སོ་བྷི་ཏོ བུ་དྡྷོ

ཏ་སྶ ཨ་པ་ར་བྷཱ་གེ སོ་བྷི་ཏོ ནཱ་མ ས་ཏྠཱ ཨུ་ད་པཱ་དི. ཏ་སྶཱ་པི ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མ་ས་ནྣི་པཱ་ཏེ ཀོ་ཊི་ས་ཏཾ བྷི་ཀྑཱུ ཨ་ཧེ་སུཾ, དུ་ཏི་ཡེ ན་ཝུ་ཏི་ཀོ་ཊི་ཡོ, ཏ་ཏི་ཡེ ཨ་སཱི་ཏི་ཀོ་ཊི་ཡོ. ཏ་དཱ བོ་དྷི་ས་ཏྟོ ཨ་ཛི་ཏོ ནཱ་མ བྲཱ་ཧྨ་ཎོ ཧུ་ཏྭཱ ས་ཏྠུ དྷ་མྨ་དེ་ས་ནཾ སུ་ཏྭཱ ས་ར་ཎེ་སུ པ་ཏི་ཊྛཱ་ཡ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ མ་ཧཱ་དཱ་ནཾ ཨ་དཱ་སི. སོ་པི ནཾ ‘‘བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ པ་ན བྷ་ག་ཝ་ཏོ ན་ག་རཾ སུ་དྷ་མྨཾ ནཱ་མ ཨ་ཧོ་སི, པི་ཏཱ སུ་དྷ་མྨོ ནཱ་མ རཱ་ཛཱ, མཱ་ཏཱ་པི སུ་དྷ་མྨཱ ནཱ་མ དེ་ཝཱི, ཨ་ས་མོ ཙ སུ་ནེ་ཏྟོ ཙ དྭེ ཨ་གྒ་སཱ་ཝ་ཀཱ, ཨ་ནོ་མོ ནཱ་མུ་པ་ཊྛཱ་ཀོ, ན་ཀུ་ལཱ ཙ སུ་ཛཱ་ཏཱ ཙ དྭེ ཨ་གྒ་སཱ་ཝི་ཀཱ, ནཱ་ག་རུ་ཀྑོ བོ་དྷི, ཨ་ཊྛ་པ་ཎྞཱ་ས་ཧ་ཏྠུ་བྦེ་དྷཾ ས་རཱི་རཾ ཨ་ཧོ་སི, ན་ཝུ་ཏི ཝ་སྶ་ས་ཧ་སྶཱ་ནི ཨཱ་ཡུ་པྤ་མཱ་ཎ་ནྟི.

‘‘རེ་ཝ་ཏ་སྶ ཨ་པ་རེ་ན, སོ་བྷི་ཏོ ནཱ་མ ནཱ་ཡ་ཀོ;

ས་མཱ་ཧི་ཏོ ས་ནྟ་ཙི་ཏྟོ, ཨ་ས་མོ ཨ་པྤ་ཊི་པུ་གྒ་ལོ’’ཏི. (བུ. ཝཾ. ༨.༡);