༦. ཛཱ་ག་ར་སུ་ཏྟ་ཝ་ཎྞ་ནཱ

༦. ཚ་ཊྛེ ཛཱ་ག་ར་ཏནྟི ཛཱ་ག་ར་ནྟཱ་ནཾ. པ་ཉྩ ཛཱ་ག་ར་ཏནྟི ཝི་སྶ་ཛྫ་ན་གཱ་ཐཱ་ཡཾ པ་ན ས་དྡྷཱ་དཱི་སུ པ་ཉྩ་སུ ཨི་ནྡྲི་ཡེ་སུ ཛཱ་ག་ར་ནྟེ་སུ པ་ཉྩ ནཱི་ཝ་ར་ཎཱ སུ་ཏྟཱ ནཱ་མ. ཀ་སྨཱ? ཡ་སྨཱ ཏཾ་ས་མ་ངྒཱི་པུ་གྒ་ལོ ཡ་ཏྠ ཀ་ཏྠ་ཙི ནི་སི་ནྣོ ཝཱ ཋི་ཏོ ཝཱ ཨ་རུ་ཎཾ ཨུ་ཊྛ་པེ་ནྟོ་པི པ་མཱ་ད་ཏཱ་ཡ ཨ་ཀུ་ས་ལ་ས་མ་ངྒི་ཏཱ་ཡ སུ་ཏྟོ ནཱ་མ ཧོ་ཏི. ཨེ་ཝཾ སུ་ཏྟེ་སུ པ་ཉྩ་སུ ནཱི་ཝ་ར་ཎེ་སུ པ་ཉྩི་ནྡྲི་ཡཱ་ནི ཛཱ་ག་རཱ་ནི ནཱ་མ. ཀ་སྨཱ? ཡ་སྨཱ ཏཾ་ས་མ་ངྒཱི་པུ་གྒ་ལོ ཡ་ཏྠ ཀ་ཏྠ་ཙི ནི་པ་ཛྫི་ཏྭཱ ནི་དྡཱ་ཡ་ནྟོ་པི ཨ་པྤ་མཱ་ད་ཏཱ་ཡ ཀུ་ས་ལ་ས་མ་ངྒི་ཏཱ་ཡ ཛཱ་ག་རོ ནཱ་མ ཧོ་ཏི. པ་ཉྩ་ཧི པ་ན ནཱི་ཝ་ར་ཎེ་ཧེ་ཝ ཀི་ལེ་ས་ར་ཛཾ ཨཱ་དི་ཡ་ཏི ག་ཎྷཱ་ཏི པ་རཱ་མ་ས་ཏི. པུ་རི་མཱ ཧི ཀཱ་མ་ཙྪ་ནྡཱ་ད་ཡོ པ་ཙྪི་མཱ་ནཾ པ་ཙྩ་ཡཱ ཧོ་ནྟཱི་ཏི པ་ཉྩ་ཧི ཨི་ནྡྲི་ཡེ་ཧི པ་རི་སུ་ཛ྄ཛྷ་ཏཱི་ཏི ཨ་ཡ་མ་ཏྠོ ཝེ་དི་ཏ་བྦོ. ཨི་དྷཱ་པི པ་ཉྩི་ནྡྲི་ཡཱ་ནི ལོ་ཀི་ཡ་ལོ་ཀུ་ཏྟ་རཱ་ནེ་ཝ ཀ་ཐི་ཏཱ་ནཱི་ཏི.

ཛཱ་ག་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.