༨. དུ་ཏི་ཡ་ཚི་གྒ་ལ༹་ཡུ་ག་སུ་ཏྟ་ཝ་ཎྞ་ནཱ

༡༡༡༨. ཨ་ཊྛ་མེ མ་ཧཱ་པ་ཐ་ཝཱིཏི ཙ་ཀྐ་ཝཱ་ལ༹་ག་བྦྷ་ནྟ་རཱ མ་ཧཱ་པ་ཐ་ཝཱི. ཨ་དྷི་ཙྩ་མི་དཾ, བྷ་ནྟེཏི ཨི་དཾ ཨ་དྷི་ཙྩུ་པྤ་ཏྟི་ཀཾ ས་ཙེ ཏཾ ཡུ་གཾ ན པཱུ་ཏི བྷ་ཝེ་ཡྻ, ས་མུ་དྡེ ཨུ་ད་ཀཾ ན སུ་སྶེ་ཡྻ, སོ ཙ ཀ་ཙྪ་པོ ན མ་རེ་ཡྻ, ཨ་པི ནཱ་མ ཡ་དི་ཙྪཱ་ཝ་སེ་ན སི་ཡཱ་ཏི ཨ་ཏྠོ.

ཨེ་ཝཾ ཨ་དྷི་ཙྩ་མི་དཾ, བྷི་ཀྑ་ཝེཏི ཨེ་ཏྠ མ་ཧཱ་སཱི་ཝ་ཏྠེ་རོ ཙ་ཏྟཱ་རི ཡུ་གཱ་ནི ད་སྶེ་ཏི – པུ་ར་ཏྠི་མ་ཙ་ཀྐ་ཝཱ་ལ༹་མུ་ཁ་ཝ་ཊྚི་ཡཾ ཋི་ཏེ་ན པུ་རི་སེ་ན པ་ཀྑི་ཏྟ་ཡུ་ག་སྶ ཧི ཚི་གྒ་ལེ༹་ན ཏ་སྶ ཨ་ནྡྷ་ཀ་ཙྪ་པ་སྶ གཱི་ཝཱ་ཡ པ་ཝེ་ས་ནཾ ཝི་ཡ མ་ནུ་སྶ་པ་ཊི་ལཱ་བྷོ ཨ་དྷི་ཙྩ་པ་ཊི་ལཱ་བྷཱི. ད་ཀྑི་ཎ་ཙ་ཀྐ་ཝཱ་ལ༹་མུ་ཁ་ཝ་ཊྚི་ཡཾ ཋི་ཏེ་ན པ་ཀྑི་ཏྟ་སྶ པ་ན པ་རི་བྦྷ་མ་ནྟ་སྶ པུ་རི་མ་ཡུ་གཾ པ་ཏྭཱ ཚི་གྒ་ལེ༹་ན ཚི་གྒ་ལུ༹་པ་རི ཨཱ་རུ་ལ༹ྷ་སྶ ཚི་གྒ་ལེ༹་ན གཱི་ཝ་པྤ་ཝེ་ས་ནཾ ཝི་ཡ ཏ་ཐཱ་ག་ཏུ་པྤཱ་དོ ཨ་དྷི་ཙྩ་ཏ་ར་ས་མྦྷ་ཝོ. པ་ཙྪི་མ་ཙ་ཀྐ་ཝཱ་ལ༹་མུ་ཁ་ཝ་ཊྚི་ཡཾ ཋི་ཏེ་ན པ་ཀྑི་ཏྟ་སྶ པ་ན པ་རི་བྦྷ་མ་ནྟ་སྶ པུ་རི་མ་ཡུ་ག་དྭ་ཡཾ པ་ཏྭཱ ཚི་གྒ་ལེ༹་ན ཚི་གྒ་ལུ༹་པ་རི ཨཱ་རུ་ལ༹ྷ་སྶ ཚི་གྒ་ལེ༹་ན གཱི་ཝ་པྤ་ཝེ་ས་ནཾ ཝི་ཡ ཏ་ཐཱ་ག་ཏ་པྤ་ཝེ་དི་ཏ་སྶ དྷ་མྨ་ཝི་ན་ཡ་སྶ དཱི་པ་ནཾ ཨ་དྷི་ཙྩ་ཏ་ར་ས་མྦྷ་ཝཾ. ཨུ་ཏྟ་ར་ཙ་ཀྐ་ཝཱ་ལ༹་མུ་ཁ་ཝ་ཊྚི་ཡཾ ཋི་ཏེ་ན པ་ཀྑི་ཏྟ་སྶ པ་ན པ་རི་བྦྷ་མ་ནྟ་སྶ པུ་རི་མ་ཡུ་ག་ཏྟ་ཡཾ པ་ཏྭཱ ཚི་གྒ་ལེ༹་ན ཚི་གྒ་ལུ༹་པ་རི ཨཱ་རུ་ལ༹ྷ་སྶ ཚི་གྒ་ལེ༹་ན གཱི་ཝ་པྤ་ཝེ་ས་ནཾ ཝི་ཡ ཙ་ཏུ་ས་ཙྩ་པ་ཊི་ཝེ་དྷོ ཨ་ཏི་ཝི་ཡ ཨ་དྷི་ཙྩ་ཏ་ར་ས་མྦྷ་ཝོ ཝེ་དི་ཏ་བྦོ. ན་ཝ་མཱ་དཱི་ནི ཨ་བྷི་ས་མ་ཡ་སཾ་ཡུ་ཏྟེ ཝུ་ཏྟ་ན་ཡཱ་ནེ་ཝཱ་ཏི.

པ་པཱ་ཏ་ཝ་གྒོ པ་ཉྩ་མོ.