༥-༢༢. ས་ངྐི་ལི་ཊྛ་ཏྟི་ཀཱ་དི་ཝ་ཎྞ་ནཱ
ས་ངྐི་ལི་ཊྛ་ས་ངྐི་ལེ་སི་ཀ་ཏྟི་ཀེ ས་བྦཾ ཀུ་ས་ལ་ཏྟི་ཀེ ཝུ་ཏྟ་ན་ཡཱ་ནུ་སཱ་རེ་ནེ་ཝ ཝེ་དི་ཏ་བྦཾ.
༧༩. ཝི་ཏ་ཀྐ་ཏྟི་ཀེ ཡ་ཐཱ་ཀ་མྨཱུ་པ་ག་ཉཱ་ཎ་སྶ པ་རི་ཀ་མྨནྟི དི་བྦ་ཙ་ཀྑུ་པ་རི་ཀ་མྨ་མེ་ཝ ཏ་སྶ ཨུ་པྤཱ་ད་ན་ཏྠཱ་ཡ པ་རི་ཀ་མྨཾ. ཨུ་པྤ་ནྣ་སྶ པ་ན ཝ་ལ༹་ཉྫ་ན་ཀཱ་ལེ པ་རི་ཀ་མྨཾ ས་ནྡྷཱ་ཡེ་ཏཾ ཝུ་ཏྟཾ. སེ་ས་མེ་ཏྠ ཡ་ཐཱ་པཱ་ལི༹་མེ་ཝ ནི་ཡྻཱ་ཏི.
༨༢. ཏི ཏ་དཱ་ར་མྨ་ཎ་བྷ་ཝ་ངྒ་མཱུ་ལ་བྷ་ཝ་ངྒཱ་ནཾ ཝ་སེ་ན ཝུ་ཏྟཾ. སེ་ས་མེ་ཏྠ ས་བྦཾ པཱ་ལི༹་ཝ་སེ་ནེ་ཝ ཝེ་དི་ཏ་བྦཾ.
ད་སྶ་ན་ཏྟི་ཀེ ད་སྶ་ནེ་ན པ་ཧཱ་ཏ་བྦོ རཱ་གོ ཨུ་པྤ་ཛྫ་ཏཱིཏི་ཨཱ་དཱི་སུ ད་སྶ་ནེ་ན པ་ཧཱ་ཏ་བྦོ པུ་ཐུ་ཛྫ་ན་སྶ ཨུ་པྤ་ཛྫ་ཏི. བྷཱ་ཝ་ནཱ་ཡ པ་ཧཱ་ཏ་བྦོ སོ་ཏཱ་པ་ནྣ་སྶཱ་པཱི་ཏི ཨེ་ཝཾ ཨུ་པ་རི་མ་སྶ ཨུ་པ་རི་མ་སྶ ཧེ་ཊྛི་མཱ ཧེ་ཊྛི་མཱ ནུ་པྤ་ཛྫ་ནྟཱི་ཏི ཝེ་དི་ཏ་བྦཱ. ད་སྶ་ནེ་ན པ་ཧཱ་ཏ་བྦོ དྷ་མྨོ བྷཱ་ཝ་ནཱ་ཡ པ་ཧཱ་ཏ་བྦ་སྶ དྷ་མྨ་སྶ ཨེ་ཀེ་ན་པི པ་ཙྩ་ཡེ་ན པ་ཙྩ་ཡོ ན ཧོ་ཏི. སེ་ས་མེ་ཏྠ པཱ་ལི༹ཾ ཨ་ནུ་ག་ནྟྭཱ ཀུ་ས་ལ་ཏྟི་ཀེ ཝུ་ཏྟ་ལ་ཀྑ་ཎ་ཝ་སེ་ནེ་ཝ ཝེ་དི་ཏ་བྦཾ.
