༡-༤. པ་ཋ་མ་པུ་བྦེ་ས་མྦོ་དྷ་སུ་ཏྟཱ་དི་ཝ་ཎྞ་ནཱ

༡༣-༡༦. ཡ་མ་ཀ་ཝ་གྒ་སྶ པ་ཋ་མ་དུ་ཏི་ཡེ་སུ ཨ་ཛ྄ཛྷ་ཏྟི་ཀཱ་ནནྟི ཨ་ཛ྄ཛྷ་ཏྟ་ཛ྄ཛྷ་ཏྟ་ཝ་སེ་ན ཨ་ཛ྄ཛྷ་ཏྟི་ཀཱ་ནཾ. སོ པ་ན ནེ་སཾ ཨ་ཛ྄ཛྷ་ཏྟི་ཀ་བྷཱ་ཝོ ཚ་ནྡ་རཱ་ག་སྶ ཨ་དྷི་མ་ཏྟ་བ་ལ་ཝ་ཏཱ་ཡ ཝེ་དི་ཏ་བྦོ. མ་ནུ་སྶཱ་ན་ཉྷི ཨ་ནྟོ་གྷ་རཾ ཝི་ཡ ཚ ཨ་ཛ྄ཛྷ་ཏྟི་ཀཱ་ཡ་ཏ་ནཱ་ནི, གྷ་རཱུ་པ་ཙཱ་རཾ ཝི་ཡ ཚ བཱ་ཧི་རཱ་ཡ་ཏ་ནཱ་ནི. ཡ་ཐཱ ནེ་སཾ པུ་ཏྟ་དཱ་ར་དྷ་ན་དྷ་ཉྙ་པུ་ཎྞེ ཨ་ནྟོ་གྷ་རེ ཚ་ནྡ་རཱ་གོ ཨ་དྷི་མ་ཏྟ་བ་ལ་ཝཱ ཧོ་ཏི, ཏ་ཏྠ ཀ་སྶ་ཙི པ་ཝི་སི་ཏུཾ ན དེ་ནྟི, ཨ་པྤ་མ་ཏྟེ་ན བྷཱ་ཛ་ན་ས་དྡ་མ་ཏྟེ་ནཱ་པི ‘‘ཀིཾ ཨེ་ཏ’’ནྟི? ཝ་ཏྟཱ་རོ བྷ་ཝ་ནྟི. ཨེ་ཝ་མེ་ཝཾ ཚ་སུ ཨ་ཛ྄ཛྷ་ཏྟི་ཀེ་སུ ཨཱ་ཡ་ཏ་ནེ་སུ ཨ་དྷི་མ་ཏྟ་བ་ལ་ཝ་ཚ་ནྡ་རཱ་གོ་ཏི. ཨི་ཏི ཨི་མཱ་ཡ ཚ་ནྡ་རཱ་ག་བ་ལ་ཝ་ཏཱ་ཡ ཏཱ་ནི ‘‘ཨ་ཛ྄ཛྷ་ཏྟི་ཀཱ་ནཱི’’ཏི ཝུ་ཏྟཱ་ནི. གྷ་རཱུ་པ་ཙཱ་རེ པ་ན ནོ ཏ་ཐཱ བ་ལ་ཝཱ ཧོ་ཏི, ཏ་ཏྠ ཙ་ར་ནྟེ མ་ནུ་སྶེ་པི ཙ་ཏུ་པྤ་དཱ་ནི་པི ན ས་ཧ་སཱ ནི་ཝཱ་རེ་ནྟི. ཀི་ཉྩཱ་པི ན ནི་ཝཱ་རེ་ནྟི, ཨ་ནི་ཙྪ་ནྟཱ པ་ན པ་སུ་པ་ཙྪི་མ་ཏྟ་མྤི ག་ཧི་ཏུཾ ན དེ་ནྟི. ཨི་ཏི ནེ་སཾ ཏ་ཏྠ ན ཨ་དྷི་མ་ཏྟ་བ་ལ་ཝ་ཚ་ནྡ་རཱ་གོ ཧོ་ཏི. རཱུ་པཱ་དཱི་སུ་པི ཏ་ཐེ་ཝ ན ཨ་དྷི་མ་ཏྟ་བ་ལ་ཝ་ཚ་ནྡ་རཱ་གོ, ཏ་སྨཱ ཏཱ་ནི ‘‘བཱ་ཧི་རཱ་ནཱི’’ཏི ཝུ་ཏྟཱ་ནི. ཝི་ཏྠཱ་ར་ཏོ པ་ན ཨ་ཛ྄ཛྷ་ཏྟི་ཀ་བཱ་ཧི་ར་ཀ་ཐཱ ཝི་སུ་དྡྷི་མ་གྒེ ཝུ་ཏྟཱ་ཝ. སེ་སཾ དྭཱི་སུ་པི སུ་ཏྟེ་སུ ཧེ་ཊྛཱ ཝུ་ཏྟ་ན་ཡ་མེ་ཝ. ཏ་ཐཱ ཏ་ཏི་ཡ་ཙ་ཏུ་ཏྠེ་སུ.