ཡེ སུ་པྤ་ཡུ་ཏྟཱ་ཏི་གཱ་ཐཱ་ཝ་ཎྞ་ནཱ

༧. ཨེ་ཝཾ མ་གྒ་ཊྛ་ཕ་ལ་ཊྛཱ་ནཾ ཝ་སེ་ན ས་ངྒྷ་གུ་ཎེ་ན ས་ཙྩཾ ཝ་ཏྭཱ ཨི་དཱ་ནི ཏ་ཏོ ཨེ་ཀ་ཙྩཱ་ནཾ ཕ་ལ་ས་མཱ་པ་ཏྟི་སུ་ཁ་མ་ནུ་བྷ་ཝ་ནྟཱ་ནཾ ཁཱི་ཎཱ་ས་ཝ་པུ་གྒ་ལཱ་ནཾ་ཡེ་ཝ གུ་ཎེ་ན ཝ་ཏྟུ་མཱ་ར་དྡྷོ ‘‘ཡེ སུ་པྤ་ཡུ་ཏྟཱ’’ཏི. ཏ་ཏྠ ཡེཏི ཨ་ནི་ཡ་མི་ཏུ་དྡེ་ས་ཝ་ཙ་ནཾ. སུ་པྤ་ཡུ་ཏྟཱཏི སུ་ཊྛུ པ་ཡུ་ཏྟཱ, ཨ་ནེ་ཀ་ཝི་ཧི་ཏཾ ཨ་ནེ་ས་ནཾ པ་ཧཱ་ཡ སུ་དྡྷཱ་ཛཱི་ཝི་ཏཾ ནི་སྶཱ་ཡ ཝི་པ་སྶ་ནཱ་ཡ ཨ་ཏྟཱ་ནཾ པ་ཡུ་ཉྫི་ཏུ་མཱ་ར་དྡྷཱ་ཏི ཨ་ཏྠོ. ཨ་ཐ ཝཱ སུ་པྤ་ཡུ་ཏྟཱཏི སུ་ཝི་སུ་དྡྷ་ཀཱ་ཡ་ཝ་ཙཱི་པ་ཡོ་ག་ས་མ་ནྣཱ་ག་ཏཱ, ཏེ་ན ཏེ་སཾ སཱི་ལ་ཀྑ་ནྡྷཾ ད་སྶེ་ཏི. མ་ན་སཱ ད་ལ༹ྷེ་ནཱཏི ད་ལ༹ྷེ་ན མ་ན་སཱ, ཐི་ར་ས་མཱ་དྷི་ཡུ་ཏྟེ་ན ཙེ་ཏ་སཱ་ཏི ཨ་ཏྠོ. ཏེ་ན ཏེ་སཾ ས་མཱ་དྷི་ཀྑ་ནྡྷཾ ད་སྶེ་ཏི. ནི་ཀྐཱ་མི་ནོཏི ཀཱ་ཡེ ཙ ཛཱི་ཝི་ཏེ ཙ ཨ་ན་པེ་ཀྑཱ ཧུ་ཏྭཱ པ་ཉྙཱ་དྷུ་རེ་ན ཝཱི་རི་ཡེ་ན ས་བྦ་ཀི་ལེ་སེ་ཧི ཀ་ཏ་ནི་ཀྐ་མ་ནཱ. ཏེ་ན ཏེ་སཾ ཝཱི་རི་ཡ་ས་མྤ་ནྣཾ པ་ཉྙ་ཀྑ་ནྡྷཾ ད་སྶེ་ཏི.

