༧. དྷ་མྨ་དེ་ས་ནཱ་སི་ཀྑཱ་པ་ད་ཝ་ཎྞ་ནཱ

༦༠. ས་ཏྟ་མ་སི་ཀྑཱ་པ་དེ – གྷ་ར་ཎཱིཏི གྷ་ར་སཱ་མི་ནཱི. ནི་ཝེ་ས་ན་དྭཱ་རེཏི ནི་ཝེ་ས་ན་སྶ མ་ཧཱ་དྭཱ་རེ. གྷ་ར་སུ་ཎྷཱཏི ཏ་སྨིཾ གྷ་རེ སུ་ཎྷཱ. ཨཱ་ཝ་ས་ཐ་དྭཱ་རེཏི ཨོ་ཝ་ར་ཀ་དྭཱ་རེ. ཝི་སྶ་ཊྛེ་ནཱཏི སུ་ནི་གྒ་ཏེ་ན ས་དྡེ་ན. ཝི་ཝ་ཊེ་ནཱཏི སུ་ཊྛུ པ་ཀཱ་སེ་ན ཨ་སཾ་ཝུ་ཏེ་ན. དྷ་མྨོ དེ་སེ་ཏ་བྦོཏི ཨ་ཡཾ ས་ར་ཎ་སཱི་ལཱ་དི་བྷེ་དོ དྷ་མྨོ ཀ་ཐེ་ཏ་བྦོ. ཨ་ཉྙཱ་ཏུནྟི ཨཱ་ཛཱ་ནི་ཏུཾ. ཝི་ཉྙུ་ནཱ པུ་རི་ས་ཝི་གྒ་ཧེ་ནཱཏི ཝི་ཉྙུ་ནཱ པུ་རི་སེ་ན, པུ་རི་ས་ཝི་གྒ་ཧཾ ག་ཧེ་ཏྭཱ་པི ཋི་ཏེ་ན ན ཡ་ཀྑེ་ན ན པེ་ཏེ་ན ན ཏི་ར་ཙྪཱ་ན་ག་ཏེ་ན.

