༡. ལོ་ཀ་ཙི་ནྟཱ་སུ་ཏྟ་ཝ་ཎྞ་ནཱ

༡༡༡༡. པ་ཉྩ་མ་སྶ པ་ཋ་མེ སུ་མཱ་ག་དྷཱ་ཡ པོ་ཀྑ་ར་ཎི་ཡཱཏི ཨེ་ཝཾ་ནཱ་མི་ཀཱ་ཡ པོ་ཀྑ་ར་ཎི་ཡཱ. ལོ་ཀ་ཙི་ནྟཾ ཙི་ནྟེ་ནྟོཏི, ‘‘ཀེ་ན ནུ ཁོ ཙ་ནྡི་མ་སཱུ་རི་ཡཱ ཀ་ཏཱ, ཀེ་ན མ་ཧཱ་པ་ཐ་ཝཱི, ཀེ་ན མ་ཧཱ་ས་མུ་དྡོ, ཀེ་ན ས་ཏྟཱ ཨུ་པྤཱ་དི་ཏཱ, ཀེ་ན པ་བྦ་ཏཱ, ཀེ་ན ཨ་མྦ་ཏཱ་ལ་ནཱ་ལི༹་ཀེ་རཱ་ད་ཡོ’’ཏི ཨེ་ཝ་རཱུ་པཾ ལོ་ཀ་ཙི་ནྟཾ ཙི་ནྟེ་ནྟོ ནི་སཱི་དི.

ཝི་ཙེ་ཏོཏི ཝི་ག་ཏ་ཙི་ཏྟོ ཝི་ཀྑི་ཏྟ་ཙི་ཏྟོ ཝཱ. བྷཱུ་ཏཾ་ཡེ་ཝ ཨ་དྡ་སཱཏི ཏེ ཀི་ར ཨ་སུ་རཱ ས་མྦ་རི་མཱ་ཡཾ ས་མྤ་རི་ཝ་ཏྟེ་ཏྭཱ ཡ་ཐཱ ནེ སོ པུ་རི་སོ ཧ་ཏྠི་ཨ་སྶཱ་དཱི་སུ ཨཱ་རུ་ཧ་ནྟེ ཨུ་ཀྑི་པི་ཏྭཱ, བྷི་ས་མུ་ལཱ༹་ལ་ཙྪི་དྡེ་ཧི པ་ཝི་ས་ནྟེ པ་སྶ་ཏི, ཨེ་ཝཾ ཨ་དྷི་ཊྛ་ཧིཾ་སུ. ཏཾ ས་ནྡྷཱ་ཡ ས་ཏྠཱ ‘‘བྷཱུ་ཏཾ་ཡེ་ཝ ཨ་དྡ་སཱ’’ཏི ཨཱ་ཧ. དེ་ཝཱ་ནཾ་ཡེ་ཝ མོ་ཧ་ཡ་མཱ་ནཱཏི དེ་ཝཱ་ནཾ ཙི་ཏྟཾ མོ་ཧ་ཡ་ནྟཱ. ཏ་སྨཱཏི ཡ་སྨཱ ལོ་ཀ་ཙི་ནྟཾ ཙི་ནྟེ་ནྟོ ཨུ་མྨ་ཏྟ་ཀོ་པི ཧོ་ཏི, ཏ་སྨཱ.