ཀ་ཀུ་ས་ནྡྷོ བུ་དྡྷོ

ཏ་སྶ ཨ་པ་ར་བྷཱ་གེ ཨི་མ་སྨིཾ ཀ་པྤེ ཙ་ཏྟཱ་རོ བུ་དྡྷཱ ནི་བྦ་ཏྟཱ ཀ་ཀུ་ས་ནྡྷོ, ཀོ་ཎཱ་ག་མ་ནོ, ཀ་སྶ་པོ, ཨ་མྷཱ་ཀཾ བྷ་ག་ཝཱཏི. ཀ་ཀུ་ས་ནྡྷ་སྶ བྷ་ག་ཝ་ཏོ ཨེ་ཀོ་ཝ སཱ་ཝ་ཀ་ས་ནྣི་པཱ་ཏོ, ཏ་ཏྠ ཙ་ཏྟཱ་ལཱི་ས བྷི་ཀྑུ་ས་ཧ་སྶཱ་ནི ཨ་ཧེ་སུཾ. ཏ་དཱ བོ་དྷི་ས་ཏྟོ ཁེ་མོ ནཱ་མ རཱ་ཛཱ ཧུ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ས་པ་ཏྟ་ཙཱི་ཝ་རཾ མ་ཧཱ་དཱ་ན་ཉྩེ་ཝ ཨ་ཉྫ་ནཱ་དི་བྷེ་ས་ཛྫཱ་ནི ཙ ད་ཏྭཱ ས་ཏྠུ དྷ་མྨ་དེ་ས་ནཾ སུ་ཏྭཱ པ་བྦ་ཛི. སོ་པི ནཾ ས་ཏྠཱ ‘‘བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཀ་ཀུ་ས་ནྡྷ་སྶ པ་ན བྷ་ག་ཝ་ཏོ ཁེ་མཾ ནཱ་མ ན་ག་རཾ ཨ་ཧོ་སི, ཨ་གྒི་ད་ཏྟོ ནཱ་མ བྲཱ་ཧྨ་ཎོ པི་ཏཱ, ཝི་སཱ་ཁཱ ནཱ་མ བྲཱ་ཧྨ་ཎཱི མཱ་ཏཱ, ཝི་དྷུ་རོ ཙ ས་ཉྫཱི་ཝོ ཙ དྭེ ཨ་གྒ་སཱ་ཝ་ཀཱ, བུ་དྡྷི་ཛོ ནཱ་མུ་པ་ཊྛཱ་ཀོ, སཱ་མཱ ཙ ཙ་མྤཱ ཙ དྭེ ཨ་གྒ་སཱ་ཝི་ཀཱ, མ་ཧཱ་སི་རཱི་ས་རུ་ཀྑོ བོ་དྷི, ས་རཱི་རཾ ཙ་ཏྟཱ་ལཱི་ས་ཧ་ཏྠུ་བྦེ་དྷཾ ཨ་ཧོ་སི, ཙ་ཏྟཱ་ལཱི་ས ཝ་སྶ་ས་ཧ་སྶཱ་ནི ཨཱ་ཡཱུ་ཏི.

‘‘ཝེ་སྶ་བྷུ་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;

ཀ་ཀུ་ས་ནྡྷོ ནཱ་མ ནཱ་མེ་ན, ཨ་པྤ་མེ་ཡྻོ དུ་རཱ་ས་དོ’’ཏི. (བུ. ཝཾ. ༢༤.༡);