༡༡-༡༢. ཨཱ་ག་ནྟུ་ཀ་སུ་ཏྟཱ་དི་ཝ་ཎྞ་ནཱ

༡༥༩-༡༦༠. ཨཱ་ག་ནྟུ་ཀཱ་གཱ་རནྟི པུ་ཉྙ་ཏྠི་ཀེ་ཧི ན་ག་ར་མ་ཛ྄ཛྷེ ཀ་ཏཾ ཨཱ་ག་ནྟུ་ཀ་གྷ་རཾ, ཡ་ཏྠ རཱ་ཛ་རཱ་ཛ་མ་ཧཱ་མ་ཏྟེ་ཧི་པི ས་ཀྐཱ ཧོ་ཏི ནི་ཝཱ་སཾ ཨུ་པ་ག་ནྟུཾ. ཨ་བྷི་ཉྙཱ པ་རི་ཉྙེ་ཡྻཱཏི ཡ་ཐེ་ཝ ཧི ཏེ་སཾ པུ་ར་ཏྠི་མ་དི་སཱ་དཱི་ཧི ཨཱ་ག་ཏཱ་ནཾ ཁ་ཏྟི་ཡཱ་དཱི་ནཾ ཝཱ་སོ ཨཱ་ག་ནྟུ་ཀཱ་གཱ་རེ ཨི་ཛ྄ཛྷ་ཏི, ཨེ་ཝཾ ཨི་མེ་སཾ ཨ་བྷི་ཉྙཱ་པ་རི་ཉྙེ་ཡྻཱ་ཏི་ཨཱ་དཱི་ནཾ དྷ་མྨཱ་ནཾ ཨ་བྷི་ཉྙཱ་པ་རི་ཛཱ་ན་ནཱ་དཱི་ཧི ས་ཧ་ཝི་པ་སྶ་ན་སྶ ཨ་རི་ཡ་མ་གྒ་སྶ བྷཱ་ཝ་ནཱ་ཡ ཨི་ཛ྄ཛྷ་ནྟི, ཏེ་ནེ་ཏཾ ཝུ་ཏྟཾ. ན་དཱི་སུ་ཏྟཾ ཧེ་ཊྛཱ ཝུ་ཏྟ་ན་ཡ་མེ་ཝཱ་ཏི.

བ་ལ་ཀ་ར་ཎཱི་ཡ་ཝ་གྒོ ན་ཝ་མོ.