ཝེ་སྶ་བྷཱུ བུ་དྡྷོ

ཏ་སྶ ཨ་པ་ར་བྷཱ་གེ ཝེ་སྶ་བྷཱུ ནཱ་མ ས་ཏྠཱ ཨུ་ད་པཱ་དི. ཏ་སྶཱ་པི ཏ་ཡོ སཱ་ཝ་ཀ་ས་ནྣི་པཱ་ཏཱ. པ་ཋ་མ་ས་ནྣི་པཱ་ཏེ ཨ་སཱི་ཏི བྷི་ཀྑུ་ས་ཧ་སྶཱ་ནི ཨ་ཧེ་སུཾ, དུ་ཏི་ཡེ ས་ཏྟ་ཏི, ཏ་ཏི་ཡེ ས་ཊྛི. ཏ་དཱ བོ་དྷི་ས་ཏྟོ སུ་ད་སྶ་ནོ ནཱ་མ རཱ་ཛཱ ཧུ་ཏྭཱ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ ས་ཙཱི་ཝ་རཾ མ་ཧཱ་དཱ་ནཾ ད་ཏྭཱ ཏ་སྶ ས་ནྟི་ཀེ པ་བྦ་ཛི་ཏྭཱ ཨཱ་ཙཱ་ར་གུ་ཎ་ས་མྤ་ནྣོ བུ་དྡྷ་ར་ཏ་ནེ ཙི་ཏྟཱི་ཀཱ་ར་པཱི་ཏི་བ་ཧུ་ལོ ཨ་ཧོ་སི. སོ་པི ནཾ བྷ་ག་ཝཱ ‘‘ཨི་ཏོ ཨེ་ཀ་ཏྟིཾ་ས་ཀ་པྤེ བུ་དྡྷོ བྷ་ཝི་སྶ་ཏཱི’’ཏི བྱཱ་ཀཱ་སི. ཏ་སྶ པ་ན བྷ་ག་ཝ་ཏོ ཨ་ནོ་མཾ ནཱ་མ ན་ག་རཾ ཨ་ཧོ་སི, སུ་པྤ་ཏཱི་ཏོ ནཱ་མ རཱ་ཛཱ པི་ཏཱ, ཡ་ས་ཝ་ཏཱི ནཱ་མ མཱ་ཏཱ, སོ་ཎོ ཙ ཨུ་ཏྟ་རོ ཙ དྭེ ཨ་གྒ་སཱ་ཝ་ཀཱ, ཨུ་པ་ས་ནྟོ ནཱ་མུ་པ་ཊྛཱ་ཡོ, རཱ་མཱ ཙ སུ་རཱ་མཱ ཙ དྭེ ཨ་གྒ་སཱ་ཝི་ཀཱ, སཱ་ལ་རུ་ཀྑོ བོ་དྷི, ས་རཱི་རཾ ས་ཊྛི་ཧ་ཏྠུ་བྦེ་དྷཾ ཨ་ཧོ་སི, ས་ཊྛི ཝ་སྶ་ས་ཧ་སྶཱ་ནི ཨཱ་ཡཱུ་ཏི.

‘‘ཏ་ཏྠེ་ཝ མ་ཎྜ་ཀ་པྤ་མྷི, ཨ་ས་མོ ཨ་པྤ་ཊི་པུ་གྒ་ལོ;

ཝེ་སྶ་བྷཱུ ནཱ་མ ནཱ་མེ་ན, ལོ་ཀེ ཨུ་པྤ་ཛྫི སོ ཛི་ནོ’’ཏི. (བུ. ཝཾ. ༢༣.༡);