༩. ཏོ་དེ་ཡྻ་མཱ་ཎ་ཝ་སུ་ཏྟ་ནི་དྡེ་ས་ཝ་ཎྞ་ནཱ

༥༧. ན་ཝ་མེ ཏོ་དེ་ཡྻ་སུ་ཏྟེ – ཝི་མོ་ཀྑོ ཏ་སྶ ཀཱི་དི་སོཏི ཏ་སྶ ཀཱི་དི་སོ ཝི་མོ་ཀྑོ ཨི་ཙྪི་ཏ་བྦོ་ཏི པུ་ཙྪ་ཏི.

༥༨. ཨི་དཱ་ནི་སྶ ཨ་ཉྙ་ཝི་མོ་ཀྑཱ་བྷཱ་ཝཾ ད་སྶེ་ནྟོ བྷ་ག་ཝཱ དུ་ཏི་ཡཾ གཱ་ཐ་མཱ་ཧ. ཏ་ཏྠ ཝི་མོ་ཀྑོ ཏ་སྶ ནཱ་པ་རོཏི ཏ་སྶ ཨ་ཉྙོ ཝི་མོ་ཀྑོ ན་ཏྠི.

༥༩. ཨེ་ཝཾ ‘‘ཏ་ཎྷ་ཀྑ་ཡོ ཨེ་ཝ ཝི་མོ་ཀྑོ’’ཏི ཝུ་ཏྟེ་པི ཏ་མ་ཏྠཾ ཨ་ས་ལླ་ཀྑེ་ནྟོ ‘‘ནི་རཱ་ས་སོ སོ ཨུ་ད ཨཱ་ས་སཱ་ནོ’’ཏི པུ་ན པུ་ཙྪ་ཏི. ཏ་ཏྠ ཨུ་ད པ་ཉྙ་ཀ་པྤཱིཏི ཨུ་དཱ་ཧུ ས་མཱ་པ་ཏྟི་ཉཱ་ཎཱ་དི་ནཱ ཉཱ་ཎེ་ན ཏ་ཎྷཱ་ཀ་པྤཾ ཝཱ དི་ཊྛི་ཀ་པྤཾ ཝཱ ཀ་པྤ་ཡ་ཏི.

༦༠. ཨ་ཐ་སྶ བྷ་ག་ཝཱ ཏཾ ཨཱ་ཙི་ཀྑ་ནྟོ ཙ་ཏུ་ཏྠཾ གཱ་ཐ་མཱ་ཧ. ཏ་ཏྠ ཀཱ་མ་བྷ་ཝེཏི ཀཱ་མེ ཙ བྷ་ཝེ ཙ.

རཱུ་པེ ནཱ་སཱི་ས་ཏཱིཏི ཙ་ཏུ་ས་མུ་ཊྛཱ་ནི་ཀེ རཱུ་པཱ་ར་མྨ་ཎེ ཚ་ནྡ་རཱ་ག་ཝ་སེ་ན ན པ་ཏྠེ་ཏི. ས་དྡྷཱདཱི་སུ་པི ཨེ་སེ་ཝ ན་ཡོ. པ་ལི་བོ་དྷ་ཊྛེ་ན རཱ་གོ ཨེ་ཝ ཀི་ཉྩ་ནཾ རཱ་ག་ཀི་ཉྩ་ནཾ མ་ད་ན་ཊྛེ་ན ཝཱ. དོ་ས་ཀི་ཉྩ་ནཱདཱི་སུ་པི ཨེ་སེ་ཝ ན་ཡོ. སེ་སཾ ས་བྦ་ཏྠ པཱ་ཀ་ཊ་མེ་ཝ.

ཨེ་ཝཾ བྷ་ག་ཝཱ ཨི་ད་མྤི སུ་ཏྟཾ ཨ་ར་ཧ་ཏྟ་ནི་ཀཱུ་ཊེ་ནེ་ཝ དེ་སེ་སི, དེ་ས་ནཱ་པ་རི་ཡོ་སཱ་ནེ ཙ པུ་བྦ་ས་དི་སོ ཨེ་ཝ དྷ་མྨཱ་བྷི་ས་མ་ཡོ ཨ་ཧོ་སཱི་ཏི.

ས་དྡྷ་མྨ་པྤ་ཛྫོ་ཏི་ཀཱ་ཡ ཙཱུ་ལ༹་ནི་དྡེ་ས-ཨ་ཊྛ་ཀ་ཐཱ་ཡ

ཏོ་དེ་ཡྻ་མཱ་ཎ་ཝ་སུ་ཏྟ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.