༩. ཨུ་པ་ཡ་ནྟི་སུ་ཏྟ་ཝ་ཎྞ་ནཱ

༦༩. ན་ཝ་མེ ཨུ་པ་ཡ་ནྟོཏི ཨུ་ད་ཀ་ཝ་ཌྜྷ་ན་ས་མ་ཡེ ཨུ་པ་རི ག་ཙྪ་ནྟོ. མ་ཧཱ་ན་དི་ཡོཏི ག་ངྒཱ་ཡ་མུ་ནཱ་དི་ཀཱ མ་ཧཱ་ས་རི་ཏཱ་ཡོ. ཨུ་པ་ཡཱ་པེ་ཏཱིཏི ཨུ་པ་རི ཡཱ་པེ་ཏི, ཝ་ཌྜྷེ་ཏི པཱུ་རེ་ཏཱི་ཏི ཨ་ཏྠོ. ཨ་ཝི་ཛྫཱ ཨུ་པ་ཡ་ནྟཱིཏི ཨ་ཝི་ཛྫཱ ཨུ་པ་རི ག་ཙྪ་ནྟཱི ས་ངྑཱ་རཱ་ནཾ པ་ཙྩ་ཡོ བྷ་ཝི་ཏུཾ ས་ཀྐུ་ཎ་ནྟཱི. ས་ངྑཱ་རེ ཨུ་པ་ཡཱ་པེ་ཏཱིཏི ས་ངྑཱ་རེ ཨུ་པ་རི ཡཱ་པེ་ཏི ཝ་ཌྜྷེ་ཏི. ཨེ་ཝཾ ས་བྦ་པ་དེ་སུ ཨ་ཏྠོ ཝེ་དི་ཏ་བྦོ. ཨ་པ་ཡ་ནྟོཏི ཨ་པ་ག་ཙྪ་ནྟོ ཨོ་ས་ར་ནྟོ. ཨ་ཝི་ཛྫཱ ཨ་པ་ཡ་ནྟཱིཏི ཨ་ཝི་ཛྫཱ ཨ་པ་ག་ཙྪ་མཱ་ནཱ ཨོ་ས་ར་མཱ་ནཱ ཨུ་པ་རི ས་ངྑཱ་རཱ་ནཾ པ་ཙྩ་ཡོ བྷ་ཝི་ཏུཾ ན ས་ཀྐུ་ཎ་ནྟཱི་ཏི ཨ་ཏྠོ. ས་ངྑཱ་རེ ཨ་པ་ཡཱ་པེ་ཏཱིཏི ས་ངྑཱ་རེ ཨ་པ་ག་ཙྪཱ་པེ་ཏི. ཨེ་ས ན་ཡོ ས་བྦ་པ་དེ་སུ. ན་ཝ་མཾ.