༨. མ་ཎི་པཱུ་ཛ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ

ཨོ་རེ་ན ཧི་མ་ཝ་ནྟ་སྶཱཏི་ཨཱ་དི་ཀཾ ཨཱ་ཡ་སྨ་ཏོ མ་ཎི་པཱུ་ཛ་ཀ་ཏྠེ་ར་སྶ ཨ་པ་དཱ་ནཾ. ཨ་ཡ་མྤི ཐེ་རོ པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ ཏ་ཏྠ ཏ་ཏྠ བྷ་ཝེ ཝི་ཝ་ཊྚཱུ་པ་ནི་སྶ་ཡཱ་ནི པུ་ཉྙཱ་ནི ཨུ་པ་ཙི་ན་ནྟོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ ཨེ་ཀ་སྨིཾ ཀུ་ལེ ནི་བྦ་ཏྟོ གྷ་རཱ་ཝཱ་སཾ ས་ཎྛ་པེ་ཏྭཱ ཏ་ཏྠཱ་དཱི་ན་ཝཾ དི་སྭཱ གྷ་རཱ་ཝཱ་སཾ པ་ཧཱ་ཡ ཏཱ་པ་ས་པ་བྦ་ཛྫཾ པ་བྦ་ཛི་ཏྭཱ ཧི་མ་ཝ་ནྟ་ཨོ་ར་བྷཱ་གེ ཨེ་ཀི་སྶཱ ན་དི་ཡཱ ས་མཱི་པེ པ་ཎྞ་སཱ་ལཾ ཀཱ་རེ་ཏྭཱ ཝ་ས་ནྟོ ཝི་ཝེ་ཀ་ཀཱ་མ་ཏཱ་ཡ ཏ་སྶཱ་ནུ་ཀ་མྤཱ་ཡ ཙ ཏ་ཏྠ ཨུ་པ་ག་ཏཾ པ་དུ་མུ་ཏྟ་རཾ བྷ་ག་ཝ་ནྟཾ དི་སྭཱ པ་ས་ནྣ་མཱ་ན་སོ མ་ཎི་པ་ལླ་ངྐཾ བྷ་ག་ཝ་ཏོ པཱུ་ཛེ་སི. བྷ་ག་ཝཱ ཏ་སྶ པ་སཱ་ད་ཝ་ཌྜྷ་ན་ཏྠཱ་ཡ ཏ་ཏྠ ནི་སཱི་དི. སོ བྷི་ཡྻོ་སོ་མ་ཏྟཱ་ཡ པ་ས་ནྣོ ནི་བྦཱ་ནཱ་དྷི་ག་མ་ཏྠཱ་ཡ པ་ཏྠ་ནཾ ཨ་ཀཱ་སི. བྷ་ག་ཝཱ ཨ་ནུ་མོ་ད་ནཾ ཝ་ཏྭཱ པ་ཀྐཱ་མི. སོ ཏེ་ན པུ་ཉྙེ་ན དེ་ཝ་མ་ནུ་སྶེ་སུ སཾ་ས་ར་ནྟོ ས་བྦ་ཏྠ པཱུ་ཛི་ཏོ སུ་ཁཾ ཨ་ནུ་བྷ་ཝི་ཏྭཱ ཨི་མ་སྨིཾ བུ་དྡྷུ་པྤཱ་དེ སཱ་ཝ་ཏྠི་ཡཾ ཝི་བྷ་ཝ་ས་མྤ་ནྣེ ཀུ་ལེ ནི་བྦ་ཏྟོ གྷ་རཱ་ཝཱ་སཾ ཝ་ས་ནྟོ ཨེ་ཀ་དི་ཝ་སཾ ས་ཏྠུ དྷ་མྨ་དེ་ས་ནཾ སུ་ཏྭཱ པ་ཊི་ལ་དྡྷ་ས་དྡྷོ པ་བྦ་ཛི་ཏྭཱ ན་ཙི་ར་སྶེ་ཝ ཨ་ར་ཧཱ ཨ་ཧོ་སི.