ད་སྶ་ནེ་ན་པ་ཧཱ་ཏ་བྦ་ཧེ་ཏུ་ཀ་ཏྟི་ཀེ ད་སྶ་ནེ་ན་པ་ཧཱ་ཏ་བྦ་ཧེ་ཏུ་ཀཱ་དཱི་ནཾ ཝི་བྷཱ་གོ ཨ་ཊྛ་ཀ་ཐཱ་ཀ་ཎྜེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. ཝི་ཙི་ཀི་ཙྪུ་དྡྷ་ཙྩ་ས་ཧ་ག་ཏོ མོ་ཧོ ཨ་ཧེ་ཏུ་ཀ་ཏྟཱ ཏ་ཏི་ཡ་པ་དེ པ་ཝི་ཊྛོ. ཨེ་ཝ་མེ་ཏྠ ཡེ་སཾ ད་སྶ་ན་བྷཱ་ཝ་ནཱ་ཧི པ་ཧཱ་ཏ་བྦོ ཧེ་ཏུ ཨ་ཏྠི, ཏེ པ་ཧཱ་ཏ་བྦ་ཧེ་ཏུ་ཀཱ. ཡེ་སཾ སོ ན་ཏྠི ཏེ ནེ་ཝ་ད་སྶ་ནེ་ན ན་བྷཱ་ཝ་ནཱ་ཡ་པ་ཧཱ་ཏ་བྦ་ཧེ་ཏུ་ཀཱ་ཏི ཨི་མཾ པ་ཧཱ་ཏ་བྦ་ཧེ་ཏུ་ཀ་ཝི་བྷཱ་གཾ ཉ་ཏྭཱ སེ་སཾ ད་སྶ་ནེ་ན་པ་ཧཱ་ཏ་བྦ་ཏྟི་ཀེ ཙེ་ཝ ཀུ་ས་ལ་ཏྟི་ཀེ ཙ ད་སྶི་ཏ་ལ་ཀྑ་ཎཱ་ནུ་སཱ་རེ་ནེ་ཝ ཝེ་དི་ཏ་བྦཾ.
ཨཱ་ཙ་ཡ་གཱ་མི་ཏྟི་ཀེ ཙ པ་ཊི་ཙྩ་ཝཱ་ར་སཾ་ས་ཊྛ་ཝཱ་རེ་སུ ཨ་ནུ་ལོ་མཾ ཀུ་ས་ལ་ཏྟི་ཀ་ས་དི་ས་མེ་ཝ. སེ་སཾ ཝི་སྶ་ཛྫ་ན་ཏོ ག་ཎ་ན་ཏོ ཙ ཡ་ཐཱ་པཱ་ལི༹་མེ་ཝ ནི་ཡྻཱ་ཏི.
སེ་ཀྑ་ཏྟི་ཀེ ཨ་སེ་ཀྑོ དྷ་མྨོ སེ་ཀྑ་སྶ དྷ་མྨ་སྶ ན ཀེ་ན་ཙི པ་ཙྩ་ཡེ་ན པ་ཙྩ་ཡོ. སེ་ཀྑོ ཨ་སེ་ཀྑ་སྶ ཨ་ན་ནྟ་ར་པ་ཀ་ཏཱུ་པ་ནི་སྶ་ཡོ པ་ན ཧོ་ཏི. སེ་ས་མེ་ཏྠ ཡ་ཐཱ་པཱ་ལི༹་མེ་ཝ ནི་ཡྻཱ་ཏི, ཏ་ཐཱ པ་རི་ཏྟ་ཏྟི་ཀེ.
