༣. པ་ཋ་མ་རཱུ་པཱ་རཱ་མ་སུ་ཏྟ་ཝ་ཎྞ་ནཱ

༡༣༦. ཏ་ཏི་ཡེ རཱུ་པ་ས་མྨུ་དི་ཏཱཏི རཱུ་པེ ས་མྨུ་དི་ཏཱ པ་མོ་དི་ཏཱ. དུ་ཀྑཱཏི དུ་ཀྑི་ཏཱ. སུ་ཁོཏི ནི་བྦཱ་ན་སུ་ཁེ་ན སུ་ཁི་ཏོ. ཀེ་ཝ་ལཱཏི ས་ཀ་ལཱ. ཡཱ་ཝ་ཏ་ཏྠཱི་ཏི ཝུ་ཙྩ་ཏཱིཏི ཡ་ཏྟ་ཀཱ ཨ་ཏྠཱི་ཏི ཝུ་ཙྩ་ཏི. ཨེ་ཏེ ཝོཏི ཨེ་ཏྠ ཝོ-ཀཱ་རོ ནི་པཱ་ཏ་མ་ཏྟཾ. པ་ཙྩ་ནཱི་ཀ་མི་དཾ ཧོ་ཏི, ས་བྦ་ལོ་ཀེ་ན པ་སྶ་ཏནྟི ཡཾ ཨི་དཾ པ་སྶ་ནྟཱ་ནཾ པ་ཎྜི་ཏཱ་ནཾ ད་སྶ་ནཾ, ཏཾ ས་བྦ་ལོ་ཀེ་ན པ་ཙྩ་ནཱི་ཀཾ ཧོ་ཏི ཝི་རུ་དྡྷཾ. ལོ་ཀོ ཧི པ་ཉྩ་ཀྑ་ནྡྷེ ནི་ཙྩཱ སུ་ཁཱ ཨ་ཏྟཱ སུ་བྷཱ་ཏི མ་ཉྙ་ཏི, པ་ཎྜི་ཏཱ ཨ་ནི་ཙྩཱ དུ་ཀྑཱ ཨ་ན་ཏྟཱ ཨ་སུ་བྷཱ་ཏི. སུ་ཁ་ཏོ ཨཱ་ཧཱུཏི སུ་ཁ་ནྟི ཀ་ཐེ་ནྟི. སུ་ཁ་ཏོ ཝི་དཱུཏི སུ་ཁ་ནྟི ཛཱ་ན་ནྟི. ས་བྦ་མེ་ཏཾ ནི་བྦཱ་ན་མེ་ཝ ས་ནྡྷཱ་ཡ ཝུ་ཏྟཾ.

ས་མྨཱུ་ལ༹ྷེ་ཏྠཱཏི ཨེ་ཏྠ ནི་བྦཱ་ནེ ས་མྨཱུ་ལ༹ྷཱ. ཨ་ཝི་དྡ་སཱུཏི བཱ་ལཱ. ས་བྦེ་པི ཧི ཚ་ནྣ་ཝུ་ཏི་པཱ་ས་ཎྜི་ནོ ‘‘ནི་བྦཱ་ནཾ པཱ་པུ་ཎི་སྶཱ་མཱ’’ཏི ས་ཉྙི་ནོ ཧོ་ནྟི, ཏེ པ་ན ‘‘ནི་བྦཱ་ནཾ ནཱ་མ ཨི་ད’’ནྟི་པི ན ཛཱ་ན་ནྟི. ནི་ཝུ་ཏཱ་ནནྟི ཀི་ལེ་ས་ནཱི་ཝ་ར་ཎེ་ན ནི་ཝུ་ཏཱ་ནཾ པ་རི་ཡོ་ན་དྡྷཱ་ནཾ. ཨ་ནྡྷ་ཀཱ་རོ ཨ་པ་སྶ་ཏནྟི ཨ་པ་སྶ་ནྟཱ་ནཾ ཨ་ནྡྷ་ཀཱ་རོ ཧོ་ཏི. ཀིཾ ཏཾ ཨེ་ཝཾ ཧོ་ཏི? ནི་བྦཱ་ནཾ ཝཱ ནི་བྦཱ་ན་ད་སྶ་ནཾ ཝཱ ཨ་པ་སྶ་ནྟཱ་ན་ཉྷི བཱ་ལཱ་ནཾ ནི་བྦཱ་ན་མྤི ནི་བྦཱ་ན་ད་སྶ་ན་མྤི ཀཱ་ལ༹་མེ་གྷ་ཨ་ཝ་ཙྪཱ་དི་ཏཾ ཝི་ཡ ཙ་ནྡ་མ་ཎྜ་ལཾ ཀ་ཊཱ་ཧེ་ན པ་ཊི་ཀུ་ཛྫི་ཏ་པ་ཏྟོ ཝི་ཡ ཙ ནི་ཙྩ་ཀཱ་ལཾ ཏ་མོ ཙེ་ཝ ཨ་ནྡྷ་ཀཱ་རོ ཙ ས་མྤ་ཛྫ་ཏི.

