༣. དུ་ཀ་ཏི་ཀ་པ་ཊྛཱ་ན་ཝ་ཎྞ་ནཱ

དུ་ཀ་ཏི་ཀ་པ་ཊྛཱ་ནེ ཧེ་ཏུཾ ཀུ་ས་ལཾ དྷ་མྨཾ པ་ཊི་ཙྩ ཧེ་ཏུ ཀུ་ས་ལོ དྷ་མྨོ ཨུ་པྤ་ཛྫ་ཏི ཧེ་ཏུ་པ་ཙྩ་ཡཱཏི ཨེ་ཝཾ པ་ཉྷཱ་མ་ཏྟུ་དྡྷཱ་ར་ཝ་སེ་ནེ་ཝ ས་ངྑེ་པ་ཏོ དེ་ས་ནཱ ཀ་ཏཱ. ‘‘ཀུ་ས་ལཾ ཨ་ལོ་བྷཾ པ་ཊི་ཙྩ ཨ་དོ་སོ ཨ་མོ་ཧོ’’ཏི་ཨཱ་དི་ནཱ པ་ན ན་ཡེ་ན ཝི་ཏྠཱ་རོ ཝ་ཏྟ་བྦོ སི་ཡཱ, སོ ཧེ་ཊྛཱ ད་སྶི་ཏ་ན་ཡེ་ན ས་ཀྐཱ ཨ་ཝུ་ཏྟོ་པི ཛཱ་ནི་ཏུ་ནྟི ཨེ་ཀ་པ་དེ་པི ཨེ་ཀ་པ་ཙྩ་ཡོ ཝཱ ན ཝུ་ཏྟོ. ཡཱ པ་ནེ་སཱ ས་ངྑེ་པ་ཏོ དེ་ས་ནཱ ཀ་ཏཱ, སཱ ཨེ་ཝཾ ཀ་ཏཱ་ཏི ཝེ་དི་ཏ་བྦཱ. ཧེ་ཏུ་དུ་ཀེ་ན ཧི ས་དྡྷིཾ ཀུ་ས་ལ་པ་དཾ ཡོ་ཛེ་ཏྭཱ པ་ཊི་ཙྩ་ཝཱ་རེ ཨ་ནུ་ལོ་མ་སྶ ཙེ་ཝ པ་ཙྩ་ནཱི་ཡ་སྶ ཙ ཝ་སེ་ན ས་བྦེ ལ་བྦྷ་མཱ་ན་ཀ་པ་ཙྩ་ཡཱ ད་སྶི་ཏཱ, ཨ་ནུ་ལོ་མ་པ་ཙྩ་ནཱི་ཡ་པ་ཙྩ་ནཱི་ཡཱ་ནུ་ལོ་མ་ན་ཡཱ ཙེ་ཝ ས་ཧ་ཛཱ་ཏ་ཝཱ་རཱ་ད་ཡོ ཙ ན ད་སྶི་ཏཱ, ཀེ་ཝ་ལཾ ‘‘པ་ཊི་ཙྩ་ཝཱ་ར་ས་དི་སཾ་ཡེ་ཝ ཝི་ཏྠཱ་རེ་ཏ་བྦ’’ནྟི ཝུ་ཏྟཾ. པ་ཉྷཱ་ཝཱ་རེ པ་ཉྷ་མྤི ཨ་ཝི་སྶ་ཛྫེ་ཏྭཱ ཀེ་ཝ་ལཾ པ་ཉྷུ་དྡྷཱ་ར་མ་ཏྟཾ ཀ་ཏྭཱ ཨ་ནུ་ལོ་མ་པ་ཙྩ་ནཱི་ཡ་ཝ་སེ་ནེ་ཝ ལ་བྦྷ་མཱ་ན་པ་ཙྩ་ཡཱ ད་སྶི་ཏཱ. ཡ་ཐཱ ཙ ཀུ་ས་ལ་པ་དཾ, ཨེ་ཝཾ ཨ་ཀུ་ས་ལ་ཨ་བྱཱ་ཀ་ཏ་པ་དཱ་ནི་པི ཧེ་ཏུ་དུ་ཀེ་ན ས་དྡྷིཾ ཡོ་ཛེ་ཏྭཱ ཧེ་ཏུ་ཀུ་ས་ལ་དུ་ཀ་ཏི་ཀཾ ནི་དྡི་སི་ཏ་བྦ་ནྟི ཝུ་ཏྟཾ.