པ་རི་ཏྟཱ་ར་མྨ་ཎ་ཏྟི་ཀེ ཨ་པྤ་མཱ་ཎཱ་ར་མྨ་ཎཱ་ཙེ་ཏ་ནཱཏི སེ་ཀྑཱ་ནཾ གོ་ཏྲ་བྷུ་ཙེ་ཏ་ནཱ, པ་ཙྩ་ཝེ་ཀྑ་ཎ་ཙེ་ཏ་ནཱ་ཏི་པི ཝ་ཏྟུཾ ཝ་ཊྚ་ཏི. ཝི་པཱ་ཀཱ་ནཾ པ་རི་ཏྟཱ་ར་མྨ་ཎཱ་ནནྟི པ་ཊི་ས་ནྡྷི་ཡཾ ཀ་མྨཾ ཨཱ་ར་མྨ་ཎཾ ཀ་ཏྭཱ, པ་ཝ་ཏྟེ ཙ་ཀྑུ་ཝི་ཉྙཱ་ཎཱ་དི་ཝ་སེ་ན་རཱུ་པཱ་དི་ཨཱ་ར་མྨ་ཎཾ, ཏ་དཱ་ར་མྨ་ཎ་ཝ་སེ་ན ཛ་ཝ་ནེ་ན ག་ཧི་ཏ་པ་རི་ཏྟཱ་ར་མྨ་ཎ་ཉྩ ཨཱ་ར་མྨ་ཎཾ ཀ་ཏྭཱ ཨུ་པྤ་ནྣཱ་ནཾ. ཡེ པ་ན ‘‘གོ་ཏྲ་བྷུ་ཙི་ཏྟེ་ན ན་ཏྠི པ་ཊི་ས་ནྡྷཱི’’ཏི ཝ་ད་ནྟི, ཏེ ཨི་མི་ནཱ སུ་ཏྟེ་ན པ་ཊི་སེ་དྷེ་ཏ་བྦཱ. སེ་ས་མེ་ཏྠ པཱ་ལི༹་ན་ཡེ་ནེ་ཝ ཝེ་དི་ཏ་བྦཾ. ཧཱི་ན་ཏྟི་ཀོ ས་ངྐི་ལི་ཊྛ་ཏྟི་ཀ་ས་དི་སོ.
མི་ཙྪ་ཏྟ་ཏྟི་ཀེ མི་ཙྪ་ཏྟ་ནི་ཡ་ཏོ ས་མྨ་ཏྟ་ནི་ཡ་ཏ་སྶ, ས་མྨ་ཏྟ་ནི་ཡ་ཏོ ཝཱ མི་ཙྪ་ཏྟ་ནི་ཡ་ཏ་སྶ ཀེ་ན་ཙི པ་ཙྩ་ཡེ་ན པ་ཙྩ་ཡོ ན ཧོ་ཏི. མི་ཙྪ་ཏྟ་ནི་ཡ་ཏོ ཝཱ ས་མྨ་ཏྟ་ནི་ཡ་ཏོ ཝཱ ས་ཧ་ཛཱ་ཏཱ་དྷི་པ་ཏི་ར་ཧི་ཏོ ནཱ་མ ན་ཏྠི. ས་མྨ་ཏྟ་ནི་ཡ་ཏེ ཨེ་ཀ་ནྟ་ཏོ ཨཱ་ར་མྨ་ཎ་པུ་རེ་ཛཱ་ཏཾ ན་ཏྠི, མི་ཙྪ་ཏྟ་ནི་ཡ་ཏེ སི་ཡཱ ཨཱ་ར་མྨ་ཎ་པུ་རེ་ཛཱ་ཏཾ. ཨ་ནི་ཡ་ཏཾ ཙི་ཏྟཾ ཨཱ་ར་བྦྷ ནི་ཡ་ཏཱ མི་ཙྪཱ་དི་ཊྛི ཨུ་པྤ་ཛྫེ་ཡྻ. སེ་སཱ ནི་ཡ་ཏཾ ཨཱ་ར་བྦྷ ནི་ཡ་ཏཾ ནུ་པྤ་ཛྫ་ཏི, མི་ཙྪ་ཏྟ་ནི་ཡ་ཏཾ ག་རུཾ ཀ་ཏྭཱ ན ཀོ་ཙི དྷ་མྨོ ཨུ་པྤ་ཛྫ་ཏི. ཀུ་ས་ལོ མི་ཙྪ་ཏྟ་སྶ ཨུ་པ་ནི་སྶ་ཡ་པ་ཙྩ་ཡོ ན ཧོ་ཏི. སེ་ས་མེ་ཏྠ པཱ་ལི༹་ཡཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.