༦༦. ཨ་ནཱ་པ་ཏྟི ཝི་ཉྙུ་ནཱ པུ་རི་ས་ཝི་གྒ་ཧེ་ནཱཏི ཝི་ཉྙུ་ནཱ པུ་རི་ས་ཝི་གྒ་ཧེ་ན ས་དྡྷིཾ ཋི་ཏཱ་ཡ བ་ཧུ་མྤི དྷ་མྨཾ དེ་སེ་ནྟ་སྶ ཨ་ནཱ་པ་ཏྟི. ཚ་པྤ་ཉྩ་ཝཱ་ཙཱ་ཧཱིཏི ཚ་ཧི པ་ཉྩ་ཧི ཝཱ་ཙཱ་ཧི ཡོ དེ་སེ་ཏི, ཏ་སྶ་པི ཨ་ནཱ་པ་ཏྟི. ཏ་ཏྠ ཨེ་ཀོ གཱ་ཐཱ་པཱ་དོ ཨེ་ཀ་ཝཱ་ཙཱ་ཏི ཨེ་ཝཾ ས་བྦ་ཏྠ ཝཱ་ཙཱ་པ་མཱ་ཎཾ ཝེ་དི་ཏ་བྦཾ. ས་ཙེ ཨ་ཊྛ་ཀ་ཐཾ དྷ་མྨ་པ་དཾ ཛཱ་ཏ་ཀཱ་དི་ཝ་ཏྠུཾ ཝཱ ཀ་ཐེ་ཏུ་ཀཱ་མོ ཧོ་ཏི, ཚ་པྤ་ཉྩ་པ་ད་མ་ཏྟ་མེ་ཝ ཀ་ཐེ་ཏུཾ ཝ་ཊྚ་ཏི. པཱ་ལི༹་ཡཱ ས་དྡྷིཾ ཀ་ཐེ་ནྟེ་ན ཨེ་ཀ་པ་དཾ པཱ་ལི༹་ཏོ པ་ཉྩ ཨ་ཊྛ་ཀ་ཐཱ་ཏོ་ཏི ཨེ་ཝཾ ཚ པ་དཱ་ནི ཨ་ན་ཏི་ཀྐཱ་མེ་ཏྭཱ་ཝ ཀ་ཐེ་ཏ་བྦོ. པ་ད་སོ་དྷ་མྨེ ཝུ་ཏྟ་པྤ་བྷེ་དོ ཧི ཨི་དྷཱ་པི ས་བྦོ དྷ་མྨོ་ཡེ་ཝ. ཏ་སྨིཾ དེ་སེ་ཏཱིཏི ཏ་སྨིཾ ཁ་ཎེ དེ་སེ་ཏི. ས་མྤ་དཱ་ན་ཏྠེ ཝཱ ཨེ་ཏཾ བྷུ་མྨ་ཝ་ཙ་ནཾ. ཏ་སྶཱ དེ་སེ་ཏཱི་ཏི ཨ་ཏྠོ. ཨ་ཉྙི་སྶཱ མཱ་ཏུ་གཱ་མ་སྶཱཏི ཨེ་ཀི་སྶཱ དེ་སེ་ཏྭཱ པུ་ན ཨཱ་ག་ཏཱ་ག་ཏཱ་ཡ ཨ་ཉྙི་སྶཱ་པི དེ་སེ་ཏཱི་ཏི ཨེ་ཝཾ ཨེ་ཀཱ་ས་ནེ ནི་སི་ནྣོ མཱ་ཏུ་གཱ་མ་ས་ཏ་ས་ཧ་སྶ་ནྣ་མྤི དེ་སེ་ཏཱི་ཏི ཨ་ཏྠོ. མ་ཧཱ་པ་ཙྩ་རི་ཡ་ཊྛ་ཀ་ཐཱ་ཡཾ ཝུ་ཏྟཾ ས་མཾ ནི་སི་ནྣཱ་ནཾ མཱ་ཏུ་གཱ་མཱ་ནཾ ‘‘ཏུ་མྷཱ་ཀཾ ཨེ་ཀེ་ཀི་སྶཱ ཨེ་ཀེ་ཀཾ གཱ་ཐཾ དེ་སེ་སྶཱ་མི, ཏཾ སུ་ཎཱ་ཐཱ་ཏི དེ་སེ་ཏི, ཨ་ནཱ་པ་ཏྟི. པ་ཋ་མཾ ཨེ་ཀེ་ཀི་སྶཱ ཨེ་ཀེ་ཀཾ གཱ་ཐཾ ཀ་ཐེ་སྶཱ་མཱི་ཏི ཨཱ་བྷོ་གཾ ཀ་ཏྭཱ ཛཱ་ནཱ་པེ་ཏྭཱ ཀ་ཐེ་ཏུཾ ཝ་ཊྚ་ཏི, ན པ་ཙྪཱ་ཏི. པ་ཉྷཾ པུ་ཙྪ་ཏི པ་ཉྷཾ པུ་ཊྛོ ཀ་ཐེ་ཏཱིཏི མཱ་ཏུ་གཱ་མོ ‘‘དཱི་གྷ་ནི་ཀཱ་ཡོ ནཱ་མ བྷ་ནྟེ ཀི་མ་ཏྠཾ དཱི་པེ་ཏཱི’’ཏི པུ་ཙྪ་ཏི. ཨེ་ཝཾ པ་ཉྷཾ པུ་ཊྛོ བྷི་ཀྑུ ས་བྦཾ ཙེ་པི དཱི་གྷ་ནི་ཀཱ་ཡཾ ཀ་ཐེ་ཏི, ཨ་ནཱ་པ་ཏྟི. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝ.

པ་ད་སོ་དྷ་མྨ་ས་མུ་ཊྛཱ་ནཾ – ཝཱ་ཙ་ཏོ ཙ ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཱ་ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

དྷ་མྨ་དེ་ས་ནཱ་སི་ཀྑཱ་པ་དཾ ས་ཏྟ་མཾ.