གོ་ཏ་མ་སཱ་ས་ན་མྷཱིཏི གོ་ཏྟ་ཏོ གོ་ཏ་མ་སྶ ཏ་ཐཱ་ག་ཏ་སྶེ་ཝ སཱ་ས་ན་མྷི. ཏེ་ན ཨི་ཏོ བ་ཧི་དྡྷཱ ནཱ་ན་པྤ་ཀཱ་ར་མྤི ཨ་མ་ར་ཏ་པཾ ཀ་རོ་ནྟཱ་ནཾ སུ་པྤ་ཡོ་གཱ་དི་གུ་ཎཱ་བྷཱ་ཝ་ཏོ ཀི་ལེ་སེ་ཧི ནི་ཀྐ་མ་ནཱ་བྷཱ་ཝཾ ད་སྶེ་ཏི. ཏེཏི པུ་བྦེ ཨུ་དྡི་ཊྛཱ་ནཾ ནི་དྡེ་ས་ཝ་ཙ་ནཾ. པ་ཏྟི་པ་ཏྟཱཏི ཨེ་ཏྠ པ་ཏྟ་བྦཱ་ཏི པ་ཏྟི, པ་ཏྟ་བྦཱ ནཱ་མ པ་ཏྟུཾ ཨ་ར་ཧཱ, ཡཾ པ་ཏྭཱ ཨ་ཙྩ་ནྟ་ཡོ་ག་ཀྑེ་མི་ནོ ཧོ་ནྟི, ཨ་ར་ཧ་ཏྟ་ཕ་ལ་སྶེ་ཏཾ ཨ་དྷི་ཝ་ཙ་ནཾ, ཏཾ པ་ཏྟིཾ པ་ཏྟཱ་ཏི པ་ཏྟི་པ་ཏྟཱ. ཨ་མ་ཏནྟི ནི་བྦཱ་ནཾ. ཝི་ག་ཡ྄ཧཱཏི ཨཱ་ར་མྨ་ཎ་ཝ་སེ་ན ཝི་གཱ་ཧི་ཏྭཱ. ལ་དྡྷཱཏི ལ་བྷི་ཏྭཱ. མུ་དྷཱཏི ཨ་བྱ་ཡེ་ན ཀཱ་ཀ་ཎི་ཀ་མ་ཏྟ་མྤི བྱ་ཡཾ ཨ་ཀ་ཏྭཱ. ནི་བྦུ་ཏིནྟི པ་ཊི་པྤ་སྶ་དྡྷ་ཀི་ལེ་ས་ད་ར་ཐཾ ཕ་ལ་ས་མཱ་པ་ཏྟིཾ. བྷུ་ཉྫ་མཱ་ནཱཏི ཨ་ནུ་བྷ་ཝ་མཱ་ནཱ. ཀིཾ ཝུ་ཏྟཾ ཧོ་ཏི? ཡེ ཨི་མ་སྨིཾ གོ་ཏ་མ་སཱ་ས་ན་མྷི སཱི་ལ་ས་མྤ་ནྣ་ཏྟཱ སུ་པྤ་ཡུ་ཏྟཱ, ས་མཱ་དྷི་ས་མྤ་ནྣ་ཏྟཱ མ་ན་སཱ ད་ལ༹ྷེ་ན, པ་ཉྙཱ་ས་མྤ་ནྣ་ཏྟཱ ནི་ཀྐཱ་མི་ནོ, ཏེ ཨི་མཱ་ཡ ས་མྨཱ་པ་ཊི་པ་དཱ་ཡ ཨ་མ་ཏཾ ཝི་ག་ཡ྄ཧ མུ་དྷཱ ལ་དྡྷཱ ཕ་ལ་ས་མཱ་པ་ཏྟི་ས་ཉྙི་ཏཾ ནི་བྦུ་ཏིཾ བྷུ་ཉྫ་མཱ་ནཱ པ་ཏྟི་པ་ཏྟཱ ནཱ་མ ཧོ་ནྟཱི་ཏི.

ཨེ་ཝཾ བྷ་ག་ཝཱ ཕ་ལ་ས་མཱ་པ་ཏྟི་སུ་ཁ་མ་ནུ་བྷ་ཝ་ནྟཱ་ནཾ ཁཱི་ཎཱ་ས་ཝ་པུ་གྒ་ལཱ་ན་མེ་ཝ ཝ་སེ་ན ས་ངྒྷ་ར་ཏ་ན་སྶ གུ་ཎཾ ཝ་ཏྭཱ ཨི་དཱ་ནི ཏ་མེ་ཝ གུ་ཎཾ ནི་སྶཱ་ཡ ས་ཙྩ་ཝ་ཙ་ནཾ པ་ཡུ་ཉྫ་ཏི ‘‘ཨི་ད་མྤི ས་ངྒྷེ’’ཏི. ཏ་སྶ་ཏྠོ པུ་བྦེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. ཨི་མི་སྶཱ་པི གཱ་ཐཱ་ཡ ཨཱ་ཎཱ ཀོ་ཊི་ས་ཏ་ས་ཧ་སྶ་ཙ་ཀྐ་ཝཱ་ལེ༹་སུ ཨ་མ་ནུ་སྶེ་ཧི པ་ཊི་གྒ་ཧི་ཏཱ་ཏི.