ཀོ་ཎཱ་ག་མ་ནོ བུ་དྡྷོ

ཏ་སྶ ཨ་པ་ར་བྷཱ་གེ ཀོ་ཎཱ་ག་མ་ནོ ནཱ་མ ས་ཏྠཱ ཨུ་ད་པཱ་དི. ཏ་སྶཱ་པི ཨེ་ཀོ་ཝ སཱ་ཝ་ཀ་ས་ནྣི་པཱ་ཏོ, ཏ་ཏྠ ཏིཾ་ས བྷི་ཀྑུ་ས་ཧ་སྶཱ་ནི ཨ་ཧེ་སུཾ. ཏ་དཱ བོ་དྷི་ས་ཏྟོ པ་བྦ་ཏོ ནཱ་མ རཱ་ཛཱ ཧུ་ཏྭཱ ཨ་མ་ཙྩ་ག་ཎ་པ་རི་ཝུ་ཏོ ས་ཏྠུ ས་ནྟི་ཀཾ ག་ནྟྭཱ དྷ་མྨ་དེ་ས་ནཾ སུ་ཏྭཱ བུ་དྡྷ་པྤ་མུ་ཁཾ བྷི་ཀྑུ་ས་ངྒྷཾ ནི་མ་ནྟེ་ཏྭཱ མ་ཧཱ་དཱ་ནཾ པ་ཝ་ཏྟེ་ཏྭཱ པ་ཏྟུ་ཎྞ་ཙཱི་ན་པ་ཊ་ཀོ་སེ་ཡྻ་ཀ་མྦ་ལ་དུ་ཀཱུ་ལཱ་ནི ཙེ་ཝ སུ་ཝ་ཎྞ་པ་ཊི་ཀ་ཉྩ ད་ཏྭཱ ས་ཏྠུ ས་ནྟི་ཀེ པ་བྦ་ཛི. སོ་པི ནཾ ས་ཏྠཱ ‘‘བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ བྷ་ག་ཝ་ཏོ སོ་བྷ་ཝ་ཏཱི ནཱ་མ ན་ག་རཾ ཨ་ཧོ་སི, ཡ་ཉྙ་ད་ཏྟོ ནཱ་མ བྲཱ་ཧྨ་ཎོ པི་ཏཱ, ཨུ་ཏྟ་རཱ ནཱ་མ བྲཱ་ཧྨ་ཎཱི མཱ་ཏཱ, བྷི་ཡྻ་སོ ཙ ཨུ་ཏྟ་རོ ཙ དྭེ ཨ་གྒ་སཱ་ཝ་ཀཱ, སོ་ཏྠི་ཛོ ནཱ་མུ་པ་ཊྛཱ་ཀོ, ས་མུ་དྡཱ ཙ ཨུ་ཏྟ་རཱ ཙ དྭེ ཨ་གྒ་སཱ་ཝི་ཀཱ, ཨུ་དུ་མྦ་ར་རུ་ཀྑོ བོ་དྷི, ས་རཱི་རཾ ཏིཾ་ས་ཧ་ཏྠུ་བྦེ་དྷཾ ཨ་ཧོ་སི, ཏིཾ་ས ཝ་སྶ་ས་ཧ་སྶཱ་ནི ཨཱ་ཡཱུ་ཏི.

‘‘ཀ་ཀུ་ས་ནྡྷ་སྶ ཨ་པ་རེ་ན, ས་མྦུ་དྡྷོ དྭི་པ་དུ་ཏྟ་མོ;

ཀོ་ཎཱ་ག་མ་ནོ ནཱ་མ ཛི་ནོ, ལོ་ཀ་ཛེ་ཊྛོ ན་རཱ་ས་བྷོ’’ཏི. (བུ. ཝཾ. ༢༥.༡);