཱིཏི མཱ་ཏཱ ཝཱ པི་ཏཱ ཝཱ ཏི་ཏྠི་ཡེ་སུ པ་བྦ་ཛ་ཏི, ཏེ་སཾ མཱ་ཏཱ་པི་ཏུ་ས་ཉྙཱ་ཡ དེ་ནྟ་སྶཱ་པི པཱ་ཙི་ཏྟི་ཡ་མེ་ཝ ཧོ་ཏི. དཱ་པེ་ཏཱིཏི ཨ་ནུ་པ་ས་མྤ་ནྣེ་ན དཱ་པེ་ཏི.

༢༧༣. ཨུ་པ་ནི་ཀྑི་པི་ཏྭཱ དེ་ཏཱིཏི ཏ་ཐཱ་རཱུ་པེ བྷཱ་ཛ་ནེ ཋ་པེ་ཏྭཱ ཏཾ བྷཱ་ཛ་ནཾ ཏེ་སཾ ས་ནྟི་ཀེ བྷཱུ་མི་ཡཾ ནི་ཀྑི་པི་ཏྭཱ དེ་ཏི, ཏེ་སཾ ཝཱ བྷཱ་ཛ་ནཾ ནི་ཀྑི་པཱ་པེ་ཏྭཱ ཏ་ཏྠ དེ་ཏི, པ་ཏྟཾ ཨཱ་དྷཱ་ར་ཀེ ཝཱ བྷཱུ་མི་ཡཾ ཝཱ ཋ་པེ་ཏྭཱ་པི ‘‘ཨི་ཏོ ག་ཎྷ་ཐཱ’’ཏི ཝ་ཏྟུཾ ཝ་ཊྚ་ཏི. ས་ཙེ ཏི་ཏྠི་ཡོ ཝ་ད་ཏི ‘‘མ་ཡ྄ཧཾ ནཱ་མ ཨི་དཾ ས་ནྟ་ཀཾ, ཨི་དྷ ན ཨཱ་ཀི་ར་ཐཱ’’ཏི ཨཱ་ཀི་རི་ཏ་བྦཾ. ཏ་སྶ ས་ནྟ་ཀ་ཏྟཱ ས་ཧ་ཏྠཱ དཱ་ནཾ ནཱ་མ ན ཧོ་ཏི. སེ་ས་མེ་ཏྠ ཨུ་ཏྟཱ་ན་མེ་ཝ.

ཨེ་ལ༹་ཀ་ལོ་མ་ས་མུ་ཊྛཱ་ནཾ – ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

ཨ་ཙེ་ལ་ཀ་སི་ཀྑཱ་པ་དཾ པ་ཋ་མཾ.