༡. ཨཱ་ན་ནྡ་སུ་ཏྟ་ཝ་ཎྞ་ནཱ

༨༣. ཐེ་ར་ཝ་གྒ་སྶ པ་ཋ་མེ མ་ནྟཱ་ཎི་པུ་ཏྟོཏི, མ་ནྟཱ་ཎི་ཡཱ ནཱ་མ བྲཱ་ཧྨ་ཎི་ཡཱ པུ་ཏྟོ. ཨུ་པཱ་དཱ་ཡཱཏི ཨཱ་ག་མྨ ཨཱ་ར་བྦྷ ས་ནྡྷཱ་ཡ པ་ཊི་ཙྩ. ཨ་སྨཱི་ཏི ཧོ་ཏཱིཏི ཨ་སྨཱི་ཏི ཨེ་ཝཾ པ་ཝ་ཏྟཾ ཏ་ཎྷཱ་མཱ་ན་དི་ཊྛི་པ་པ་ཉྩ་ཏྟ་ཡཾ ཧོ་ཏི. ད་ཧ་རོཏི ཏ་རུ་ཎོ. ཡུ་ཝཱཏི ཡོ་བྦ་ནེ་ན ས་མ་ནྣཱ་ག་ཏོ. མ་ཎྜ་ན་ཀ་ཛཱ་ཏི་ཀོཏི མ་ཎྜ་ན་ཀ་ས་བྷཱ་ཝོ མ་ཎྜ་ན་ཀ་སཱི་ལོ. མུ་ཁ་ནི་མི་ཏྟནྟི མུ་ཁ་པ་ཊི་བི་མྦཾ. ཏ་ཉྷི པ་རི་སུ་དྡྷཾ ཨཱ་དཱ་ས་མ་ཎྜ་ལཾ པ་ཊི་ཙྩ པ་ཉྙཱ་ཡ་ཏི. ཀིཾ པ་ན ཏཾ ཨོ་ལོ་ཀ་ཡ་ཏོ ས་ཀ་མུ་ཁཾ པ་ཉྙཱ་ཡ་ཏི, པ་ར་མུ་ཁ་ནྟི? ཡ་དི ས་ཀཾ བྷ་ཝེ་ཡྻ, པ་ར་མྨུ་ཁཾ ཧུ་ཏྭཱ པ་ཉྙཱ་ཡེ་ཡྻ, ཨ་ཐ པ་ར་སྶ བྷ་ཝེ་ཡྻ, ཝ་ཎྞཱ་དཱི་ཧི ཨ་ས་དི་སཾ ཧུ་ཏྭཱ པ་ཉྙཱ་ཡེ་ཡྻ. ཏ་སྨཱ ན ཏཾ ཨ་ཏྟ་ནོ, ན པ་ར་སྶ, ཨཱ་དཱ་སཾ པ་ན ནི་སྶཱ་ཡ ནི་བྷཱ་ས་རཱུ་པཾ ནཱ་མ ཏཾ པ་ཉྙཱ་ཡ་ཏཱི་ཏི ཝ་ད་ནྟི. ཨ་ཐ ཡཾ ཨུ་ད་ཀེ པ་ཉྙཱ་ཡ་ཏི, ཏཾ ཀེ་ན ཀཱ་ར་ཎེ་ནཱ་ཏི? མ་ཧཱ་བྷཱུ་ཏཱ་ནཾ ཝི་སུ་དྡྷ་ཏཱ་ཡ. དྷ་མྨོ མེ ཨ་བྷི་ས་མི་ཏོཏི མ་ཡཱ ཉཱ་ཎེ་ན ཙ་ཏུ་ས་ཙྩ་དྷ་མྨོ ཨ་བྷི་ས་མཱ་ག་ཏོ, སོ་ཏཱ་པ་ནྣོ་སྨི ཛཱ་ཏོ་ཏི ཀ་ཐེ་སི. པ་ཋ་མཾ.