༢. པུ་པྥ་སུ་ཏྟ་ཝ་ཎྞ་ནཱ

༩༤. དུ་ཏི་ཡེ ཝི་ཝ་ད་ཏཱིཏི ‘‘ཨ་ནི་ཙྩཾ དུ་ཀྑཾ ཨ་ན་ཏྟཱ ཨ་སུ་བྷ’’ནྟི ཡ་ཐཱ་ས་བྷཱ་ཝེ་ན ཝ་ད་ནྟེ་ན ས་དྡྷིཾ ‘‘ནི་ཙྩཾ སུ་ཁཾ ཨ་ཏྟཱ སུ་བྷ’’ནྟི ཝ་ད་ནྟོ ཝི་ཝ་ད་ཏི. ལོ་ཀ་དྷ་མྨོཏི ཁ་ནྡྷ་པ་ཉྩ་ཀཾ. ཏ་ཉྷི ལུ་ཛྫ་ན་ས་བྷཱ་ཝ་ཏྟཱ ལོ་ཀ་དྷ་མྨོ་ཏི ཝུ་ཙྩ་ཏི. ཀི་ནྟི ཀ་རོ་མཱིཏི ཀ་ཐཾ ཀ་རོ་མི? མ་ཡ྄ཧ་ཉྷི པ་ཊི་པ་ཏྟི་ཀ་ཐ་ན་མེ་ཝ བྷཱ་རོ, པ་ཊི་པ་ཏྟི་པཱུ་ར་ཎཾ པ་ན ཀུ་ལ་པུ་ཏྟཱ་ནཾ བྷཱ་རོ་ཏི ད་སྶེ་ཏི. ཨི་མ་སྨིཾ སུ་ཏྟེ ཏ་ཡོ ལོ་ཀཱ ཀ་ཐི་ཏཱ. ‘‘ནཱ་ཧཾ, བྷི་ཀྑ་ཝེ, ལོ་ཀེ་ནཱ’’ཏི ཨེ་ཏྠ ཧི ས་ཏྟ་ལོ་ཀོ ཀ་ཐི་ཏོ, ‘‘ཨ་ཏྠི, བྷི་ཀྑ་ཝེ, ལོ་ཀེ ལོ་ཀ་དྷ་མྨོ’’ཏི ཨེ་ཏྠ ས་ངྑཱ་ར་ལོ་ཀོ, ‘‘ཏ་ཐཱ་ག་ཏོ ལོ་ཀེ ཛཱ་ཏོ ལོ་ཀེ སཾ་ཝ་ཌྜྷོ’’ཏི ཨེ་ཏྠ ཨོ་ཀཱ་ས་ལོ་ཀོ ཀ་ཐི་ཏོ. དུ་ཏི་ཡཾ.