མ་གྒཱ་ར་མྨ་ཎ་ཏྟི་ཀེ པ་ཊི་ཙྩ་ཝཱ་ར་སྶ ཨ་ནུ་ལོ་མེ ཝི་པཱ་ཀ་པ་ཙྩ་ཡོ ན་ཏྠི. ཀ་མྨ་པ་ཙྩ་ཡེ་པི ཨི་མ་སྨིཾ ཏི་ཀེ ནཱ་ནཱ་ཀྑ་ཎི་ཀཾ ན ལ་བྦྷ་ཏི, ཏ་ཐཱ ཨུ་པྤ་ནྣ་ཏྟི་ཀ་ཨ་ཏཱི་ཏ་ཏྟི་ཀེ་སུ. པ་ཙྩ་ནཱི་ཡེ ཨ་ཧེ་ཏུ་ཀཾ མ་གྒཱ་ར་མྨ་ཎནྟི ཨ་ཧེ་ཏུ་ཀཾ མ་གྒཱ་ར་མྨ་ཎཾ, ཨཱ་ཝ་ཛྫ་ནཾ ས་ནྡྷཱ་ཡེ་ཏཾ ཝུ་ཏྟཾ. སེ་ས་མེ་ཏྠ པཱ་ལི༹་ཨ་ནུ་སཱ་རེ་ནེ་ཝ ཝེ་དི་ཏ་བྦཾ.
ཨུ་པྤ་ནྣ་ཏྟི་ཀེ ཙ ཨ་ཏཱི་ཏ་ཏྟི་ཀེ ཙ པ་ཊི་ཙྩ་ཝཱ་རཱ་ད་ཡོ ན་ཏྠི, པ་ཉྷཱ་ཝཱ་ར་མ་ཏྟ་མེ་ཝ ལ་བྦྷ་ཏི. ཀ་སྨཱ? པ་ཊི་ཙྩ་ཝཱ་རཱ་ད་ཡོ ཧི ས་ཧ་ཛཱ་ཏ་པུ་རེ་ཛཱ་ཏཱ་ན་ཉྙེ་ཝ ཧོ་ནྟི. ཨི་མེ ཙ ཏི་ཀཱ ཨ་ཏཱི་ཏཱ་ནཱ་ག་ཏ་མི་སྶ་ཀཱ. ཨུ་པྤ་ནྣ་ཏྟི་ཀེ ཙེ་ཏྠ ཨ་ན་ནྟ་ར་བྷཱ་གི་ཡཱ་པི པ་ཙྩ་ཡཱ ན ལ་བྦྷ་ནྟི. ཀ་སྨཱ? ཨུ་པྤ་ནྣ་ཏྟི་ཀེ ཨ་ཏཱི་ཏ་སྶ ཨ་བྷཱ་ཝ་ཏོ. ཨུ་པྤ་ནྣོ ཙ ཨ་ནུ་པྤ་ནྣོ ཙཱ་ཏི ཨི་མེ ཙེ་ཏྠ དྭེ དྷ་མྨཱ ཨུ་པྤ་ནྣ་སྶ ཙ ཨ་ནུ་པྤ་ནྣ་སྶ ཙཱ་ཏི ཨི་མེ་སཾ དྭི་ནྣཾ ན ཀེ་ན་ཙི པ་ཙྩ་ཡེ་ན པ་ཙྩ་ཡོ. ཨ་ནུ་པྤ་ནྣོ ཙ ཨུ་པྤཱ་དཱི ཙཱ་ཏི ཨི་མེ པ་ན དྭེ ཨུ་པྤ་ནྣ་སྶ ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན དྭཱི་ཧི པ་ཙྩ་ཡེ་ཧི པ་ཙྩ་ཡོ. སེ་ས་མེ་ཏྠ པཱ་ལི༹་ཡཾ ཨཱ་ག་ཏ་ན་ཡེ་ནེ་ཝ ཝེ་དི་ཏ་བྦཾ.
