ས་ཏྟ་མ་གཱ་ཐཱ་ཝ་ཎྞ་ནཱ
༧. ཨེ་ཝཾ ཨ་ཧི་ཏ་དུ་ཀྑཱ་ནཱ་ག་མ་པ་ཏྠ་ནཱ་ཝ་སེ་ན ཨ་ཏྠ་ཏོ མེ་ཏྟཱ་བྷཱ་ཝ་ནཾ ད་སྶེ་ཏྭཱ ཨི་དཱ་ནི ཏ་མེ་ཝ ཨུ་པ་མཱ་ཡ ད་སྶེ་ནྟོ ཨཱ་ཧ ‘‘མཱ་ཏཱ ཡ་ཐཱ ནི་ཡཾ་པུ་ཏྟ’’ནྟི.
ཏ་སྶ་ཏྠོ – ཡ་ཐཱ མཱ་ཏཱ ནི་ཡཾ པུ་ཏྟཾ ཨ་ཏྟ་ནི ཛཱ་ཏཾ ཨོ་ར་སཾ པུ་ཏྟཾ, ཏ་ཉྩ ཨེ་ཀ་པུ་ཏྟ་མེ་ཝ ཨཱ་ཡུ་སཱ ཨ་ནུ་ར་ཀྑེ, ཏ་སྶ དུ་ཀྑཱ་ག་མ་པྤ་ཊི་བཱ་ཧ་ན་ཏྠཾ ཨ་ཏྟ་ནོ ཨཱ་ཡུ་མྤི ཙ་ཛི་ཏྭཱ ཏཾ ཨ་ནུ་ར་ཀྑེ, ཨེ་ཝ་མྤི ས་བྦ་བྷཱུ་ཏེ་སུ ཨི་དཾ མེ་ཏྟཱ་ཁྱཾ མཱ་ན་སཾ བྷཱ་ཝ་ཡེ, པུ་ན་པྤུ་ནཾ ཛ་ན་ཡེ ཝ་ཌྜྷ་ཡེ, ཏ་ཉྩ ཨ་པ་རི་མཱ་ཎ་ས་ཏྟཱ་ར་མྨ་ཎ་ཝ་སེ་ན ཨེ་ཀ་སྨིཾ ཝཱ ས་ཏྟེ ཨ་ན་ཝ་སེ་ས་ཕ་ར་ཎ་ཝ་སེ་ན ཨ་པ་རི་མཱ་ཎཾ བྷཱ་ཝ་ཡེ་ཏི.