༣༤. སོ ཨེ་ཀ་དི་ཝ་སཾ ཨ་ཏྟ་ནཱ ཀ་ཏ་ཀུ་ས་ལཾ ས་རི་ཏྭཱ ས་ཉྫཱ་ཏ་སོ་མ་ན་སྶོ པུ་བྦ་ཙ་རི་ཏཱ་པ་དཱ་ནཾ པ་ཀཱ་སེ་ནྟོ ཨོ་རེ་ན ཧི་མ་ཝ་ནྟ་སྶཱཏི་ཨཱ་དི་མཱ་ཧ. ཏ་ཏྠ ཨོ་རེ་ནཱཏི ཧི་མ་ཝ་ནྟ་སྶ ཨ་པ་རཾ བྷཱ་གཾ ཝི་ཧཱ་ཡ ཨོ་རེ་ན, བྷུ་མྨ་ཏྠེ ཀ་ར་ཎ་ཝ་ཙ་ནཾ, ཨོ་ར་སྨིཾ དི་སཱ་བྷཱ་གེ་ཏི ཨ་ཏྠོ. ན་དི་ཀཱ ས་མྤ་ཝ་ཏྟ་ཐཱཏི ཨ་པཱ་ཀ་ཊ་ནཱ་མ་དྷེ་ཡྻཱ ཨེ་ཀཱ ན་དཱི སཾ་སུ་ཊྛུ པ་ཝ་ཏྟཱ་ནཱི ཝ་ཧཱ་ནཱི ས་ནྡ་མཱ་ནཱ ཨ་ཧོ་སཱི་ཏི ཨ་ཏྠོ. ཏ་སྶཱ ཙཱ་ནུ་པ་ཁེ་ཏྟ་མྷཱིཏི ཏ་སྶཱ ན་དི་ཡཱ ཨ་ནུ་པ་ཁེ་ཏྟ་མྷི ཏཱི་ར་ས་མཱི་པེ་ཏི ཨ་ཏྠོ. ས་ཡ་མྦྷཱུ ཝ་ས་ཏེ ཏ་དཱཏི ཡ་དཱ ཨ་ཧཾ མ་ཎི་པ་ལླ་ངྐཾ པཱུ་ཛེ་སིཾ, ཏ་དཱ ཨ་ནཱ་ཙ་རི་ཡ་ཀོ ཧུ་ཏྭཱ ས་ཡ་མེ་ཝ བུ་དྡྷ་བྷཱུ་ཏོ བྷ་ག་ཝཱ ཝ་ས་ཏེ ཝི་ཧ་ར་ཏཱི་ཏི ཨ་ཏྠོ.

༣༥. མ་ཎིཾ པ་གྒ་ཡ྄ཧ པ་ལླ་ངྐནྟི མ་ཎིནྟི ཙི་ཏྟཾ ཨཱ་རཱ་དྷེ་ཏི སོ་མ་ན་སྶཾ ཀ་རོ་ཏཱི་ཏི མ་ཎི, ཨ་ཐ ཝཱ མཱ་ཏི པ་མཱ་ཎཾ ཀ་རོ་ཏི ཨཱ་བྷ་ར་ཎ་ནྟི མ་ཎི, ཨ་ཐ ཝཱ མ་ར་ནྟཱ་པི རཱ་ཛ་ཡུ་ཝ་རཱ་ཛཱ་ད་ཡོ ཏཾ ན པ་རི་ཙྩ་ཛ་ནྟི ཏ་ད་ཏྠཱ་ཡ ས་ངྒཱ་མཾ ཀ་རོ་ནྟཱི་ཏི མ་ཎི, ཏཾ མ་ཎིཾ མ་ཎི་མ་ཡཾ པ་ལླ་ངྐཾ མ་ནོ་ར་མཾ སཱ་དྷུ ཙི་ཏྟཾ སུ་ཊྛུ ཝི་ཙི་ཏྟཾ པ་གྒ་ཡ྄ཧ ག་ཧེ་ཏྭཱ བུ་དྡྷ་སེ་ཊྛ་སྶ ཨ་བྷི་རོ་པ་ཡིཾ པཱུ་ཛེ་སི་ནྟི ཨ་ཏྠོ. སེ་སཾ ས་བྦཾ ཨུ་ཏྟཱ་ན་ཏྠ་མེ་ཝཱ་ཏི.

མ་ཎི་པཱུ་ཛ་ཀ་ཏྠེ་ར་ཨ་པ་དཱ་ན་ཝ་ཎྞ་ནཱ ས་མ་ཏྟཱ.