༥. ཝཱ་ལ་སུ་ཏྟ་ཝ་ཎྞ་ནཱ

༡༡༡༥. པ་ཉྩ་མེ ས་ནྠཱ་གཱ་རེཏི སི་པྤུ་གྒ་ཎྷ་ན་སཱ་ལཱ་ཡཾ. ཨུ་པཱ་ས་ནཾ ཀ་རོ་ནྟེཏི ཀ་ཎྜ་ཁི་པ་ན་སི་པྤཾ ཀ་རོ་ནྟེ. ཨ་ས་ནཾ ཨ་ཏི་པཱ་ཏེ་ནྟེཏི ཀ་ཎྜཾ ཨ་ཏི་ཀྐ་མེ་ནྟེ. པོ་ངྑཱ་ནུ་པོ་ངྑནྟི ཨེ་ཀཾ ཀ་ཎྜཾ ཁི་པི་ཏྭཱ ཡ་ཐཱ ཨ་སྶ ས་ར་སྶ པོ་ངྑཾ ཝི་ཛ྄ཛྷ་ཏི, ཨ་པ་རཾ ཨ་ནུ་པོ་ངྑཾ ནཱ་མ དུ་ཏི་ཡ་སྶ པོ་ངྑཾ, པུ་ན ཨ་པ་རཾ ཏ་སྶ པོ་ངྑ་ནྟི ཨེ་ཝཾ ཨ་ཏི་པཱ་ཏེ་ནྟེ ཨ་དྡ་ས. ཡ་ཏྲ ཧི ནཱ་མཱཏི ཡེ ནཱ་མ. དུ་ར་བྷི་ས་མྦྷ་ཝ་ཏ་རནྟི དུ་ཀྐ་ར་ཏ་རཾ. ས་ཏྟ་དྷཱ བྷི་ནྣ་སྶ ཝཱ་ལ་སྶ ཀོ་ཊི་ཡཱ ཀོ་ཊིཾ པ་ཊི་ཝི་ཛ྄ཛྷེ་ཡྻཱཏི ཨེ་ཀཾ ཝཱ་ལཾ ས་ཏྟ་དྷཱ བྷི་ནྡི་ཏྭཱ, ཏ་སྶ ཨེ་ཀཾ བྷེ་དཾ ག་ཧེ་ཏྭཱ, ཝཱ་ཏི་ངྒ་ཎ་མ་ཛ྄ཛྷེ བ་ནྡྷི་ཏྭཱ, ཨ་པ་རཾ བྷེ་དཾ ཀ་ཎྜ་སྶ ཨ་གྒ་ཀོ་ཊི་ཡཾ བ་ནྡྷི་ཏྭཱ, ཨུ་ས་བྷ་མ་ཏྟེ ཋི་ཏོ ཀ་ཎྜ་བ་དྡྷཱ་ཡ ཀོ་ཊི་ཡཱ ཏཾ ཝཱ་ཏི་ངྒ་ཎ་བ་དྡྷ་ཀོ་ཊིཾ པ་ཊི་ཝི་ཛ྄ཛྷེ་ཡྻཱ་ཏི ཨ་ཏྠོ. ཏ་སྨཱཏི ཡ་སྨཱ ཨེ་ཝཾ དུ་པྤ་ཊི་ཝི་ཛ྄ཛྷཱ་ནི ཙ་ཏྟཱ་རི ས་ཙྩཱ་ནི, ཏ་སྨཱ.