ཏ་ཏོ པ་རཾ ཧེ་ཏུཾ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ དྷ་མྨནྟི་ཨཱ་དི་ནཱ ན་ཡེ་ན ཧེ་ཏུ་ཝེ་ད་ནཱ་དུ་ཀ་ཏི་ཀཱ་དཱི་ནི ཨེ་ཀ་ཝཱི་ས་ཏི དུ་ཀ་ཏི་ཀཱ་ནི ད་སྶི་ཏཱ་ནི. ཡ་སྨཱ པ་ན ཧེ་ཏུ ནཱ་མ ས་ནི་ད་སྶ་ན་ས་པྤ་ཊི་གྷོ ཨ་ནི་ད་སྶ་ན་ས་པྤ་ཊི་གྷོ ཝཱ ན་ཏྠི, ཏ་སྨཱ ཧེ་ཏུ་པ་དེ་ན ས་དྡྷིཾ ས་ནི་ད་སྶ་ན་ས་པྤ་ཊི་གྷ་ཨ་ནི་ད་སྶ་ན་ས་པྤ་ཊི་གྷ་པ་དཱ་ནི ན ཡོ་ཛི་ཏཱ་ནི. ཨེ་ཝཾ ཧེ་ཏུ་དུ་ཀེ་ན ས་དྡྷིཾ ལ་བྦྷ་མཱ་ན་ཀ་ཝ་སེ་ན དྭཱ་ཝཱི་ས་ཏི ཏི་ཀེ ཡོ་ཛེ་ཏྭཱ པུ་ན ཏེ ས་ཧེ་ཏུ་ཀ་དུ་ཀཱ་དཱི་ཧི ས་ར་ཎ་དུ་ཀ་པ་རི་ཡོ་སཱ་ནེ་ཧི ས་བྦ་དུ་ཀེ་ཧི ས་དྡྷིཾ ཡོ་ཛི་ཏཱ. ཏ་ཏྠ ཡཾ ཡཾ པ་དཾ ཡེ་ན ཡེ་ན པ་དེ་ན ས་དྡྷིཾ ཡོ་ཛ་ནཾ ན ག་ཙྪ་ཏི, ཏཾ ཏཾ པཱ་ལི༹་ཡཾ་ཡེ་ཝ ན ལ་བྦྷ་ཏཱི་ཏི ཝུ་ཏྟཾ. ཨེ་ཝ་མེ་ཏྠ ཨེ་ཀེ་ན དུ་ཀེ་ན ས་དྡྷིཾ བཱ་ཝཱི་ས་ཏི ཏི་ཀེ ཡོ་ཛེ་ཏྭཱ པུ་ན ཨ་པ་རེ་ན བཱ་ཝཱི་ས་ཏི, ཨ་པ་རེ་ན བཱ་ཝཱི་ས་ཏཱི་ཏི པ་ཊི་པཱ་ཊི་ཡཱ དུ་ཀ་ས་ཏེ ལ་བྦྷ་མཱ་ན་དུ་ཀ་པ་དེ་ཧི ས་དྡྷིཾ དྭཱ་ཝཱི་ས་ཏི ཏི་ཀཱ ཡོ་ཛི་ཏཱ་ཏི དྭཱ་ཝཱི་ས་ཏི ཏི་ཀེ ག་ཧེ་ཏྭཱ དུ་ཀ་ས་ཏེ པ་ཀྑི་པི་ཏྭཱ དུ་ཀ་ཏི་ཀ་པ་ཊྛཱ་ནཾ ནཱ་མ དེ་སི་ཏཾ. ཏ་ཏྠ ཡེ་སུ ཡེ་སུ ཋཱ་ནེ་སུ ན་ཡཾ ད་སྶེ་ཏྭཱ པཱ་ལི༹་ཡཱ ས་ངྑེ་པོ ཀ་ཏོ, ཏེ་སུ ཏེ་སུ ཋཱ་ནེ་སུ ད་སྶི་ཏ་ན་ཡཱ་ནུ་རཱུ་པེ་ན ཏ་སྶཱ ཝི་ཏྠཱ་རོ ཝེ་དི་ཏ་བྦོ་ཏི.

དུ་ཀ་ཏི་ཀ་པ་ཊྛཱ་ན་ཝ་ཎྞ་ནཱ.