༡༤. དུ་ཏི་ཡ་སུ་ཎི་སཱ་ཝི་མཱ་ན་ཝ་ཎྞ་ནཱ

ཨ་བྷི་ཀྐ་ནྟེ་ན ཝ་ཎྞེ་ནཱཏི དུ་ཏི་ཡ་སུ་ཎི་སཱ་ཝི་མཱ་ནཾ. ཨེ་ཏྠ པ་ན ཨ་པུ་བྦཾ ན་ཏྠི, ཨ་ཊྛུ་པྤ་ཏྟི་ཡཾ ཀུ་མྨཱ་ས་དཱ་ན་མེ་ཝ ཝི་སེ་སོ. ཏེ་ན ཝུ་ཏྟཾ –

༡༡༦. ‘‘ཨ་བྷི་ཀྐ་ནྟེ་ན ཝ་ཎྞེ་ན, ཡཱ ཏྭཾ ཏི་ཊྛ་སི དེ་ཝ་ཏེ;

ཨོ་བྷཱ་སེ་ནྟཱི དི་སཱ ས་བྦཱ, ཨོ་ས་དྷཱི ཝི་ཡ ཏཱ་ར་ཀཱ.

༡༡༧. ‘‘ཀེ་ན ཏེ་ཏཱ་དི་སོ ཝ་ཎྞོ, ཀེ་ན ཏེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ ཏེ བྷོ་གཱ, ཡེ ཀེ་ཙི མ་ན་སོ པི་ཡཱ.

༡༡༨. ‘‘པུ་ཙྪཱ་མི ཏཾ དེ་ཝི མ་ཧཱ་ནུ་བྷཱ་ཝེ, མ་ནུ་སྶ་བྷཱུ་ཏཱ ཀི་མ་ཀཱ་སི པུ་ཉྙཾ;

ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝཱ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.

༡༡༩. ‘‘སཱ དེ་ཝ་ཏཱ ཨ་ཏྟ་མ་ནཱ, མོ་གྒ་ལླཱ་ནེ་ན པུ་ཙྪི་ཏཱ;

པ་ཉྷཾ པུ་ཊྛཱ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ’’.

༡༢༠. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏཱ, སུ་ཎི་སཱ ཨ་ཧོ་སིཾ ས་སུ་ར་སྶ གེ་ཧེ.

༡༢༡. ‘‘ཨ་དྡ་སཾ ཝི་ར་ཛཾ བྷི་ཀྑུཾ, ཝི་པྤ་ས་ནྣ་མ་ནཱ་ཝི་ལཾ;

ཏ་སྶ ཨ་དཱ་ས་ཧཾ བྷཱ་གཾ, པ་ས་ནྣཱ སེ་ཧི པཱ་ཎི་བྷི;

ཀུ་མྨཱ་ས་པི་ཎྜཾ ད་ཏྭཱ་ན, མོ་དཱ་མི ན་ནྡ་ནེ ཝ་ནེ.

༡༢༢. ‘‘ཏེ་ན མེ་ཏཱ་དི་སོ ཝ་ཎྞོ, ཏེ་ན མེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ མེ བྷོ་གཱ, ཡེ ཀེ་ཙི མ་ན་སོ པི་ཡཱ.

༡༢༣. ‘‘ཨ་ཀྑཱ་མི ཏེ བྷི་ཀྑུ མ་ཧཱ་ནུ་བྷཱ་ཝ, མ་ནུ་སྶ་བྷཱུ་ཏཱ ཡ་མ་ཀཱ་སི པུ་ཉྙཾ;

ཏེ་ན་མྷི ཨེ་ཝཾ ཛ་ལི་ཏཱ་ནུ་བྷཱ་ཝཱ, ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.

༡༢༡. ཏ་ཏྠ བྷཱ་གནྟི ཀུ་མྨཱ་ས་ཀོ་ཊྛཱ་སཾ. ཏེ་ནཱ་ཧ ‘‘ཀུ་མྨཱ་ས་པི་ཎྜཾ ད་ཏྭཱ་ནཱ’’ཏི. ཀུ་མྨཱ་སོ་ཏི ཙ ཡ་ཝ་ཀུ་མྨཱ་སོ ཝུ་ཏྟོ. སེ་སཾ ཝུ་ཏྟ་ན་ཡ་མེ་ཝ.

དུ་ཏི་ཡ་སུ་ཎི་སཱ་ཝི་མཱ་ན་ཝ་ཎྞ་ནཱ ནི་ཊྛི་ཏཱ.