༧. ན་ཏུ་མྷ་སུ་ཏྟ་ཝ་ཎྞ་ནཱ

༣༧. ས་ཏྟ་མེ ན ཏུ་མྷཱ་ཀནྟི ཨ་ཏྟ་ནི ཧི ས་ཏི ཨ་ཏྟ་ནི་ཡཾ ནཱ་མ ཧོ་ཏི. ཨ་ཏྟཱ་ཡེ་ཝ ཙ ན་ཏྠི, ཏ་སྨཱ ‘‘ན ཏུ་མྷཱ་ཀ’’ནྟི ཨཱ་ཧ. ན་པི ཨ་ཉྙེ་སནྟི ཨ་ཉྙོ ནཱ་མ པ་རེ་སཾ ཨ་ཏྟཱ, ཏ་སྨིཾ ས་ཏི ཨ་ཉྙེ་སཾ ནཱ་མ སི་ཡཱ, སོ་པི ན་ཏྠི, ཏ་སྨཱ ‘‘ན་པི ཨ་ཉྙེ་ས’’ནྟི ཨཱ་ཧ. པུ་རཱ་ཎ་མི་དཾ, བྷི་ཀྑ་ཝེ, ཀ་མྨནྟི ན་ཡི་དཾ པུ་རཱ་ཎ་ཀ་མྨ་མེ་ཝ, པུ་རཱ་ཎ་ཀ་མྨ་ནི་བྦ་ཏྟོ པ་ནེ་ས ཀཱ་ཡོ, ཏ་སྨཱ པ་ཙྩ་ཡ་ཝོ་ཧཱ་རེ་ན ཨེ་ཝཾ ཝུ་ཏྟོ. ཨ་བྷི་ས་ངྑ་ཏནྟི་ཨཱ་དི ཀ་མྨ་ཝོ་ཧཱ་ར་སྶེ་ཝ ཝ་སེ་ན པུ་རི་མ་ལི་ངྒ་ས་བྷཱ་ག་ཏཱ་ཡ ཝུ་ཏྟཾ, ཨ་ཡཾ པ་ནེ་ཏྠ ཨ་ཏྠོ – ཨ་བྷི་ས་ངྑ་ཏནྟི པ་ཙྩ་ཡེ་ཧི ཀ་ཏོ་ཏི ད་ཊྛ་བྦོ. ཨ་བྷི་ས་ཉྩེ་ཏ་ཡི་ཏནྟི ཙེ་ཏ་ནཱ་ཝ་ཏྠུ་ཀོ ཙེ་ཏ་ནཱ་མཱུ་ལ་ཀོ་ཏི ད་ཊྛ་བྦོ. ཝེ་ད་ནི་ཡནྟི ཝེ་ད་ནི་ཡ་ཝ་ཏྠཱུ་ཏི ད་ཊྛ་བྦོ. ས་ཏྟ་མཾ.