༦. སཱུ་རི་ཡ་པེ་ཡྻཱ་ལ་ཝ་གྒ་ཝ་ཎྞ་ནཱ

༤༩-༦༢. སཱུ་རི་ཡ་པེ་ཡྻཱ་ལེ ཨ་རུ་ཎུ་གྒཾ ཝི་ཡ ཀ་ལྱཱ་ཎ་མི་ཏྟ་ཏྟཱ, ཀ་ལྱཱ་ཎ་མི་ཏྟ་ཏཱ་ཡ ཋ་ཏྭཱ ནི་བྦ་ཏྟི་ཏོ ས་ཝི་པ་སྶ་ན་ཨ་རི་ཡ་མ་གྒོ སཱུ་རི་ཡ་པཱ་ཏུ་བྷཱ་ཝོ ཝི་ཡཱ་ཏི ཨེ་ཝཾ ས་བྦ་ཏྠ ཨ་ཏྠོ ཝེ་དི་ཏ་བྦོ. སཱི་ལ་ས་མྤ་དཱཏི ཙ་ཏུ་པཱ་རི་སུ་དྡྷི་སཱི་ལཾ. ཚ་ནྡ་ས་མྤ་དཱཏི ཀུ་ས་ལ་ཀ་ཏྟུ་ཀ་མྱ་ཏཱ་ཚ་ནྡོ. ཨ་ཏྟ་ས་མྤ་དཱཏི ས་མྤ་ནྣ་ཙི་ཏྟ་ཏཱ. དི་ཊྛི་ས་མྤ་དཱཏི ཉཱ་ཎ་ས་མྤ་ཏྟི. ཨ་པྤ་མཱ་ད་ས་མྤ་དཱཏི ཀཱ་རཱ་པ་ཀ་ཨ་པྤ་མཱ་ད་ས་མྤ་ཏྟི. ཡོ་ནི་སོ་མ་ན་སི་ཀཱ་ར་ས་མྤ་དཱཏི ཨུ་པཱ་ཡ་མ་ན་སི་ཀཱ་ར་ས་མྤ་ཏྟི. པུ་ན ཀ་ལྱཱ་ཎ་མི་ཏྟ་ཏཱཏི་ཨཱ་དཱི་ནི ས་མྨཱ་དི་ཊྛི་ཨཱ་དཱི་ནཾ ཨ་ཉྙེ་ན་པི ཨཱ་ཀཱ་རེ་ན བྷཱ་ཝ་ད་སྶ་ན་ཏྠཾ ཝུ་ཏྟཱ་ནི. ས་བྦཱ་ནེ་ཝ ཙེ་ཏཱ་ནི སུ་ཏྟཱ་ནི པཱ་ཊི་ཡེ་ཀྐཾ པུ་གྒ་ལ་ཛ྄ཛྷཱ་ས་ཡ་ཝ་སེ་ན ཝུ་ཏྟཱ་ནཱི་ཏི.

སཱུ་རི་ཡ་པེ་ཡྻཱ་ལ་ཝ་གྒོ.