ས་ཏ་ཉྩ ཝི་ཝ་ཊཾ ཧོ་ཏི, ཨཱ་ལོ་ཀོ པ་སྶ་ཏཱ་མི་ཝཱཏི ས་ཏ་ཉྩ ས་པྤུ་རི་སཱ་ནཾ པ་ཉྙཱ་ད་སྶ་ནེ་ན པ་སྶ་ནྟཱ་ནཾ ནི་བྦཱ་ནཾ ཨཱ་ལོ་ཀོ ཝི་ཡ ཝི་ཝ་ཊཾ ཧོ་ཏི. ས་ནྟི་ཀེ ན ཝི་ཛཱ་ན་ནྟི, མ་གཱ དྷ་མྨ་སྶ ཨ་ཀོ་ཝི་དཱཏི ཡཾ ཨ་ཏྟ་ནོ ས་རཱི་རེ ཀེ་སེ ཝཱ ལོ་མཱ་དཱི་སུ ཝཱ ཨ་ཉྙ་ཏ་ར་ཀོ་ཊྛཱ་སཾ པ་རི་ཙྪི་ནྡི་ཏྭཱ ཨ་ན་ནྟ་ར་མེ་ཝ ཨ་དྷི་ག་ནྟ་བྦ་ཏོ ཨ་ཏྟ་ནོ ཝཱ ཁ་ནྡྷཱ་ནཾ ནི་རོ་དྷ་མ་གྒ་ཏོ ས་ནྟི་ཀེ ནི་བྦཱ་ནཾ. ཏཾ ཨེ་ཝཾ ས་ནྟི་ཀེ ས་མཱ་ན་མྤི མ་གྒ་བྷཱུ་ཏཱ ཛ་ནཱ མ་གྒཱ་མ་གྒ་དྷ་མྨ་སྶ ཙ་ཏུ་ས་ཙྩ་དྷ་མྨ་སྶ ཝཱ ཨ་ཀོ་ཝི་དཱ ན ཛཱ་ན་ནྟི.

མཱ་ར་དྷེ་ཡྻཱ་ནུ་པ་ནྣེ་ཧཱིཏི ཏེ་བྷཱུ་མ་ཀ་ཝ་ཊྚཾ མཱ་ར་སྶ ནི་ཝཱ་ས་ཊྛཱ་ནཾ ཨ་ནུ་པ་ནྣེ་ཧི. ཀོ ནུ ཨ་ཉྙ་ཏྲ ཨ་རི་ཡེ་བྷཱིཏི ཋ་པེ་ཏྭཱ ཨ་རི་ཡེ ཀོ ནུ ཨ་ཉྙོ ནི་བྦཱ་ན་པ་དཾ ཛཱ་ནི་ཏུཾ ཨ་ར་ཧ་ཏི. ས་མྨ་ད་ཉྙཱ་ཡ པ་རི་ནི་བྦ་ནྟཱིཏི ཨ་ར་ཧ་ཏྟ་པ་ཉྙཱ་ཡ ས་མྨཱ ཛཱ་ནི་ཏྭཱ ཨ་ན་ནྟ་ར་མེ་ཝ ཨ་ནཱ་ས་ཝཱ ཧུ་ཏྭཱ ཀི་ལེ་ས་པ་རི་ནི་བྦཱ་ནེ་ན པ་རི་ནི་བྦ་ནྟི. ཨ་ཐ ཝཱ ས་མྨ་ད་ཉྙཱ་ཡ ཨ་ནཱ་ས་ཝཱ ཧུ་ཏྭཱ ཨ་ནྟེ ཁ་ནྡྷ་པ་རི་ནི་བྦཱ་ནེ་ན པ་རི་ནི་བྦཱ་ཡ་ནྟི.