༦. ཨོ་ཝཱ་ད་སུ་ཏྟ་ཝ་ཎྞ་ནཱ

༡༤༩. ཚ་ཊྛེ ཨ་ཧཾ ཝཱཏི ཀ་སྨཱ ཨཱ་ཧ? ཐེ་རཾ ཨ་ཏྟ་ནོ ཋཱ་ནེ ཋ་པ་ན་ཏྠཾ. ཀིཾ སཱ་རི་པུ་ཏྟ་མོ་གྒ་ལླཱ་ནཱ ན་ཏྠཱི་ཏི? ཨ་ཏྠི. ཨེ་ཝཾ པ་ན་སྶ ཨ་ཧོ་སི ‘‘ཨི་མེ ན ཙི་རཾ ཋ་སྶ་ནྟི, ཀ་སྶ་པོ པ་ན ཝཱི་ས་ཝ་སྶ་ས་ཏཱ་ཡུ་ཀོ, སོ མ་ཡི པ་རི་ནི་བྦུ་ཏེ ས་ཏྟ་པ་ཎྞི་གུ་ཧཱ་ཡཾ ནི་སཱི་དི་ཏྭཱ དྷ་མྨ་ཝི་ན་ཡ་ས་ངྒ་ཧཾ ཀ་ཏྭཱ མ་མ སཱ་ས་ནཾ པ་ཉྩ་ཝ་སྶ་ས་ཧ་སྶ་པ་རི་མཱ་ཎ་ཀཱ་ལ་པ་ཝ་ཏྟ་ན་ཀཾ ཀ་རི་སྶ་ཏི, ཨ་ཏྟ་ནོ ཏཾ ཋཱ་ནེ ཋ་པེ་མི, ཨེ་ཝཾ བྷི་ཀྑཱུ ཀ་སྶ་པ་སྶ སུ་སྶཱུ་སི་ཏ་བྦཾ མ་ཉྙི་སྶ་ནྟཱི’’ཏི. ཏ་སྨཱ ཨེ་ཝ་མཱ་ཧ. དུ་བྦ་ཙཱཏི དུ་ཀྑེ་ན ཝ་ཏྟ་བྦཱ. དོ་ཝ་ཙ་སྶ་ཀ་ར་ཎེ་ཧཱིཏི དུ་བྦ་ཙ་བྷཱ་ཝ་ཀ་ར་ཎེ་ཧི. ཨ་པྤ་ད་ཀྑི་ཎ་གྒཱ་ཧི་ནོཏི ཨ་ནུ་སཱ་ས་ནིཾ སུ་ཏྭཱ པ་ད་ཀྑི་ཎཾ ན ག་ཎྷ་ནྟི ཡ་ཐཱ་ནུ་སི་ཊྛཾ ན པ་ཊི་པ་ཛྫ་ནྟི, ཨ་པྤ་ཊི་པ་ཛྫ་ནྟཱ ཝཱ་མ་གཱ་ཧི་ནོ ནཱ་མ ཛཱ་ཏཱ་ཏི ད་སྶེ་ཏི. ཨ་ཙྩཱ་ཝ་ད་ནྟེཏི ཨ་ཏི་ཀྐ་མྨ ཝ་ད་ནྟེ, སུ་ཏ་པ་རི་ཡ་ཏྟིཾ ནི་སྶཱ་ཡ ཨ་ཏི་ཝི་ཡ ཝཱ་དཾ ཀ་རོ་ནྟེ་ཏི ཨ་ཏྠོ. ཀོ བ་ཧུ་ཏ་རཾ བྷཱ་སི་སྶ་ཏཱིཏི དྷ་མྨཾ ཀ་ཐེ་ནྟོ ཀོ བ་ཧུཾ བྷཱ་སི་སྶ་ཏི, ཀིཾ ཏྭཾ, ཨུ་དཱ་ཧུ ཨ་ཧ་ནྟི? ཀོ སུ་ནྡ་ར་ཏ་རནྟི, ཨེ་ཀོ བ་ཧུཾ བྷཱ་ས་ནྟོ ཨ་ས་ཧི་ཏཾ ཨ་མ་དྷུ་རཾ བྷཱ་ས་ཏི, ཨེ་ཀོ ས་ཧི་ཏཾ མ་དྷུ་རཾ, ཏཾ ས་ནྡྷཱ་ཡཱ་ཧ ‘‘ཀོ སུ་ནྡ་ར་ཏ་ར’’ནྟི? ཨེ་ཀོ པ་ན བ་ཧུ་ཉྩ སུ་ནྡ་ར་ཉྩ ཀ་ཐེ་ནྟོ ཙི་རཾ ན བྷཱ་ས་ཏི, ལ་ཧུ་ཉྙེ་ཝ ཨུ་ཊྛཱ་ཏི, ཨེ་ཀོ ཨ་དྡྷཱ་ནཾ པཱ་པེ་ཏི, ཏཾ ས་ནྡྷཱ་ཡཱ་ཧ ‘‘ཀོ ཙི་ར་ཏ་ར’’ནྟི? ཚ་ཊྛཾ.