༡. པ་ཋ་མ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ

ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏཱིཏི ཨ་གཱ་རི་ཡ་ཝི་མཱ་ནཾ. ཏ་སྶ ཀཱ ཨུ་པྤ་ཏྟི? བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ. ཏེ་ན ས་མ་ཡེ་ན རཱ་ཛ་ག་ཧེ ཨེ་ཀཾ ཀུ་ལཾ ཨུ་བྷ་ཏོ་པ་ས་ནྣཾ ཧོ་ཏི སཱི་ལཱ་ཙཱ་ར་ས་མྤ་ནྣཾ ཨོ་པཱ་ན་བྷཱུ་ཏཾ བྷི་ཀྑཱུ་ནཾ བྷི་ཀྑུ་ནཱི་ནཾ. ཏེ དྭེ ཛ་ཡ་མྤ་ཏི་ཀཱ ར་ཏ་ན་ཏྟ་ཡཾ ཨུ་དྡི་སྶ ཡཱ་ཝ་ཛཱི་ཝཾ པུ་ཉྙཱ་ནི ཀ་ཏྭཱ ཏ་ཏོ ཙུ་ཏཱ ཏཱ་ཝ་ཏིཾ་སེ་སུ ནི་བྦ་ཏྟིཾ་སུ, ཏེ་སཾ དྭཱ་ད་ས་ཡོ་ཛ་ནི་ཀཾ ཀ་ན་ཀ་ཝི་མཱ་ནཾ ནི་བྦ་ཏྟི. ཏེ ཏ་ཏྠ དི་བྦ་ས་མྤ་ཏྟིཾ ཨ་ནུ་བྷ་ཝ་ནྟི. ཨ་ཐཱ་ཡ་སྨཱ མ་ཧཱ་མོ་གྒ་ལླཱ་ནོ་ཏི་ཨཱ་དི ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.

༡༠༤༨. ‘‘ཡ་ཐཱ ཝ་ནཾ ཙི་ཏྟ་ལ་ཏཾ པ་བྷཱ་ས་ཏི, ཨུ་ཡྻཱ་ན་སེ་ཊྛཾ ཏི་ད་སཱ་ན་མུ་ཏྟ་མཾ;

ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.

༡༠༤༩. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;

ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི. –

ཐེ་རོ པུ་ཙྪི.

༡༠༥༠. ‘‘སོ དེ་ཝ་པུ་ཏྟོ ཨ་ཏྟ་མ་ནོ, མོ་གྒ་ལླཱ་ནེ་ན པུ་ཙྪི་ཏོ;

པ་ཉྷཾ པུ་ཊྛོ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ’’.

༡༠༥༡. ‘‘ཨ་ཧ་ཉྩ བྷ་རི་ཡཱ ཙ མ་ནུ་སྶ་ལོ་ཀེ, ཨོ་པཱ་ན་བྷཱུ་ཏཱ གྷ་ར་མཱ་ཝ་སི་མྷ;

ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟཱ, ས་ཀྐ་ཙྩ དཱ་ནཾ ཝི་པུ་ལཾ ཨ་ད་མྷ.

༡༠༥༢. ‘‘ཏེ་ན མེ་ཏཱ་དི་སོ ཝ་ཎྞོ…པེ…

ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི. –

ཨ་ཏྟ་ནོ ས་མྤ་ཏྟིཾ བྱཱ་ཀཱ་སི. གཱ་ཐཱ་སུ་པི ཨ་པུ་བྦཾ ན་ཏྠི.

པ་ཋ་མ་ཨ་གཱ་རི་ཡ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.