༢. པ་ཋ་མ་ཨི་སི་ད་ཏྟ་སུ་ཏྟ་ཝ་ཎྞ་ནཱ

༣༤༤. དུ་ཏི་ཡེ ཨཱ་ཡ་སྨ་ནྟཾ ཐེ་རནྟི ཏེ་སུ ཐེ་རེ་སུ ཛེ་ཊྛ་ཀཾ མ་ཧཱ་ཐེ་རཾ. ཏུ་ཎྷཱི ཨ་ཧོ་སཱིཏི ཛཱ་ན་ནྟོ་པི ཨ་ཝི་སཱ་ར་ད་ཏྟཱ ན ཀི་ཉྩི བྱཱ་ཧ་རི. བྱཱ་ཀ་རོ་མ་ཧཾ བྷ་ནྟེཏི ‘‘ཨ་ཡཾ ཐེ་རོ ནེ་ཝ ཨ་ཏྟ་ནཱ བྱཱ་ཀ་རོ་ཏི, ན ཨ་ཉྙེ ཨ་ཛ྄ཛྷེ་ས་ཏི, ཨུ་པཱ་ས་ཀོ་པི བྷི་ཀྑུ་ས་ངྒྷཾ ཝི་ཧེ་སེ་ཏི, ཨ་ཧ་མེ་ཏཾ བྱཱ་ཀ་རི་ཏྭཱ ཕཱ་སུ་ཝི་ཧཱ་རཾ ཀ་ཏྭཱ ད་སྶཱ་མཱི’’ཏི ཙི་ནྟེ་ཏྭཱ ཨཱ་ས་ན་ཏོ ཝུ་ཊྛཱ་ཡ ཐེ་ར་སྶ ས་ནྟི་ཀཾ ག་ནྟྭཱ ཨེ་ཝཾ ཨོ་ཀཱ་ས་མ་ཀཱ་སི, ཀ་ཏཱ་ཝ་ཀཱ་སོ པ་ན ཨ་ཏྟ་ནོ ཨཱ་ས་ནེ ནི་སཱི་དི་ཏྭཱ བྱཱ་ཀཱ་སི.

ས་ཧ་ཏྠཱཏི ས་ཧ་ཏྠེ་ན. ས་ནྟ་པྤེ་སཱིཏི ཡཱ་ཝ་དི་ཙྪ་ཀཾ དེ་ནྟོ སུ་ཊྛུ ཏ་པྤེ་སི. ས་མྤ་ཝཱ་རེ་སཱིཏི ‘‘ཨ་ལཾ ཨ་ལ’’ནྟི ཧ་ཏྠ་ས་ཉྙཱ་ཡ ཙེ་ཝ ཝཱ་ཙཱ་ཡ ཙ པ་ཊི་ཀྑི་པཱ་པེ་སི. ཨོ་ནཱི་ཏ་པ་ཏྟ་པཱ་ཎི་ནོཏི པཱ་ཎི་ཏོ ཨ་པ་ནཱི་ཏ་པ་ཏྟཱ དྷོ་ཝི་ཏྭཱ ཐ་ཝི་ཀཱ་ཡ ཨོ་སཱ་པེ་ཏྭཱ ཨཾ་སེ ལ་གྒི་ཏ་པ་ཏྟཱ་ཏི ཨ་ཏྠོ.