༧. ཨེ་ཀ་དཱི་པི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ

པ་དུ་མུ་ཏྟ་ར་སྶ མུ་ནི་ནོཏི་ཨཱ་དི་ཀཾ ཨཱ་ཡ་སྨ་ཏོ ཨེ་ཀ་དཱི་པི་ཡ་ཏྠེ་ར་སྶ ཨ་པ་དཱ་ནཾ. ཨ་ཡ་མྤཱ་ཡ་སྨཱ པུ་རི་མ་ཛི་ན་སེ་ཊྛེ་སུ ཀ་ཏ་ཀུ་ས་ལ་ས་མྦྷཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ ག་ཧ་པ་ཏི་ཀུ་ལེ ནི་བྦ་ཏྟོ ཝུ་དྡྷི་པྤ་ཏྟོ ས་དྡྷོ པ་ས་ནྣོ བྷ་ག་ཝ་ཏོ ས་ལ་ལ་མ་ཧཱ་བོ་དྷི་མྷི ཨེ་ཀ་པ་དཱི་པཾ པཱུ་ཛེ་སི, ཐཱ་ཝ་རཾ ཀ་ཏྭཱ ནི་ཙྩ་མེ་ཀ་པ་དཱི་པ་པཱུ་ཛ་ན་ཏྠཱ་ཡ ཏེ་ལ་ཝ་ཊྚཾ པ་ཊྛ་པེ་སི. སོ ཏེ་ན པུ་ཉྙེ་ན དེ་ཝ་མ་ནུ་སྶེ་སུ སཾ་ས་ར་ནྟོ ས་བྦ་ཏྠ ཛ་ལ་མཱ་ནོ པ་ས་ནྣ་ཙ་ཀྑུ་ཀོ ཨུ་བྷ་ཡ་སུ་ཁ་མ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ སཱ་ཝ་ཏྠི་ཡཾ ཝི་བྷ་ཝ་ས་མྤ་ནྣེ ཨེ་ཀ་སྨིཾ ཀུ་ལེ ནི་བྦ་ཏྟོ ཝི་ཉྙུ་ཏཾ པ་ཏྟོ ར་ཏ་ན་ཏྟ་ཡེ པ་ས་ནྣོ པ་བྦ་ཛི་ཏྭཱ ན་ཙི་ར་སྶེ་ཝ ཨ་ར་ཧ་ཏྟཾ པ་ཏྟོ དཱི་པ་པཱུ་ཛཱ་ཡ ལ་དྡྷ་ཝི་སེ་སཱ་དྷི་ག་མ་ཏྟཱ ཨེ་ཀ་དཱི་པི་ཡ་ཏྠེ་རོཏི པཱ་ཀ་ཊོ.

༣༠. སོ ཨ་པ་ར་བྷཱ་གེ ཨ་ཏྟ་ནོ པུ་བྦ་ཀ་མྨཾ ས་རི་ཏྭཱ སོ་མ་ན་སྶ་ཛཱ་ཏོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ པ་དུ་མུ་ཏྟ་ར་སྶ མུ་ནི་ནོཏི་ཨཱ་དི་མཱ་ཧ. ཏཾ ས་བྦཾ ཨུ་ཏྟཱ་ན་ཏྠ་མེ་ཝཱ་ཏི.

ཨེ་ཀ་དཱི་པི་ཡ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.