༡༠. ཨཱ་པ་ཎ་སུ་ཏྟ་ཝ་ཎྞ་ནཱ

༥༢༠. ད་ས་མེ ཨི་མེ ཁོ ཏེ དྷ་མྨཱཏི ཨུ་པ་རི ས་ཧ ཝི་པ་སྶ་ནཱ་ཡ ཏ་ཡོ མ་གྒཱ. ཡེ མེ པུ་བྦེ སུ་ཏཱ་ཝ ཨ་ཧེ་སུནྟི ཡེ དྷ་མྨཱ མ་ཡཱ པུ་བྦེ ‘‘ཨ་ར་ཧ་ཏྟ་ཕ་ལི་ནྡྲི་ཡཾ ནཱ་མ ཨ་ཏྠཱི’’ཏི ཀ་ཐེ་ནྟཱ་ནཾ་ཡེ་ཝ སུ་ཏཱ ཨ་ཧེ་སུཾ. ཀཱ་ཡེ་ན ཙ ཕུ་སི་ཏྭཱཏི ནཱ་མ་ཀཱ་ཡེ་ན ཙ ཕུ་སི་ཏྭཱ པ་ཊི་ལ་བྷི་ཏྭཱ. པ་ཉྙཱ་ཡ ཙ ཨ་ཏི་ཝི་ཛ྄ཛྷ པ་སྶཱ་མཱིཏི པ་ཙྩ་ཝེ་ཀྑ་ཎ་པ་ཉྙཱ་ཡ ཙ ཨ་ཏི་ཝི་ཛ྄ཛྷི་ཏྭཱ པ་སྶཱ་མི. ཡཱ ཧི་སྶ, བྷ་ནྟེ, ས་དྡྷཱཏི ཨ་ཡཾ ཀ་ཏ་ར་ས་དྡྷཱ? ཙ་ཏཱུ་ཧི ཨི་ནྡྲི་ཡེ་ཧི ས་མྤ་ཡུ་ཏྟཱ ས་དྡྷཱ ཧེ་ཊྛཱ ཀ་ཐི་ཏཱ་ཝ, ཨ་ཡཾ པ་ན པ་ཙྩ་ཝེ་ཀྑ་ཎ་ས་དྡྷཱ. ས་མྤ་ཡུ་ཏྟ་ས་དྡྷཱ ཧི མི་སྶ་ཀཱ, པ་ཙྩ་ཝེ་ཀྑ་ཎ་ས་དྡྷཱ ལོ་ཀི་ཡཱ་ཝ. སེ་སཾ ས་བྦ་ཏྠ ཨུ་ཏྟཱ་ན་མེ་ཝཱ་ཏི.

ཛ་རཱ་ཝ་གྒོ པ་ཉྩ་མོ.