ཨ་ཏཱི་ཏ་ཏྟི་ཀེ པ་ཙྩུ་པྤ་ནྣཾ ཨ་ཏཱི་ཏཱ་ནཱ་ག་ཏ་སྶ, ཨ་ཏཱི་ཏཱ་ནཱ་ག་ཏ་ཉྩ ཨ་ཏཱི་ཏཱ་ནཱ་ག་ཏ་སྶ ན ཀེ་ན་ཙི པ་ཙྩ་ཡེ་ན པ་ཙྩ་ཡོ. ནི་བྦཱ་ནཾ པ་ན དྭཱི་སུ་པི ཨི་མེ་སུ ཏི་ཀེ་སུ ནེ་ཝ པ་ཙྩ་ཡ་ཏོ ན པ་ཙྩ་ཡུ་པྤ་ནྣ་ཏོ ལ་བྦྷ་ཏི. སེ་ས་མི་དྷཱ་པི པཱ་ལི༹་ཡཾ ཨཱ་ག་ཏ་ན་ཡེ་ནེ་ཝ ཝེ་དི་ཏ་བྦཾ.
ཨ་ཛ྄ཛྷ་ཏྟ་ཏྟི་ཀེ ཨ་ཛ྄ཛྷ་ཏྟ་བ་ཧི་དྡྷཱ་པ་དཾ ན ག་ཧི་ཏཾ. ཨ་ཛ྄ཛྷ་ཏྟ་བ་ཧི་དྡྷཱ་ས་ངྑཱ་ཏཱ ཧི ཨུ་བྷོ རཱ་ས་ཡོ ནེ་ཝ ཨེ་ཀ་ཏོ པ་ཙྩ་ཡཱ ཧོ་ནྟི, ན པ་ཙྩ་ཡུ་པྤ་ནྣཱ; ཏ་སྨཱ ཧ་ཏྠ་ཏ་ལེ ཋ་པི་ཏ་སྶ སཱ་ས་པ་སྶ ཝ་ཎྞོ་པི ཧ་ཏྠ་ཏ་ལ་ཝ་ཎྞེ་ན ས་དྡྷིཾ ཨེ་ཀ་ཏོ ཨཱ་ར་མྨ་ཎཾ ན ཧོ་ཏཱི་ཏི ཝེ་དི་ཏ་བྦོ. ཡ་ཐཱ ཙ ཨ་ཛ྄ཛྷ་ཏྟ་བ་ཧི་དྡྷཱ་པ་དཾ, ཨེ་ཝ་མེ་ཏྠ ཨ་ཛ྄ཛྷ་ཏྟཱ་ར་མྨ་ཎ་ཏྟི་ཀེ་པི ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎ་པ་དཾ ན ལ་བྦྷ་ཏི. སེ་སཾ ཡ་ཐཱ་པཱ་ལི༹་མེ་ཝ ནི་ཡྻཱ་ཏི.
ས་ནི་ད་སྶ་ན་ཏྟི་ཀེ་པི པཱ་ལི༹་ཝ་སེ་ནེ་ཝ ཨ་ཏྠོ ག་ཧེ་ཏ་བྦོ. ག་ཎ་ནཱ་པེ་ཏྠ པཱ་ལི༹་ཡཾ ཨཱ་ག་ཏ་ཝཱ་རེ ས་ངྑི་པི་ཏྭཱ ཧེ་ཊྛཱ ཝུ་ཏྟ་ན་ཡེ་ནེ་ཝ སཾ་ས་ནྡ་ནེ་སུ སཾ་ས་ནྡི་ཏྭཱ ཝེ་དི་ཏ་བྦཱ་ཏི.
དྷ་མྨཱ་ནུ་ལོ་མེ ཏི་ཀ་པ་ཊྛཱ་ན་ཝ་ཎྞ་ནཱ.