༩. པ་ཋ་མ་ས་མུ་གྒྷཱ་ཏ་ས་པྤཱ་ཡ་སུ་ཏྟ་ཝ་ཎྞ་ནཱ

༣༡. ན་ཝ་མེ ས་མུ་གྒྷཱ་ཏ་ས་པྤཱ་ཡཱཏི ས་མུ་གྒྷཱ་ཏ་སྶ ཨུ་པ་ཀཱ་ར་བྷཱུ་ཏཱ. ཏ་ཏོ ཏཾ ཧོ་ཏི ཨ་ཉྙ་ཐཱཏི ཏ་ཏོ ཏཾ ཨ་ཉྙེ་ནཱ་ཀཱ་རེ་ན ཧོ་ཏི. ཨ་ཉྙ་ཐཱ་བྷཱ་ཝཱི བྷ་ཝ་ས་ཏྟོ ལོ་ཀོ བྷ་ཝ་མེ་ཝཱ་བྷི་ན་ནྡ་ཏཱིཏི ཨ་ཉྙ་ཐཱ་བྷཱ་ཝཾ ཝི་པ་རི་ཎཱ་མཾ ཨུ་པ་ག་མ་ནེ་ན ཨ་ཉྙ་ཐཱ་བྷཱ་ཝཱི ཧུ་ཏྭཱ་པི བྷ་ཝེ་སུ ས་ཏྟོ ལ་གྒོ ལ་གི་ཏོ པ་ལི་བུ་དྡྷོ ཨ་ཡཾ ལོ་ཀོ བྷ་ཝཾ་ཡེ་ཝ ཨ་བྷི་ན་ནྡ་ཏི. ཡཱ་ཝ་ཏཱ, བྷི་ཀྑ་ཝེ, ཁ་ནྡྷ་དྷཱ་ཏུ་ཨཱ་ཡ་ཏ་ནནྟི, བྷི་ཀྑ་ཝེ, ཡ་ཏྟ་ཀཾ ཨི་དཾ ཁ་ནྡྷཱ ཙ དྷཱ་ཏུ་ཡོ ཙ ཨཱ་ཡ་ཏ་ནཱ་ནི ཙཱ་ཏི ཁ་ནྡྷ་དྷཱ་ཏུ་ཨཱ་ཡ་ཏ་ནཾ. ཏ་མྤི ན མ་ཉྙ་ཏཱིཏི ས་བྦ་མྤི ན མ་ཉྙ་ཏཱི་ཏི ཧེ་ཊྛཱ ག་ཧི་ཏ་མེ་ཝ སཾ་ཀ་ཌྜྷི་ཏྭཱ པུ་ན ད་སྶེ་ཏི. ཨི་མ་སྨིཾ སུ་ཏྟེ ཨ་ཊྛ་ཙ་ཏྟཱ་ལཱི་སཱ་ཡ ཋཱ་ནེ་སུ ཨ་ར་ཧ་ཏྟཾ པཱ་པེ་ཏྭཱ ཝི་པ་སྶ་ནཱ ཀ་ཐི་ཏཱ.