༤. དུ་ཏི་ཡ་ཉཱ་ཎ་ཝ་ཏྠུ་སུ་ཏྟ་ཝ་ཎྞ་ནཱ

༣༤. ཙ་ཏུ་ཏྠེ ས་ཏྟ་ས་ཏྟ་རཱིཏི ས་ཏྟ ཙ ས་ཏྟ་རི ཙ. བྱ་ཉྫ་ན་བྷཱ་ཎ་ཀཱ ཀི་ར ཏེ བྷི་ཀྑཱུ, བ་ཧུ་བྱ་ཉྫ་ནཾ ཀ་ཏྭཱ ཝུ་ཙྩ་མཱ་ནེ པ་ཊི་ཝི་ཛ྄ཛྷི་ཏུཾ ས་ཀྐོ་ནྟི, ཏ་སྨཱ ཏེ་སཾ ཨ་ཛ྄ཛྷཱ་ས་ཡེ་ན ཨི་དཾ སུ་ཏྟཾ ཝུ་ཏྟཾ. དྷ་མྨ་ཊྛི་ཏི་ཉཱ་ཎནྟི པ་ཙྩ་ཡཱ་ཀཱ་རེ ཉཱ་ཎཾ. པ་ཙྩ་ཡཱ་ཀཱ་རོ ཧི དྷ་མྨཱ་ནཾ པ་ཝ་ཏྟི་ཊྛི་ཏི་ཀཱ་ར་ཎ་ཏྟཱ དྷ་མྨ་ཊྛི་ཏཱི་ཏི ཝུ་ཙྩ་ཏི, ཨེ་ཏྠ ཉཱ་ཎཾ དྷ་མྨ་ཊྛི་ཏི་ཉཱ་ཎཾ, ཨེ་ཏ་སྶེ་ཝ ཚ་བྦི་དྷ་སྶ ཉཱ་ཎ་སྶེ་ཏཾ ཨ་དྷི་ཝ་ཙ་ནཾ. ཁ་ཡ་དྷ་མྨནྟི ཁ་ཡ་ག་མ་ན་ས་བྷཱ་ཝཾ. ཝ་ཡ་དྷ་མྨནྟི ཝ་ཡ་ག་མ་ན་ས་བྷཱ་ཝཾ. ཝི་རཱ་ག་དྷ་མྨནྟི ཝི་ར་ཛྫ་ན་ས་བྷཱ་ཝཾ. ནི་རོ་དྷ་དྷ་མྨནྟི ནི་རུ་ཛ྄ཛྷ་ན་ས་བྷཱ་ཝཾ. ས་ཏྟ་ས་ཏྟ་རཱིཏི ཨེ་ཀེ་ཀ་སྨིཾ ས་ཏྟ ས་ཏྟ ཀ་ཏྭཱ ཨེ་ཀཱ་ད་ས་སུ པ་དེ་སུ ས་ཏྟ་ས་ཏྟ་རི. ཨི་མ་སྨིཾ སུ་ཏྟེ ཝི་པ་སྶ་ནཱ་པ་ཊི་ཝི་པ་སྶ་ནཱ ཀ་ཐི་ཏཱ. ཙ་ཏུ་ཏྠཾ.