༡. སཾ་ཡོ་ཛ་ན་སུ་ཏྟ་ཝ་ཎྞ་ནཱ

༣༤༣. ཙི་ཏྟ་སཾ་ཡུ་ཏྟ་སྶ པ་ཋ་མེ མ་ཙྪི་ཀཱ་ས་ཎྜེཏི ཨེ་ཝཾ་ནཱ་མ་ཀེ ཝ་ན་ས་ཎྜེ. ཨ་ཡ་མ་ནྟ་རཱ་ཀ་ཐཱ ཨུ་ད་པཱ་དཱིཏི པོ་རཱ་ཎ་ཀ་ཏྠེ་རཱ ཨ་ཏི་ར་ཙྪཱ་ན་ཀ་ཐཱ ཧོ་ནྟི, ནི་སི་ནྣ་ནི་སི་ནྣ་ཊྛཱ་ནེ པ་ཉྷཾ ས་མུ་ཊྛཱ་པེ་ཏྭཱ ཨ་ཛཱ་ན་ནྟཱ པུ་ཙྪ་ནྟི, ཛཱ་ན་ནྟཱ ཝི་སྶ་ཛྫེ་ནྟི, ཏེ་ན ནེ་སཾ ཨ་ཡཾ ཀ་ཐཱ ཨུ་ད་པཱ་དི. མི་ག་པ་ཐ་ཀནྟི ཨེ་ཝཾ་ནཱ་མ་ཀཾ ཨ་ཏྟ་ནོ བྷོ་ག་གཱ་མཾ. སོ ཀི་ར ཨ་མྦཱ་ཊ་ཀཱ་རཱ་མ་སྶ པི་ཊྛི་བྷཱ་གེ ཧོ་ཏི. ཏེ་ནུ་པ་ས་ངྐ་མཱིཏི ‘‘ཐེ་རཱ་ནཾ པ་ཉྷཾ ཝི་སྶ་ཛྫེ་ཏྭཱ ཕཱ་སུ་ཝི་ཧཱ་རཾ ཀ་ཏྭཱ ད་སྶཱ་མཱི’’ཏི ཙི་ནྟེ་ཏྭཱ ཨུ་པ་ས་ངྐ་མི. ག་མྦྷཱི་རེ བུ་དྡྷ་ཝ་ཙ་ནེཏི ཨ་ཏྠ་ག་མྦྷཱི་རེ ཙེ་ཝ དྷ་མྨ་ག་མྦྷཱི་རེ ཙ བུ་དྡྷ་ཝ་ཙ་ནེ. པ་ཉྙཱ་ཙ་ཀྑུ ཀ་མ་ཏཱིཏི ཉཱ་ཎ་ཙ་ཀྑུ ཝ་ཧ་ཏི པ་ཝ་ཏྟ་ཏི.