༦. ཨ་སྶ་ཛི་སུ་ཏྟ་ཝ་ཎྞ་ནཱ

༨༨. ཚ་ཊྛེ ཀ་སྶ་པ་ཀཱ་རཱ་མེཏི ཀ་སྶ་པ་སེ་ཊྛི་ནཱ ཀཱ་རི་ཏེ ཨཱ་རཱ་མེ. ཀཱ་ཡ་ས་ངྑཱ་རེཏི ཨ་སྶཱ་ས་པ་སྶཱ་སེ. སོ ཧི ཏེ ཙ་ཏུ་ཏྠ་ཛ྄ཛྷཱ་ནེ་ན པ་སྶ་མྦྷི་ཏྭཱ པ་སྶ་མྦྷི་ཏྭཱ ཝི་ཧཱ་སི. ཨེ་ཝཾ ཧོ་ཏཱིཏི ཨི་དཱ་ནི ཏཾ ས་མཱ་དྷིཾ ཨ་པྤ་ཊི་ལ་བྷ་ནྟ་སྶ ཨེ་ཝཾ ཧོ་ཏི. ནོ ཙ་སྶཱ་ཧཾ པ་རི་ཧཱ་ཡཱ་མཱིཏི ཀ་ཙྩི ནུ ཁོ ཨ་ཧཾ སཱ་ས་ན་ཏོ ན པ་རི་ཧཱ་ཡཱ་མི? ཏ་སྶ ཀི་ར ཨཱ་བཱ་དྷ་དོ་སེ་ན ཨ་པྤི་ཏ་པྤི་ཏཱ ས་མཱ་པ་ཏྟི པ་རི་ཧཱ་ཡི, ཏ་སྨཱ ཨེ་ཝཾ ཙི་ནྟེ་སི. ས་མཱ་དྷི་སཱ་ར་ཀཱ ས་མཱ་དྷི་སཱ་མ་ཉྙཱཏི ས་མཱ་དྷིཾ་ཡེ་ཝ སཱ་ར་ཉྩ སཱ་མ་ཉྙ་ཉྩ མ་ཉྙ་ནྟི. མ་ཡ྄ཧཾ པ་ན སཱ་ས་ནེ ན ཨེ་ཏཾ སཱ་རཾ, ཝི་པ་སྶ་ནཱ་མ་གྒ་ཕ་ལཱ་ནི སཱ་རཾ. སོ ཏྭཾ ས་མཱ་དྷི་ཏོ པ་རི་ཧཱ་ཡ་ནྟོ ཀ་སྨཱ ཙི་ནྟེ་སི ‘‘སཱ་ས་ན་ཏོ པ་རི་ཧཱ་ཡཱ་མཱི’’ཏི. ཨེ་ཝཾ ཐེ་རཾ ཨ་སྶཱ་སེ་ཏྭཱ ཨི་དཱ་ནི་སྶ ཏི་པ་རི་ཝ་ཊྚཾ དྷ་མྨ་དེ་ས་ནཾ ཨཱ་ར་བྷ་ནྟོ ཏཾ ཀིཾ མ་ཉྙ་སཱིཏི་ཨཱ་དི་མཱ་ཧ. ཨ་ཐ་སྶ ཏི་པ་རི་ཝ་ཊྚ་དེ་ས་ནཱ་ཝ་སཱ་ནེ ཨ་ར་ཧ་ཏྟཾ པ་ཏྟ་སྶ ས་ཏ་ཏ་ཝི་ཧཱ་རཾ ད་སྶེ་ནྟོ སོ སུ་ཁཾ ཙེ ཝེ་ད་ནཾ ཝེ་ད་ཡ་ཏཱིཏི་ཨཱ་དི་མཱ་ཧ. ཏ་ཏྠ ཨ་ན་བྷི་ན་ནྡི་ཏཱ་ཏི པ་ཛཱ་ནཱ་ཏཱིཏི སུ་ཁ་ཝེ་ད་ནཱ་ཡ ཏཱ་ཝ ཨ་བྷི་ན་ནྡ་ནཱ ཧོ་ཏུ, དུ་ཀྑ་ཝེ་ད་ནཱ་ཡ ཀ་ཐཾ ཧོ་ཏཱི་ཏི? དུ་ཀྑཾ པ་ཏྭཱ སུ་ཁཾ པ་ཏྠེ་ཏི, ཡ་ད་གྒེ་ན སུ་ཁཾ པ་ཏྠེ་ཏི, ཏ་ད་གྒེ་ན དུ་ཀྑཾ པ་ཏྠེ་ཏི་ཡེ་ཝ. སུ་ཁ་ཝི་པ་རི་ཎཱ་མེ་ན ཧི དུ་ཀྑཾ ཨཱ་ག་ཏ་མེ་ཝ ཧོ་ཏཱི་ཏི ཨེ་ཝཾ དུ་ཀྑེ ཨ་བྷི་ན་ནྡ་ནཱ ཝེ་དི་ཏ་བྦཱ. སེ་སཾ པུ་བྦེ ཝུ་ཏྟ་ན་ཡ་མེ་ཝཱ་ཏི. ཚ་ཊྛཾ.